NEHEMIA 8:6 - Kok Borok (Re-edited) Bible (BSI)

⁶ Ejra, “Subraiyung kwplaisa Kaitorno lob di,” hwnwi sa kha. Hakhe bebak bororok bórokni yak tisa laiwi, “Amen, Amen,” hwnwi hwn lai kha, bórok yáskú sungwi, bokhorok bomwi, ha-o kwpal phnangwi Subraiyungno khulum lai kha.

NEHEMIA 8:6 Iomraidhean Croise

1 TIMOTHI 2:8

Joto jaga’-ono chwlarok suri san thung ang hwno, joli yaui, uálai yaui, yak kwtharno tisaui suri san thung.

KAPSIMANG KAPMA 3:41

Phai di, chwng bwkhano tei chini yakrokno chuknohani Kaitorni phaising tisa lai anw.

LAM RWMA 4:31

Hakhe bororok poito khlai lai kha tei Israilrokno Subraiyung naikhlai phi kha tei sátokjakmarok nuk lang kha hwnwi khna kheno bórok khorok bomson lai khulum lai kha.

2 BOSONG 20:18

Hakhe Jihosapat ha-o bokhorok klaiwi bom kha tei bebak Juda bai Jerusalemo tongnairok bokhorok bomwi Subraiyungno khulum lai kha.

PHUNUKJAKMANI 7:11

Suarirok bebakno a achukthayungno, okrarokno tei a makbrwirokno chorsa khe bacha lai kha. Hakhe bórok a achukthayungni bwskango pwtapsa klaiwi hai hwnwi saui Kaitorno khulum lai kha,

LOBMUNG 134:2

Tongthai Kwthar bwkhak yak tisaui norokni yakno phologwi Subraiyungno lob di.

NEHEMIA 5:13

Ang kanwi tongmani rírokno bupraui hai hwnwi sa kha, “Omo hai khe’-no Kaitorbo norokni bisingo swmai narwk yarokno bupranai tei Kaitor norokni nok-huk, norokni tong kwrwi bebak kaisa phano karjak ya tẃi khe tlangnai.” Aro tongnai bebak bororok, “Amen” hwn lai kha tei Subraiyungno lob lai kha. Hakhe bororok swmai tangmani hai khlai lai kha.

YAPHANG 24:26

Hakhe a borok yáskú sungwi Subraiyungno suriui

1 BOSONG 29:20

Hakhe Daud bebak kuthumnairokno hai hwnwi sa kha, “Subraiyung norokni Kaitorno lob di.” Bebak bororok bórokni chuchusongni Kaitor Subraiyungno lob lai kha tei bórokni bokhorok bom laiwi Subraiyungno tei habugrano khulum lai kha.

LEBI 9:24

Tei Subraiyungni aroni hór ongkhorwi phai kha tei háyá saka-o sógwi barokmani buphamno sógwi pái kha. Tei lukurok abono nuk khe chirikhók lai kha tei botok khe bolokhógwi khulum lai kha.

LAM RWMA 12:27

norok hai hwnwi ma sanai, “Omo wng kha Subraiyungni, yókmani rathar mung, tamni hwn khe Subraiyung, ha Ijip tẃi lái tháng phuru Israilrokni nokno haino lái tháng kha; ‘Bo Ijiprokno khe buthar kha, Chwngno khe haino karwi klang kha.’ ” Israilrok bórokni khorok bomwi khulum lai kha.

1 PITOR 1:3

Phai di, chwng chini Subrai Jisu Khristoni Bupha Kaitorno hambai rw anw. Bo belai khairogwi Jisu Khristono kwthwini mwthangwi tisama bai chwngno achai rw phi kha. Abo chwngno khatung rw súgo,

EPIS 1:3

Phai di, chini Subrai Jisu Khristoni Bupha Kaitorno chwng hambai rw lai anw. Tamni hwn khe Khristo bai chwng thansa wngma bising tẃi bo chuknohani tong kwrwi bebak’-no rwui chini kaham khlai kha.

1 KORINTH 14:16

Nwng Kaitorno nini phola bai simi se hambai rw khe nwng hambai rw phuru aro borok bángla tongnai bahai khe “Amen” hwnnai? Nwng samano bo romwi man ya.

MATHAI 26:39

Bo tei kisa bwskango thángwi ha-o bomkhlai hai hwnwi suri san kha, “Apha, man khe ba o khurino ani oroni nor di, omobo ani muchung tẃi ya, nini muchung tẃi’-no wng thung.”

MATHAI 6:13

Chwngno belai khe ta amjok di, phiya Hamyani yakni kati rw di. [Tei tamni hwn khe ha phankrak tei chẃngsacha mol brúm brúm bebak nini máng se. Amen.]

JIRIMIA 28:6

hakhe Jirimia diyari hai hwnwi sa kha, “Amen! Subraiyung abo haino khlai thung; Subraiyungni nokni kwthar manwirok tei bebak khaui tlangjak bororokno Babilonni oro kiphilwi tubuna hwnwi nwng kók diyari samano Subraiyung nang rw si thung.

LOBMUNG 141:2

Ani surima nini thani satrai motom hai wng thung, tei ani yak pholokma nini thani sarik jorani barokmung hai wng thung.

LOBMUNG 63:4

Hakhe kwthang tong sak ang nono lobnai, ang ani yak tisaui ang nini mungno ringnai.

LOBMUNG 41:13

Kusung kusung Israilni Kaitor, Subraiyung hamchajak khe tong thung. Amen tei Amen. Rwchapmung tẃithernaini bagwi Kurani bwslasongni Moskil

LOBMUNG 28:2

Ani koiwi sanmani khorangno khna ja di, ang kabwi nini thani chubamung sano, ang ani yakrokno nini háyá kwthar bwkhak suhorwi tisa ja-o.

2 BOSONG 29:30

Habugra Hejekia tei tẃiphangrok Lebirokno Daud bai diyari Asapni rwchap mungrokno Subraiyungni thani rwchap laina dagi kha. Bórok tongthogwi rwchap lai kha tei yáskú sungwi Kaitorno khulum lai kha.

2 BOSONG 6:4

Hakhe bo hai hwnwi sa kha, “Subraiyung Israilni Kaitor lobjak thung, bo bini búkhúk bai ani apha Daudni thani swmai tangmano bini yak bai supung kha, bo hai hwnwi sa kha,

YAPHANG 14:22

Abram Sodomni habugrano hai hwnwi sa kha, “Nokha bai ha snamnaisa Kaitor Kotor Subraiyungni mungwi ang swmai tangwi sa-o,

1 BOSONG 16:36

Israilni Kaitor Subraiyung lobjak thung! Mol brúm brúm bono lob di!” Hakhe bebak bororok “Amen” hwn di tei Subraiyungno lob di.

NEHEMIA 8:7

Bórok aro bachaui tong phuru Lebirok: Jesua, Bani, Serebia, Jamin, Akub, Sabethai, Hodia, Maseia, Kelita, Ajaria, Jojabad, Hanan, Pelaia, bororokno kerongni kókno swbaiwi sa kha.

1 BOSONG 29:10

Abo baino habugra Daud bebak bororok kuthum laimani bwskango Subraiyungno lobwi hai hwnwi sa kha, “O Subraiyung chini chuchusong Israilni Kaitor, nwng mol brúm brúm lobjak thung.

2 BOSONG 29:10

Subraiyung Israilni Kaitorni thamchi chini sakani norjak thung hwnwi tabuk bo bai kók kha lainani bagwi ani bwkha-o chong kha.

LOBMUNG 95:3

Tamoni hwn ba Subraiyung khe Kaitor kotor, tei bebak mwtairokni slái kotor bugra.