NEHEMIA 4:8 - Kok Borok (Re-edited) Bible (BSI)

⁸ hakhe bórok Jerusalemo phaiwi nang lainani tei bororokno urumuru phnangnani chap lai kha.

NEHEMIA 4:8 Iomraidhean Croise

JIRIMIA 20:10

Ang kwbángma bororokno serek-serek khe, “Babaibrwi bwkhak kirimasingcha! bono khibi si di! Phai di chwng bono khibi lai sinai!” Ani khásukni kiching song ang thutaimano naisigwi tongo tei “Bo bandijaknai’-no, hakhe aphuru chwng bono mechenwi mannai tei aphuru khe bono yagul sunai,” hwnwi sa laimano khna-o.

NEHEMIA 4:7

Tamni hwn ba Sanbalat, Tobia, Arabni bororok, Ammonsarok tei Asdodo tongnairok chwng Jerusalemni chokdeual tang laimani doui tongo hwnwi khna khe bórok belai jolijak kha,

UÁINWINI SA PHIMA 1:29

Aphuru ang norokno hai hwnwi sa kha, ‘Bwkha udru mudru ta wng di, abórokno tabo ta kiri di.

2 SAMUEL 10:12

Khá rak di, chini bororokni bagwi tei chini Kaitorni kamiyungrokni bagwi nang lai anw. Subraiyung kaham naima tẃi’-no wng thung.”

2 BOSONG 32:7

“Phan tisa di tei khá rak di, Asiriyani habugrani tei bini sengkrakrokni bwskango tabo ta kiri di, bwkhabo ta bai di, tamni hwn ba bórokni slái chini thani khoroksa phan gwnang kuk tongo.

NEHEMIA 1:5

Hakhe ang hai hwnwi sa kha, “O chukhani Subraiyung Kaitor, belai kotor tei kirimasingcha Kaitor, hamjaknai tei bini dagimarokno kaham khe khlainairok bai nwng sói khe swmairok narwknaisa;

DANIEL 9:25

Aboni bagwi kaham khe saui man di tei si di: Jerusalemo tang phinani bagwi dagijakmani jorani simi Kaitorni chongjak habugra sók phai ya sak jora, hati barsni láiwi tei hati bar dokchinwi láiwi thángnai; abo pái khe Jerusalemni lamprarok tei huijak lamarok tei uáisa snamjaknai, tamo khe aphuru belai jora hamya wngnai.