NEHEMIA 8:9 - Kok Borok (Re-edited) Bible (BSI)

⁹ Bororokno phrwngnai habugra Nehemia, ochai tei swinai Ejra, Lebirok bórokno hai hwnwi sa kha, “Tinini sal le norokni Subraiyung Kaitorni thani kwthar se, I’n Norok khábo ta kham di, ta bo ta kap di.” Bebak bororok kerongni kókno khna khe kap lai kha.

NEHEMIA 8:9 Iomraidhean Croise

2 HABUGRA 22:11

Habugra kerong bijapni kókrok khna khe bini ríno sichik kha.

2 HABUGRA 22:19

tamni hwn khe nwng ani bwskango bwkha kiphilwi Subraiyungni thani koinene wng kha tei ang o ha bai oro tongnairok digi-sigi wngwi swraimung nangnai hwnwi nwng khnaui nini rí sichigwi ani thani kapmano ang khna kha hwnwi Subraiyung sa-o.

2 BOSONG 15:3

Nokha bisi kwbángma Israilrok kubui Kaitorno karwi, bórokno phrwngnai ochai kwrwi khe raidarok kwrwi khe tong bai kha.

2 BOSONG 30:22

Hejekia kiri ya khe Subraiyungni samung kaham phunuknai Lebirokno sa kha. Hakhe bororok nokha salsni romwi pandani chámung chá lai kha, khakchangma yapharwi tei Subraiyung bórokni chuchusongni Kaitorno hambai rw lai kha.

2 BOSONG 34:19

Habugra kerongni kókrokno khna khe bini rírok sichigwi

2 BOSONG 34:21

“Tháng di, ani bagwi tei Israil bai Judani yakarwi klangjak bainai bororokni bagwi tei bijap manjakmani kókno tẃiwi Subraiyungno sẃngwi nai bai di, Subraiyungni jolima chini saka-o klai kha, tamni hwn ba chini chuchusong Subraiyungni kókno khna ya khe kerong bijabo swijak tongmani hai khlai li ya.”

2 BOSONG 35:3

Bo Israilno phrwngnai, Subraiyungni thani kwthar khe tongnai Lebirokno hai hwnwi sa kha, “Daudni bwsla habugra Solomon snammani swmai bokhokno nokthar bisingo ton di, norokni bangora-o tei abono tẃina nang glak, tabuk norok Subraiyung norokni Kaitorno tei bini Israil bororokno mon di.”

EJRA 2:63

Tei Hastepha bórokno hai hwnwi sa kha, Urim tei Thumim bai ochai khoroksa swk samung khlai phai man ya sak, bórok kwthar chámungno ta chá thung.

EJRA 7:11

Omono Artasarses Israilrokno Subraiyung rwmani a kerong bai bini dagimarokno ochai, Ejra tei elem kwrwngrokno kóktun swihormani.

NEHEMIA 10:1

Bumung swiwi rw lainairok wng kha: Hakaliani bwsla ha naikolnai tẃiphang Nehemia bai Jedekia.

NEHEMIA 12:26

Omorok Josadakni busuk, Jesuani bwsajla Joiakimni molo tei bubagra Nehemia tei ochai Ejrani jora-o tong bai-o.

NEHEMIA 7:65

Ochai khoroksa swk phaiwi Urim tei Thumim bai chongwi man ya sak bórok tei Kaitorni thani yapharmani chámungno cháui man glak hwnwi Judairokni habugra sakhlai rw kha.

NEHEMIA 7:70

Baksa núkhungni bokhorokrok noktharni samungni bagwi yaphar bai kha. Hani tẃiphang bokhorok rangkhógo rwma: Rangchak - kilo 8 Dangai - kai 50 Ochairokni chumjaknai - kang 530.

NEHEMIA 8:2

Hakhe ochai Ejra talsni talni puilani salo chwla, bwrwi tei chwrai buchiui mannai bororok kuthum laimani-o kerong bijapno tubu kha.

PHRWNGNAINI 3:4

kapna jorabo tongo, mwnwina jorabo tongo; bwkha khamnani jorabo tongo tei mwsana jorabo tongo;

JISAIA 61:3

Siyonno tongnairokni bagwi chongnani thapla rwna-o khum bwtang rwnani, kapsimang kapma-o tongthokni thok rwnani, bwkha hiligwi tongma-o lobmungni chummung rwnani; bo uk sói kubuini buphang hwnjakna nangnai, Subraiyung káimanirok hwnjagwi, tei bo chẃngsacha khlaijakna nangnai.

HOSEA 4:6

Simung kwrwini bagwi ani bororok komor kha; tamni hwn ba nwng simungno yakar kha, aboni bagwi ang nono ochai sokok kha. Nwng ani kerongno pokmani bagwi angbo nini bwsarokno poknai.

LEBI 23:24

“Israilsarokno hai hwnwi sa di, nokha talsni talni, puilani salo nwng kwchang kwchang khe lengla di tei totrorok tamwi muitu khlaima bai kwthar kuthum laimung kuthum di.

MALAKI 2:13

Nwng omo haibo khlai-o: Subraiyungni háyáno nwng muktwi kochok rw-o, nwng swlwksaui kabo, tamni hwn ba nini yapharmungno bo tei sak nangjak ya phiya abono bwkha bai khe nini yakni yabo yachak ya,

RUMSONGNO POL SWIHORMANI 3:20

Tamni hwn khe Kerongo tongmani abono khlaima bising tẃi khoroksa phano Kaitor bai kaham hwnwi romjak ya; Kerong wng kha borok sumsok khlaimano saui man rw-o.

RUMSONGNO POL SWIHORMANI 7:9

Kerong kwrwino ang salsa kwthang tongmani, phiya kerong dagima sók phai kheno sumsok thang chaui phai kha,

UÁINWINI SA PHIMA 12:12

Tei norok norokni sajwk sajlarokno tẃiwi seleng tei selengjwkrokno tẃiwi tei norokni kamiyungrogo tong bainai Lebirokno tẃiwi Subraiyung norokni Kaitorni bwskango tongthok lai di. Lebirokno khe ha banta rwjak li ya ba.

UÁINWINI SA PHIMA 12:7

Tei norokni Subraiyung norokni Kaitorni bwskango chá di, norok tei norokni núkhungni bororok, abo bebak Subraiyung norokni Kaitor hamari rwmani tei norokni samung khlai manmani hwnwi tongthok lai di.

UÁINWINI SA PHIMA 16:11

Tei Subraiyung norokni Kaitorni bumung lobjakna bagwi a chong thani-o norok norokni Subraiyung Kaitorni bwskango norok norokni sajwk, sajla, norokni seleng selengjwk, norokni kamiyungni bisingo tongnai Lebisong tei nwng bai tong phainai buini hani borokrok, ma-pha kwrwi, randijwk, bebakno tongthok lai di.

UÁINWINI SA PHIMA 26:14

Ani khá khammani jora-o ang aroni kwthar manwirokno kisa phano chá ya, ang kwthar ya tong phuru aroni mungsano phano nor ya tei thwinairoknobo oroni kisa phano rw ya. Ang ani Subraiyung Kaitorni khorangno khunju kaichom kha, nwng dagima tẃi’-no ang khlai kha.

JAKOB 4:9

Khá kham lai di, kap lai-kok lai wng lai di; mwnwima thagwi kap di, tongthokma thagwi mok di!