NEHEMIA 13:2 - Kok Borok (Re-edited) Bible (BSI)

² Tamni hwn ba Israilni bororok ha Ijipni yógwi phai phuru bórok chánani mai tei twi rw sok li ya, phiya ba Balamno se Israilrokno swrainani bagwi na rw hor kha, hai phano chini Kaitor a swraimungno sláiwi hamari se khlai si-o.

NEHEMIA 13:2 Iomraidhean Croise

LOBMUNG 109:28

Bórok bati rw thung, nwng khe hamari rw thung. Ano kebengwi bachanairok lachimung man thung; tamo khe nini seleng khe bwkha srang thung.

MIKA 6:5

O ani bororok, ha Moabni habugra Balak tamo chapmani tei Beorni bwsla Balam bono tamo hwnwi sa kha muitu khlaiwi nai di. Sitimni simi Gilgalni lama tẃi tháng lai phuruni kókno muitu khlaiwi nai di, norokno mwthangna bagwi Subraiyung tamo khlai kha hakhe norok saui man anw.”

LEKHAMUNG 23:18

Aphuru Balam hai hwnwi kók diyari sa kha, “Bacha di, Balak, ani kók khna di, O Jiporni bwsla, ani kókno khunju kaichomwi khna di,

MATHAI 25:40

Bugra hai hwnwi sa phir anw, ‘Ang norokno sói kókno sa-o, ani o takhukrokni bere kusu khoroksano phano norok abo tẃi khlai kha hwn khe abo ano’-no khlaima klai-o.’

UÁINWINI SA PHIMA 23:3

Ammonsa eba Moabsa Subraiyungni kuthum lai thani habwi man glak; bórokni bosong kaichi jora tẃi khoroksa phano Subraiyungni kuthum laithani hap phlaiwi man glak.

UÁINWINI SA PHIMA 23:4

Tamni hwn khe norok ha Ijipni nongkhorwi phaimani jora-o bórok norokno chámung tei nungmung rwui chuba li ya; tei bórok norokno swrai rwnani bagwi Mesopotamiani Pethoro tongnai Beorni bwsla Balamno kwchárwi tubu kha.

UÁINWINI SA PHIMA 23:5

Hai phano, Subraiyung norokni Kaitor Balamni kókno khunju kai li ya; abo hai wng yaui Subraiyung norokni Kaitor norokno sraimano’-no hamari snam kha, tamni hwn khe, Subraiyung norokni Kaitor norokno hamjago.

2 PITOR 2:15

Bórok lama keplengno karwi lama koró kha; bórok Beorni bwsla Balam himmani a lama-o him kha; a Balam samung hamya tangwi rang mannano hamjago,