NEHEMIA 8:1 - Kok Borok (Re-edited) Bible (BSI)

¹ Israilni bororok sak sakni kamiyungo tong phaimani nokha talsni tal sók phai khe, bebak bororok Twi duglamni lampra-o pal khe kuthum lai kha. Bórok ochai tei swinai Ejrano Israil dophano Subraiyung rwmani Musini kerong bijapno tubu di hwnwi sa lai kha.

NEHEMIA 8:1 Iomraidhean Croise

2 HABUGRA 23:2

Hakhe habugra, Subraiyungni noktharo tháng kha tei bo bai baksa bebak Judani tei Jerusalemni bororok, ochairok, diyarirok, bebak bororok, chwrairok tei okrarokbo tháng bai kha; Subraiyungni nok bisingo manmani a swmai bijabo tongmarokno bórokno poriui khna rw kha.

2 BOSONG 34:15

Hakhe Hilkia swinai Saphanno hai hwnwi sa kha, “Ang Subraiyungni nok bisingo kerong bijap man kha.” Tei Hilkia bijapno Saphanno yaphar kha.

2 BOSONG 34:30

Habugra bebak Judani bororok, Jerusalemo tongnairok, ochairok, Lebirok, bebak kotor kotor bororok bai khe Subraiyungni nogo thángwi, Subraiyungni nok bisingo manmani swmai bijapni kókno bórokno khna rwui pori kha.

EJRA 7:1

Aboni ulo Artasarses Parsia-o habugra chámani molo Ejra wng kha Seraiani bwsla, bini bosongrok khe omo hai; Seraia Ajariani bwsla, Ajaria Hilkiani bwsla,

EJRA 7:10

Ejra bini sakno Subraiyungni kerongno kaham khe porinani, abono khlainani tei bebak aroni kerongno kaham khe Israilni bororokno phrwngnani bagwi khá chong kha.

EJRA 7:11

Omono Artasarses Israilrokno Subraiyung rwmani a kerong bai bini dagimarokno ochai, Ejra tei elem kwrwngrokno kóktun swihormani.

EJRA 7:6

O Ejra’-no Babilonni thángo. Bo wng kha swi kwrwng tei Israilni Kaitor Subraiyung rwmani Musini kerongno belai kaham khe si-o; Subraiyung bini Kaitorni yak tongmani bagwi bo naimani manwirokno habugra bono ma rw kha.

NEHEMIA 12:26

Omorok Josadakni busuk, Jesuani bwsajla Joiakimni molo tei bubagra Nehemia tei ochai Ejrani jora-o tong bai-o.

NEHEMIA 12:37

Daudni kamiyungo thángma lamani twimuk duglamo tháng laiwi, Daudni noyung láiwi twi duglamni uklok tẃi khe kamiyungni salka phaising tháng lai kha.

NEHEMIA 3:26

Parosni bwsajla Pedaia salka phaisingni Twi duglamni ganani simi noktharni mwrwkmani kuchuk nok jorano snam phi kha. (Abo Ophel hwnwi khaksa kamiyungni gana, Noktharo samung tangnairok snam phimani.)

NEHEMIA 8:16

Hakhe bororok nongkhorwi thángwi buphang bedekrok tubu-ui bórok sak sakni nokni núkhúngo, kainokni nokhlarogo, Kaitorni nokni nokhla-o, Twi Duglamni lampra-o tei Ephraimni duglamni lampra-o tang lai kha.

NEHEMIA 8:3

Twi duglamni lampra bwkhak rohorwi chwla, bwrwi tei buchiui mannai bororokni bwskango bo a kerongno phungni simi sal dibor jora pori kha, bebak bororok kerong bijapno khunju kaichomwi khna lai kha.

JISAIA 8:20

Kerong tei raida-o phrwngna bagwi tumungno bórok o kókno sa ya hwn khe, bórokni thani pohor kwrwi.

LEBI 9:5

Hakhe bórok Musini kók sama tẃi’-no a manwirokno tubu-ui rí swngjak nok bwskango kuthum lai kha tei Kaitorni bwskango bacha lai kha.

MALAKI 4:4

“Ani seleng Musini yak tẃi bebak Israilrokni bagwi Horeb hathái-o yapharmani a kerongrokno tei dagimarokno muitu khlai di.

MATHAI 13:52

Hakhe bo hai hwnwi sa kha, “Kók khe hai, Kaitorni hani sagri wngnai joto Kerong phrwngnai bo manwi kwtal bai kwchamno gulani tikhlainai nokphang hai se.”

MATHAI 23:13

“Kerong phrwngnairok bai Pharisairok, phatrarok! Norok bwswk se hamya sitra no! Norok bororokni mokol bwskango chuknohani duglam soui rw-o, norokbo bisingo hap ya, hapna nainairoknobo hap rw ya.

MATHAI 23:2

“Kerong phrwngnairok bai Pharisairok Musini Kerongno swbai sanani chongjak.

MATHAI 23:34

Abo bai’-no ang norokno o kók sa-o, ang norokni thani diyarirokno, elem gwnangrokno, phrwngnairokno rohor anw; bórokni bere baksano norok buthar anw, baksano norok kruso kanta bu anw, baksano norok thumnogo swpragwi o taunni u tauno rwkhlai anw.

UÁINWINI SA PHIMA 31:11

bebak Israilrok Subraiyung norokni Kaitorni chongthani bini bwskango kuthum lai di, aphuru nwng bebak Israilrokni bwskango bórokno khna rwui o kerongrokno pori di.

BUJ THUMNAIROK 20:1

Hakhe bebak Israilrok bororok Danni simi Birseba jora tei ha Giliadni bororok thansa khe Subraiyungni thani Mijpa-o kuthum lai kha,

BUJ THUMNAIROK 20:8

Bebak bororok bachaui hai hwnwi sa lai kha, “Chini bisingo khoroksa phano nogo kiphil lai glak.