NEHEMIA 2:8 - Kok Borok (Re-edited) Bible (BSI)

⁸ phiya habugrani bolong mwrwknai Asapnobo kóktun swihor di hakhe bo ano noktharni bagwi tei kamiyung chokdeualni bagwi tei ang tongna nokni bagwi buphang rwnani.” Hakhe ang sanmani bebakno habugra ano rw kha, tamni hwn ba Kaitor ani logi-o tongo.

NEHEMIA 2:8 Iomraidhean Croise

YAPHANG 32:28

A borok hai hwnwi sa kha, “Nini mung tei Jakob wng glak kha, Nwng Kaitor bai tei borok bai choba khlaiwi mungnwio’-no pái kha, aboni bagwi nini mung Israil wngnai.”

EJRA 5:5

Tamo khe Kaitor Judaini okrarokno naikhlaiwi tongo, hakhe Dariasni thani kóktun swi rohorwi bini aroni kók khna phiya sak samung tangmano mwthak li ya.

EJRA 6:22

Bórok tongthok laiwi nokha salsni jora auan bángla panda chá lai kha, tamni hwn ba Subraiyung se Asiriyani habugrano bórokni bwkhak khlaiwi tongthokma rw kha tei bo Israilni Kaitorni nokthar tangmani samungobo chuba kha.

EJRA 6:8

teibo ang o Judai okrarok Kaitorni nok tangma-o norok tamo khlaina nangno dagi-o, a bororokni bebak rang nangmani abo twima nar amchoi-o aswk rang, teksrok thumjakmani habugrano kariui daktino rwjaknani wng thung.

EJRA 7:6

O Ejra’-no Babilonni thángo. Bo wng kha swi kwrwng tei Israilni Kaitor Subraiyung rwmani Musini kerongno belai kaham khe si-o; Subraiyung bini Kaitorni yak tongmani bagwi bo naimani manwirokno habugra bono ma rw kha.

EJRA 7:9

Bo Babilonni thángma puila talni puilani salni simi thángnani chengwi Kaitorni yak tongma bai nokha talbani puila salo Jerusalemo sók phai kha.

NEHEMIA 7:2

Ang Jerusalem kamiyungno naikini khlainani barja, ani takhuk Hanani bai Hananiano chong kha. Hanania wng kha buini slái kók narwknai tei Kaitorno kirinai borok.

PHRWNGMUNG 21:1

Subraiyungni thani habugrani bwkha le twisani twi hai se; bo abono bini muchungthanino bono rohoro.

PHRWNGNAINI 2:5

ang tháiblwngrok, khum bwlwngrok snam kha tei aro juda juda bwtháini buphangrok kái kha.

PHRWNGNAINI 2:6

Buphang-uáphangrogo twi luna bagwi pukhirirok khur kha.

JISAIA 66:14

Norok nuknai, hakhe norokni bwkha tongthok anw; nini bekreng sam kwlwi hai hamchanai; tei Subraiyungni yak bini selengrokni sago tongo hwnwi saui mannai tei bo bini arirokno kebengwi joli-o.”

DANIEL 1:9

Hakhe Kaitor gurma tẃiphang okrani bwkha-o Danielno khairok rw kha.

SAMUNG 26:22

Tamo khe tinini sal jora Kaitor ano chubaui phi kha, hakhe oro bachaui kusu kotor bebakni thani ang sakki rwui tongo. Diyarirok tei Musi ahai wngnai hwnwi sa langma bai ang samani abo le katswi thansa se;

SAMUNG 7:10

hakhe bebak tektoni bising tẃi bono kaham khe tubu kha. Ijipni bugra Pharaoni bwskango Josep bacha phuru Kaitor bono tongmung kaham bai elem rw kha. Hakhe Pharao Josepno hani gobornorbo snam kha, bugra nokni okrabo snam kha.

2 KORINTH 8:16

Chwng norokno chubana muchungma hai’-no Titnobo chubana muchung rwma bagwi chwng Kaitorno bwswk hambai rw!