NEHEMIA 7:4 - Kok Borok (Re-edited) Bible (BSI)

⁴ Jerusalem kamiyung wng kha kotorma tei kuarma, phiya ba aro borok kisicha se tongo tei nokrok kwbáng tangjak ya kho.

NEHEMIA 7:4 Iomraidhean Croise

NEHEMIA 11:1

Hakhe bororokni tẃiphangrok Jerusalemo tong lai kha tei bororokbo haino khorok chi-o khoroksa Jerusalem kamiyung kwtharo tei khorok chuku khe kubun kamiyungo tongnani patkar lai kha.

NEHEMIA 11:2

Tei bororok muchung tẃi Jerusalemo tongna nainairokno hambai rw lai kha.

NEHEMIA 7:3

Ang bórokno hai hwnwi sa kha, “Sal tung ya sak Jerusalemni duglamrokno ta phiyok di tei sal hapna swkang mwrwknairok mwrwgwi tongsani duglam kholobwi berep di. Tei ang Jerusalemo tongnairokno mwrwknai chong kha, sak sak tongma-o tei baksano khe sakni nok gana-o naichomna rw kha.”

NEHEMIA 7:5

Hakhe Kaitor ani khá-o kolok-kotorrokno, tẃiphangrokno tei bororokno thumwi núkhung mareui swinani kobok kha. Ang swkang kiphilwi phainairokni swiwi narwkjakno man kha. Ang aro-o omo hai khe swijak man kha:

JISAIA 58:12

Nini bororokni kwcham tei báikhrupjakrokno snam phinai; nwng kwbángma bosongni kusung kusungni thonglano tisa phi anw; tei nwng kwbairokno snam phinai tei tongthaini lamarokno snamnaisa hwnwi ringjak anw.

MATHAI 6:33

Tamo khe nwng Kaitorni hani bagwi se uansuk gra di, bo naima tẃino tongna bagwi se uansuk gra di; hakhe bo norokno aswk manwirokno rw anw.