NEHEMIA 7:2 - Kok Borok (Re-edited) Bible (BSI)

² Ang Jerusalem kamiyungno naikini khlainani barja, ani takhuk Hanani bai Hananiano chong kha. Hanania wng kha buini slái kók narwknai tei Kaitorno kirinai borok.

NEHEMIA 7:2 Iomraidhean Croise

YAPHANG 42:18

Salthamni salo khe Josep bórokno hai hwnwi sa kha, “Ang Kaitorno kirinai borok, ang norokno omo hai khe le phiyógwi mano:

2 SAMUEL 23:3

Israilni Kaitor sa kha, Israilni holong ano sa kha; khoroksa swk Kaitorno kiriui bororokno bujsói khe tẃi khe,

1 HABUGRA 18:12

Ang oroni kutul khe’-no Subraiyungni phola nono tlangwi tháng khe le? Hakhe, ang Ahabno nono oro se hwnwi saui, bo nono oro nuk phai ya hwn khe, bo ano butharnai. Muitu narwk di ang chwraini simi’-no khá bai Subraiyungno surinai borok.

1 HABUGRA 18:3

hakhe Ahab noyungni barja bokjak Obadiano ring kha, (Obadia wng kha Subraiyungno khá rwui surinai khoroksa,

NEHEMIA 1:2

Hanani hwnwi ani takhukrokni bisingo khoroksa tei kubun bodol kaisa bororok bai Judani phaiwi sók phai kha; hakhe ang bórokno buini ha-o khaui tlangjak phuru yógwi tong rwknai Judairok tei Jerusalem bahai tong hwnwi sẃng kha.

NEHEMIA 10:23

Hosia, Hanania, Hasub,

NEHEMIA 13:13

Ang omo bororokno rwbam nokni barja chongjak ochai Selemia, swinai Sadok, Pedaia hwnwi Lebi tei bórokno chubanai Jakurni bwsla Hanan, Mataniani busuk, tamo khe bórok se sói borok gwja, bórokni samung wng kha, bórokni takhuksongno banta khe rwnai barja.

NEHEMIA 2:8

phiya habugrani bolong mwrwknai Asapnobo kóktun swihor di hakhe bo ano noktharni bagwi tei kamiyung chokdeualni bagwi tei ang tongna nokni bagwi buphang rwnani.” Hakhe ang sanmani bebakno habugra ano rw kha, tamni hwn ba Kaitor ani logi-o tongo.

NEHEMIA 5:15

Ani slái swkang tong langnai habugrarok bororokni saka-o poja hilikma boksin kha, bórok rukphaini rang belep lep brwichino karwi chámung tei angur bwtwirokbo na-o. Bórokni selengrok suda bororokno kusubo. Phiya ba ang khe abo hai khlai ya, tamni hwn ba ang Kaitorno kiri-o.

NEHEMIA 7:3

Ang bórokno hai hwnwi sa kha, “Sal tung ya sak Jerusalemni duglamrokno ta phiyok di tei sal hapna swkang mwrwknairok mwrwgwi tongsani duglam kholobwi berep di. Tei ang Jerusalemo tongnairokno mwrwknai chong kha, sak sak tongma-o tei baksano khe sakni nok gana-o naichomna rw kha.”

JOBNI BIJAP 1:1

Ha Ujo Job hwnwi borok khoroksa tongmani. Bo Kaitorno surinai borok tei bini thani sói khe tongo, bo borok kaham tei mungsa phano samung hamya tang ya.

LOBMUNG 101:6

Hani kók khnaui tongnairokno ang naikhlai tongnai, hakhe bórok ang bai tongwi mannai; khait kwrwi lama tẃi himnai bororok bórok ano ma monnai.

LAM RWMA 18:21

Aboni bisingo bebak borokni bisingni omo hai chúknai bororokno saiwi nai di, bórok Kaitorno kirinai ma wngnai, bwkha berai manjaknai borok, rang chámano selengnai borok, ma wngnai; abo hai bororokno borok khoroksaini, borok khoroksarani tei khorokbachini phiya khorokchini bokhorok khe chong di.

DANIEL 6:4

Hakhe tei achukphangrok tei tẃiphangrok Danielno habugrani thani hamya sa laiwi majra bernani lama rutuk lai kha. Tamo khe bórok mungsa lama rutugwi man lai li ya. Tamni hwn ba bo belai khe kók narwgwi sói khe samung khlai-o, bini thani mungsa derajak-korójakrok nukjak li ya.

LEKHAMUNG 12:7

Tamo khe ani seleng Musini thani khe omo hai wng ya, bo khe bebak ani nogo kók khnaui tongnai borok.

MATHAI 24:45

“Hakhe sabo seleng kaham? Sabo khá sinai seleng sla? Bo wng kha omo tẃi: Nokphang khoroksa tei selengrokno sal brúm brúm chá rwna bagwi bini seleng khoroksano barja berwi rw kha.

MATHAI 25:21

Nokphang hai hwnwi sa kha, ‘Kahamno khlai kha, nwng kók khnanai seleng kaham. Nwng kisa bai se kaham, aboni bagwino ang nono kwbángmani barja ber anw. Phai di, ang bai baksa tongthok phai di.’

1 KORINTH 4:2

Oro kók tháisa wng kha omo hai, barja rwjaknai borok bo bini nokphangni thani kaham ma wngthai.

2 TIMOTHI 2:2

Borok kwbángmani bwskango ang kók sa phuru nwng khnamani kókrokno borok kahamrokni yago yaphar di, buino phrwngwibo mannai abo tẃirokni yago yaphar di.