NEHEMIA 1:9 - Kok Borok (Re-edited) Bible (BSI)

⁹ Phiya ba norok ani thani kiphilwi phai khe tei ang norokno dagimarokno khlai khe, ang khulumjaknani hwnwi saimani-o thumwi norokno tubu-ui phai phinai.”

NEHEMIA 1:9 Iomraidhean Croise

1 HABUGRA 8:48

Bórok a ha-o tong phuru kubui khe khá nangwi khá kiphil khe tei bórok nwng chini chuchusongno rwmani a ha-o tei nwng chongma kamiyungno tei ang nini bagwi tangmani nokthar bwkhak naharwi suri khe,

1 HABUGRA 9:3

Subraiyung bono hai hwnwi sa kha, “Ang nini surimano khna kha. Nwng, ang mol brúm surijakna bagwi tangmani o noktharno kwthar khlai kha; ani mokol tei khá aro tong phlainai.

1 BOSONG 16:35

Ahwnwibo sa di, “Chwngno phiyók ja di, o Kaitor chini mwthangnai; hakhe nini mung kwtharno hambai rwui manna tẃi tei lobwi chẃngsacha khlaiwi manna tẃi chwngno thumwi dopharokni yakni mwthang di,

EJRA 6:12

Kaitor sak baithang Jerusalemni khulumjaknai hwnwi chongmano habugra bai tei bororok bai abono yak tisaui noktharno swbainani nainairokno, Darias hai hwnwi dagi-o, abo kaham khe naichomwi khlaijaknani wng thung.”

LOBMUNG 106:47

O Subraiyung, chini Kaitor, chwngno mwthang ja di, dopharokni bisingni chwngno thum ja di, hakhe chwng nini mung kwtharno ham bai rwui chẃngsacha khe lobwi man anw.

LOBMUNG 107:3

tei bórokno ha gwnangwini thum kha, salkabaini tei salthángbaini, salsibai tei salgrani thum kha.

LOBMUNG 147:2

Subraiyung Jerusalemno tisa-o; bo Israilni basijakrokno kwrẃngsa khe thumo.

JISAIA 11:12

Tei bo dopharokni bagwi mari kaisa rw anw tei ha gwnangwi pisa-piring wngwi tongjak Israilni bai Judani riphujirokno kwrẃngsa khe thumsa khlainai.

JISAIA 27:12

O Israil bororok a salo Subraiyung Uphratis twima rukungni simi ha Ijip jora bini borokno khoroksa khoroksa khe mairung maichlam sai tẃi khe thumnai.

JISAIA 56:8

Subraiyung Kaitor hai hwnwi sa-o, “Sabo Israilni basijakrokno thum kha, hai phano ang a thumjakrok bai baksa khe tei kubunrokno bini thani thumnai.”

JIRIMIA 12:15

Hakhe ang bórokno phuichaui tubu-ui tei uáisa bórokno khairok phinai, hakhe bórok jotono’-no bórokni ha-o bórokni man-bantarokno rwnai.

JIRIMIA 3:14

“Kók khna ya bororok kiphilwi phai di; Norok ani borok se. Ang kamiyung mareui khoroksa khe norokni bisingni tei núkhung mareui khoroknwi khe naharnai tei nono Siyon hathái-o tubunai.”

JIRIMIA 31:10

O dopharok, Subraiyungni kókrokno khna jabai di, hakchalni twijlang rukungni harogo omo auai khlai rw di, hakhe hai hwnwi sa di: “Israilno piring-poroi khlainairokno bo’-no ma thum anw, tei mera mwrwknai bini mera gutno mwrwkma hai’-no bo bórokno ma mwrwknai.”

JIRIMIA 32:37

Nai di, ang jolima bai, thamchi bai tei khá kobor uaijaui bórokno rwkhlai rohorma harokni haino hai bórok bebakno thum anw; ang bórokno oro kiphilwi tubu-ui phainai tei bórokno oro kirina kwrwi khe tonnai.

JIRIMIA 6:22

Subraiyung hai hwnwi sa-o: “Nai di salgrabai bwkhakni hani bororok phaiwi tongo; ha páithakni phan gwnang dopha kaisa choba nang laina bagwi tiyar wngwi tongo.

ESEKIEL 14:6

“Aboni bagwino Israil núkhungrokno sa di: Subraiyung Kaitor hai hwnwi sa-o: Khá kiphil di! Takjak mwtairokni aroni tei norokni selengmasingcha samungrokno yakarwi phai si di.

ESEKIEL 36:24

Ang norokno bebak dopharokni tei harokni thumwi tlangwi norokni ha-o kiphil rwui tubunai.

LEBI 26:3

“Tumungno nwng ani dagimarok tẃi tong khe, ani raidarokno narwk khe,

SAKARIA 8:7

Kwplaisa Subraiyung hai hwnwi sa-o: Ang ani bororokno salkabai hani tei salthángbai hani phiyógwi tubunai;

MATHAI 24:31

Totro kotor sotonwi pung anw, hakhe bo bini suarirokno haktorni babai brwi-o rohor anw, bórok bini chongjak bororokno haktorni yaphang buchukni thum phai anw.”

UÁINWINI SA PHIMA 12:21

Tumungno Subraiyung norokni Kaitor sakni bumung songchana bagwi chongma, abo norok tongma bai hakchal wng khe, hakhe ang sama tẃi’-no, norok Subraiyung bai rwjakma mal-mata bodolni naharwi buthar di tei sak muchungma jora tẃi’-no norokni kamiyung bisingo khe cháui mano.

UÁINWINI SA PHIMA 12:5

Phiya ba Subraiyung norokni Kaitorni bumungno songchana bagwi bebak bosongrokni bisingo tongthai chong anw, o tongthaino norok naituk di. Norok arono ma thángnai.

UÁINWINI SA PHIMA 30:1

“Ang norokni bwskango o hamarirok bai sraimungrok norokni saka-o sók phai phuru khe Subraiyung norokni Kaitor norokno koproi rwui tlangnai a hano norok bwkha-o chu-ui tháng di.