NEHEMIA 8:8 - Kok Borok (Re-edited) Bible (BSI)

⁸ Bórok Kaitorni kerong bijapno srai-srai khe poriui romwi manna tẃi khe swbaiwi saui khna rw kha.

NEHEMIA 8:8 Iomraidhean Croise

2 HABUGRA 23:2

Hakhe habugra, Subraiyungni noktharo tháng kha tei bo bai baksa bebak Judani tei Jerusalemni bororok, ochairok, diyarirok, bebak bororok, chwrairok tei okrarokbo tháng bai kha; Subraiyungni nok bisingo manmani a swmai bijabo tongmarokno bórokno poriui khna rw kha.

EJRA 4:18

norok chwngno kóktun swihormani abo ani bwskango’-no poriui swbai sajak kha,

NEHEMIA 8:12

Hakhe bebak bororok nogo kiphilwi thángwi tongthok khe chá lai kha-nung lai kha tei bórokni tongmano buino bo banta khe rw lai kha, tamni hwn ba bórokni thani poriui khna rwjakmani kókrokno saui man kha.

NEHEMIA 8:7

Bórok aro bachaui tong phuru Lebirok: Jesua, Bani, Serebia, Jamin, Akub, Sabethai, Hodia, Maseia, Kelita, Ajaria, Jojabad, Hanan, Pelaia, bororokno kerongni kókno swbaiwi sa kha.

NEHEMIA 8:9

Bororokno phrwngnai habugra Nehemia, ochai tei swinai Ejra, Lebirok bórokno hai hwnwi sa kha, “Tinini sal le norokni Subraiyung Kaitorni thani kwthar se, I’n Norok khábo ta kham di, ta bo ta kap di.” Bebak bororok kerongni kókno khna khe kap lai kha.

NEHEMIA 9:3

Bórok tongmani’-ono bacha lai kha tei dam tham jora bórokni Subraiyung Kaitorni kerong pori laiwi tei damtham bórok sumsok gosi laiwi bórokni Subraiyung Kaitorno khulum lai kha.

ESEKIEL 46:10

Bórok bisingo habwi tháng khe tẃiphangbo borok bai baksa ma thángnai, bórok nongkhorwi tháng khe bo’-bo nongkhorwi ma thángnai.

HABAKUK 2:2

Hakhe Subraiyung ano hai hwnwi sa kha: “Imang-mukthangni kókrokno holongthai belebo khe swiwi narwk di, hakhe abono porinairok sa phi rwi tongwi man anw.

LUK SWIMANI KOTHOMA KAHAM 24:27

Hakhe Musini simi tei bebak diyarirok bono tẃi elembakni bebago aswk saui klangmarokno Jisu bórokno swbaiwi saui khna rw kha.

LUK SWIMANI KOTHOMA KAHAM 24:32

Bórok hai hwnwi sa lai kha, “Lama-o bo chwng bai kók sa lai twtwi elembakni kókno swbai sa phuru chini bwkha maitwk kutukma hai kutuk ya da?”

LUK SWIMANI KOTHOMA KAHAM 24:45

Elembakni kókrokno bórok romwi manna tẃi khe Jisu aphuru bórokni bwkha kiyok rwui

SAMUNG 28:23

Aphuru bórok Pol bai sal chong lai khe a salo Pol tongmani aro bórok kwbángma phai lai kha. Phungni simi hor jora bo bórokno sukhrubwi saui Kaitorni hani kókno khna rw kha. Bo Musini Kerongni kók bai diyarirok swi langmani kókrokno tisaui Jisuni kókno bórokno bwkha hap rwna nai kha.