NEHEMIA 2:4 - Kok Borok (Re-edited) Bible (BSI)

⁴ Hakhe habugra ano, “Nwng tamo nai?” hwnwi sa kha. Ang chukhani Kaitorni thani suri san kha.

NEHEMIA 2:4 Iomraidhean Croise

2 SAMUEL 15:31

“Ahithophel bo haino Absalom bai baksa kebengma-o gwdal kha,” hwnwi Daud sajak khe Daud, “O Subraiyung, Ahithophelni bitirokno samungno mungsa chúk ya khlai di,” hwnwi suri kha.

1 HABUGRA 3:5

A horo Subraiyung bono imango nukjagwi, “Nwng ani thani tamo nai?” Hwnwi sẃng kha.

NEHEMIA 1:11

O Subraiyung, nini seleng surimano tei nono bórinairok suri sanmano khunju kai ja di. Nini selengni samungno cha rw ja di tei habugrani thani ano khairokjakna tẃi khlai ja di. Ang a jora-o habugrani khuri tẃinai ja se.

NEHEMIA 1:4

Ang abórokno khna khe ang achugwi kap kha, tei sal kolokma ang khá khamwi tong kha tei ang chukhani Kaitorni bwskango chá ya-nung ya khe suri san kha.

NEHEMIA 1:5

Hakhe ang hai hwnwi sa kha, “O chukhani Subraiyung Kaitor, belai kotor tei kirimasingcha Kaitor, hamjaknai tei bini dagimarokno kaham khe khlainairok bai nwng sói khe swmairok narwknaisa;

NEHEMIA 2:20

Hakhe ang bórokno hai hwnwi sa kha, “Chukhani chini Kaitor chwngno hamcha rwnai. Chwng bini selengrok bachaui samung tang sinai. Phiya ba Jerusalemo norokni mungsa banta kwrwi, aro norokni sanjaknai bo mungsabo kwrwi.”

NEHEMIA 2:5

Hakhe ang habugrano hai hwnwi sa kha, “Tumungno habugra lon khe tei nini o selengno bwkha phurjak khe ano ani chuchusong phobjakmani ha Judani kamiyungo rohor di, hakhe ang abono tisa phirwi man anw.”

ESTER 5:3

Hakhe Ester swkangwi thángwi bono hai hwnwi sẃng kha, “Tamo Ester? Nwng tamo san? Nwng ani hani khaksa phano san khe ang nono abono rwnai.”

ESTER 5:6

Bórok chuak nung lai te nung lai te bubagra Esterno hai hwnwi sẃng kha. “Nwng tamo nai sa di? Nwng sanma tẃi’-no rwjaknai. Ani hani khaksa san phano ang nono rwnai.”

ESTER 7:2

Aphuru bórok chuak nung lai tong phuru khe habugra haino hai sa kha, “Isiri Ester, nwng tamo nai? Abono nono rwjaknai. Nwng tamono san? Ani hani khaksano phano wng thung ang nono abono rwnai.”

LOBMUNG 136:26

Chuknohani Kaitorno hambai rw di, tamni hwn ba bini pái phlai ya hamjakma mol brúm brúm tong phlai-o.

PHRWNGMUNG 3:6

Bebago’-no nwng bono bwskango ton di, hakhe bo nini lamarokno kepleng khlainai.

MARK 10:51

Jisu bono hai hwnwi sẃng kha, “Nwng tamo nai? Ano tamo khlai di hwn?” “Hoda, ang mokol nuk phina muchungo,” hwnwi bo sa kha.

SAMUNG 23:19

Sengkrak dagiphang bono yak tolwi tepsa khe tlangwi hai hwnwi sẃng kha, “Ani thani nini tamo sajaknai tong?”

PHILIPI 4:6

Mungsani bagwi phano ta uana di, tamo khe norok bebago’-no suri sanwi hambai rwui nangma manwino Kaitorni thani san di.