NEHEMIA 7:3 - Kok Borok (Re-edited) Bible (BSI)

³ Ang bórokno hai hwnwi sa kha, “Sal tung ya sak Jerusalemni duglamrokno ta phiyok di tei sal hapna swkang mwrwknairok mwrwgwi tongsani duglam kholobwi berep di. Tei ang Jerusalemo tongnairokno mwrwknai chong kha, sak sak tongma-o tei baksano khe sakni nok gana-o naichomna rw kha.”

NEHEMIA 7:3 Iomraidhean Croise

NEHEMIA 13:19

Sabat salni swkang sal hapsaui phai khe’-no ang Jerusalemni duglamrok kholopnani dagi kha tei Sabat pái ya sak duglamrok ta phiyok di hwnwi sa kha, sabat salo kebo bisingo mungsa tubujak ya tẃi khe ang ani kisa borokno duglamo tong rw kha,

NEHEMIA 3:23

Benjamin bai Hasub bórok nokni uklok bwkhago snam lai phi kha. Aboni ulo Ananiani busuk, Maseiani bwsajla Ajaria bini nok bwskangnino snam lai phi kha.

NEHEMIA 7:2

Ang Jerusalem kamiyungno naikini khlainani barja, ani takhuk Hanani bai Hananiano chong kha. Hanania wng kha buini slái kók narwknai tei Kaitorno kirinai borok.

NEHEMIA 7:4

Jerusalem kamiyung wng kha kotorma tei kuarma, phiya ba aro borok kisicha se tongo tei nokrok kwbáng tangjak ya kho.

LOBMUNG 127:1

Subraiyung nok tisa ya khe, tangnaisani samung tangma le ahai’-no chúk ya se. Subraiyung kamiyungno mwrwk ya khe kamiyung mwrwknaisa mwrwkma ahai’-no chúk ya se.

LOBMUNG 147:13

Tamoni hwn ba bo nini dugar berebwi sojaknairokno rak rw-o; bo nwng bai tongnai nini bwsarokno hamari rw-o.

MATHAI 10:16

“Khna di, ang norokno geguma khola-o merano rohor tẃi se rohoro. Norok chibuk hai hus gwnang wng di, pharuk hai kwchang kwchang wng di.