NEHEMIA 1:7 - Kok Borok (Re-edited) Bible (BSI)

⁷ Chwng nini bwskango belai samung hamya tang kha tei nwng dagima hai khlai li ya. Chwng nini seleng Musini yak tẃi rwmani kerongrokno tẃi li ya.

NEHEMIA 1:7 Iomraidhean Croise

1 HABUGRA 2:3

tei nini Subraiyung Kaitor naima hai khe’-no khlai di, bini lamarok tẃi him di, bini kerongni bebakno tei bini dagimarokno khnanani, bini bujsóino tẃinani, bini kókno sajaknairokno sanani bagwi Musini kerongo swijak tongma tẃi’-no khlai di, hakhe nwng tangma bebak samungo’-no tei thángma’-ono hamchanai.

2 BOSONG 25:4

Phiya Musini bijabo raida swijak tongmani hai khe bo bórokni bwsarokno buthar li ya, Subraiyung hai hwnwi dagi-o, “Bwsarokni bagwi bupha butharjak glak, eba buphani bagwi bwsarok butharjak glak; phiya ba borok jotonono sak sakni sumsok bai se ma thwinai.”

2 BOSONG 27:2

Bo bini bupha Ujia khlaimani hai khe bo Subraiyungni mokolo chajakmani haino khlai kha, phiya ba bo Subraiyungni nogo tháng li ya. Phiyaba bororok samung hamyano tanglaima thaklai li ya.

EJRA 7:6

O Ejra’-no Babilonni thángo. Bo wng kha swi kwrwng tei Israilni Kaitor Subraiyung rwmani Musini kerongno belai kaham khe si-o; Subraiyung bini Kaitorni yak tongmani bagwi bo naimani manwirokno habugra bono ma rw kha.

LOBMUNG 106:6

Chini chuchusong sumsok khlai kha; chwng cha ya khlai kha tei hamya samung tang kha.

LOBMUNG 89:31

tumung bórok ani raida swbaiwi, ani dagimarokno rákhok ya hwn khe,

LOBMUNG 89:32

hakhe ang bórokni samung hamyani bagwi raidang bai swpraknai tei kók khna ya wngma bagwi bórokno bunai;

JISAIA 1:4

Nwng le gaijalahado, o sumsok gwnang dopha, cha ya-chúk ya bai máng hilikjak bororok, samung hamya tangnairokni bosongrok, hamya bai kubuljakrokni bwsarok! Nwng Subraiyungno khibi kha, Israilrokni Kwtharsano norok thamchi tung rwui joli rw kha, bini aroni uklok bwkhak uslu-ui tháng bai kha.

DANIEL 9:11

Joto Israilrok nini raidarokno swbai kha tei nini samano tẃiwi tongnani lon bai li ya. Chwng nini thani sumsok khlaimani bagwi nini seleng Musini thani sraimungrok tei swmai tangmanirok chini thani lukhlaiwi rwjak kha.

DANIEL 9:13

Musini kerongo swijak tongmani hai khe bebak dosa chini saka-o klai kha, hai phano se chwng sakni cha yarokno yakarwi, samung kubui tangwi Subraiyung chini Kaitorno bwkha ham rwna nai ya kho.

HOSEA 9:9

Gibeani jora-o wngma hai bórok sak-sakno belai sitra rw kha; bo bórokni sumsokrokno muitu narwknai tei bórokni a cha yarokni bagwi yagul sunai.

LEBI 27:34

Omorok’-no wng kha Subraiyung Sinai hathái-o Musini yak tẃi khe Israilsarokno kerong dagimung rwmani.

JAPHANIA 3:7

‘Bo ano ki se kirinai tei bórok ang khoraimano khna anw; tei bo mokol nuk ya wng glak tei bini saka-o ani sátokmabo klai glak’ hwnwi ang khá kamani, tamo khe bini bororok teibo se samung hamya khlaina bagwi hal-hal khe khlai lai si-o.”

MALAKI 4:4

“Ani seleng Musini yak tẃi bebak Israilrokni bagwi Horeb hathái-o yapharmani a kerongrokno tei dagimarokno muitu khlai di.

UÁINWINI SA PHIMA 4:1

“Hakhe tabuk, o Israil, ang norokno dagima raidarokno tei kerong phrwngmarokno khna di. Subraiyung norokni chuchusongni Kaitor norokno a hano rwna naiwi tongmani ha-o habwi kwthang tongwi manna bagwi abórokno khna di.

UÁINWINI SA PHIMA 4:5

Nai di, norok habwina naimani a ha-o habwi a dagijakmarokno tei kerongrokno tẃi tongna bagwi Subraiyung ani Kaitor ano dagima hai’-no tei kerongrok rwma hai’-no ang norokno phrwng kha.

UÁINWINI SA PHIMA 5:1

Aphuru Musi bebak Israilrokno ring kha tei bórokno hai hwnwi sa kha, “O Israilrok, ang norokno tini khna rwmani kerong tei dagimung rwmarokno khna di; norok omorokno khir-khir khe srwng di tei tẃiwi tongna nai di.

UÁINWINI SA PHIMA 6:1

“Norokno phrwngna bagwi Subraiyung norokni Kaitor ano o dagimarok tei raidarokno kerongrokno rw kha, norok sakni ha khlaina bagwi hapna naiwi tongmani a ha-o norok omorokno khlai manna bagwi se rw-o.

PHUNUKJAKMANI 19:2

Bo sói kubui khe buj thumnai! Uaijaui swngcharno hamya khlainai a belai baliknaijwkno Kaitor buj thum kha. Bo Kaitorni selengrokno butharma bai Kaitor bono yagul su kha!”