NEHEMIA 6:2 - Kok Borok (Re-edited) Bible (BSI)

² Sanbalat bai Gesem ano hai hwnwi sa hor kha, “Phai di, chwng Ononi ha-mil kami khungsa-o malai lai anw,” Omo bórok ano hamya khlaina naitima se.

NEHEMIA 6:2 Iomraidhean Croise

2 SAMUEL 20:9

Hakhe Joab Amasano hai hwnwi sa kha, “Takhuk, nwng kaham kwrwng de tong?” Tei Joab bini yagra yak bai Amasano motom sunani bagwi khochai-o rom kha.

2 SAMUEL 3:27

Abner Hebrono sók phai khe, Joab bono tepsa khe kók sana naima hai khe duglamni kisa kotono tlangwi bono bohogo yórwi buthar kha, bini takhuk Asahelno butharmani bagwi abo hai khlaijak kha.

1 BOSONG 8:12

Elpalni khoroktham bwslasong: Eber, Misam tei Semed. Semedno kamiyung ono tei Lod bai aboni ganarogo kamirok tangnai.

NEHEMIA 11:35

Lod tei Ono manwi taknairokni harungo tong bai-o.

NEHEMIA 3:22

Bini ulo khe ochairok, hano kitingwi tongnai bororok abono snam lai phi kha.

NEHEMIA 6:3

Ang bórokni thani tẃitun rohorwi hai hwnwi sa hor phi kha, “Ang samung kotor khlai tongma bai ang phaiwi man glak. Tamni ang samungrok yakarwi ba norokni thani phai mannai?”

LOBMUNG 12:2

Bórok kók bandi bai bwkha dalnwi khe udru mudruni kók sa laiwi; khoroksa tei khoroksano tatal sa lai-o.

LOBMUNG 37:12

Borok hamyarok, borok kahamrokni bagwi hamya chap lai-o, tei bono naisigwi ua hul lai-o;

LOBMUNG 37:32

Borok hamya, borok kahamno mokol kaiwi tongo, tei bono butharna lama naitugo.

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

JIRIMIA 41:2

Nethaniani bwsajla Ismael tei bini a khorokchi chwlarok bachaui Babilonni habugra a hani bagwi hastepha chongjak Saphanni busuk Ahikamni bwsajla Gedaliano seng bai tanwi buthar kha.

ESEKIEL 33:31

Hakhe bórok bororok phai tẃi khe nini thani phainai tei nini bwskango ani bororok achuk tẃi khe achuk lainai, bórok nwng samani kókno bo khunju bai khnanai tamo khe abo hai khe tong glak; tamni hwn ba bórok búkhúk bai hamjak mungni kókrok sa phano bwkha-o khe khámaimung máng se wngnai.