NEHEMIA 4:3 - Kok Borok (Re-edited) Bible (BSI)

³ Ammonsa Tobia bini gana-o bachajak tei bo, “Bórok holongni chokdeual snammani aro siyalsa masa kasama bai se abo bebak bái anw!” hwnwi sa kha.

NEHEMIA 4:3 Iomraidhean Croise

1 HABUGRA 20:10

Hakhe Benhadad borok rwui rohorwi hai hwnwi sa rw hor kha; “Mwtairok ano abo hai’-no khlai thung teibo bára se khlai thung, tumungno Samariani ha ano rwktharnairokni khoroksa khoroksani bagwi hadlwi mochomsa mochomsa phano tong rwk khe ano abo hai’-no khlai thung!”

1 HABUGRA 20:18

Hakhe bo hai hwnwi dagi kha, “Bórokno kwthangno romwi tubu di, bórok choba nang laina bagwi phano phai thung eba kwthana kók sana bagwi phano phai thung.”

2 HABUGRA 18:23

Phai di, nwng tabuk ani bugra Asiriyani habugrani thani sa phai di; tumungno nwng korai kanairokno rwui man khe ang nono korai mak nwisai rwnai.

NEHEMIA 2:10

Tamo khe kami kotor Bethel Horonsa Sanbalat tei Ammon amchoini khoroksa tẃiphang Tobia hwnwi borok khoroksa Israil bororokni hamkraini bagwi samung khlainani phaiwi sók phai kha hwnwi khna khe belai chajak ya wng lai kha.

NEHEMIA 2:19

Tamo khe Horonsa Sanbalat, Ammonsa Tobia, Arabni Gesem abono khna khe chwngno thesra khlaiwi mwnwi laiwi hai hwnwi sa kha, “Norok tamo khlai lai tong? Norok habugrano kebengwi de bachana nai?”

NEHEMIA 6:1

Aphuru ang duglamo dugarrok thepa bai ya kho phano Sanbalat, Tobia Arabo tongnai Gesem tei bebak chini kena arirok chwng bebak chokdeual tang bai kha tei aro mungsabo karjak kwrwi kha, hwnwi khna khe,

KAPSIMANG KAPMA 5:18

tamni hwn khe Siyon hathái khibijak wng kha; pheuangrok se aro himgurung lai si-o.

UÁINWINI SA PHIMA 23:3

Ammonsa eba Moabsa Subraiyungni kuthum lai thani habwi man glak; bórokni bosong kaichi jora tẃi khoroksa phano Subraiyungni kuthum laithani hap phlaiwi man glak.