NEHEMIA 1:5 - Kok Borok (Re-edited) Bible (BSI)

⁵ Hakhe ang hai hwnwi sa kha, “O chukhani Subraiyung Kaitor, belai kotor tei kirimasingcha Kaitor, hamjaknai tei bini dagimarokno kaham khe khlainairok bai nwng sói khe swmairok narwknaisa;

NEHEMIA 1:5 Iomraidhean Croise

1 HABUGRA 8:23

hai hwnwi suri kha, “Israilni Subraiyung Kaitor nokha bai ha saka-o tei nwng hai Kaitor kwrwi: nwng nini bororok bai nini swmaino narwgo tei bórok khá rw súgwi nini kók khnaui tong khe nwng bórokno nini hamjakmano phunugo.

1 BOSONG 17:21

Nini borok snamnani bagwi phiyógwi tubumani Israil hai tei kubun dopha kwrwi, nini mung pír rwnani bagwi kwmamsingcha samung kotor khlai kha, nwng ha Ijipni phiyógwi tubumani nini bororokni bwskango kubun dopharokno rwkhlaiwi rohor kha.

EJRA 1:2

Parsiani habugra Sairas hai hwnwi sa-o: “Subraiyung chuknohani Kaitor, hayungni bebak bugrani hano ano yaphar kha tei ani thani Judani Jerusalemo bini bagwi nokthar tangnani barja bók kha.

NEHEMIA 2:4

Hakhe habugra ano, “Nwng tamo nai?” hwnwi sa kha. Ang chukhani Kaitorni thani suri san kha.

NEHEMIA 4:14

Naiba bororok belai uana laijak, hakhe ang bachaui ojamarokno, tẃiphangrokno tei bebak bororokno hai hwnwi sa kha, “Bórokno ta kiri di, kirimasingcha phan gwnang Subraiyungno se muitu khlai di, norokni takhukrokni bagwi, nwslasongrokni bagwi nwsajwksongrokni bagwi, nihiksongrokni bagwi tei núkhungrokni bagwi choba nang lainai.”

NEHEMIA 4:8

hakhe bórok Jerusalemo phaiwi nang lainani tei bororokno urumuru phnangnani chap lai kha.

NEHEMIA 9:32

“O chini Kaitor, nwng bwswk se Kotor, kwmamsingcha tei phan gwnang, nwng nini swmai tangmano kók narwgo, Asiriyani habugra chwngno sátok phuruni simi, tini jora chwng bwswk se sátokma man kha; chini habugrarok, tẃiphangrok, ochairok, tei diyarirok, chini chuchusong, tei bebak bororok, bwswk se sátokma man bai kha.

LOBMUNG 47:2

Tamoni hwn ba Subraiyung se kotor kuk tei bo wng kha kirimasingcha, bo se swngchar gwnangwini bugra kotor.

LOBMUNG 76:8

Nwng chuknohani bujni kók khna rw kha; hakhe o ha kirijak kha tei siringcha wng kha

LOBMUNG 89:2

Ang nini tong phlainai pái phlai ya hamjakmano sakhlainai; nwng kók narwkmani abo nokharok hai tong phlai-o.

LOBMUNG 89:3

Nwng hai hwnwi sa-o, “Ang ani chongjak borokno swmai rw kha, ang ani seleng Daudno swmai tangwi kók rw kha:

LOBMUNG 89:8

O sengkrak suarirokni Kaitor, Subraiyung, o Subraiyung sabo nwng hai phan gwnang tong? Nini kók narwkma nono kitingjak.

LAM RWMA 20:6

Tamo khe ano hamjaknai tei ani kerongrokno tẃinairokno khe ang bosong kusungsara jora hamjago.

UÁINWINI SA PHIMA 7:12

“Norok o kerongrokno khir-khir khe kaichomwi khlainani sakthar khe, hakhe Subraiyung nini Kaitor nini chuchusongni thani hamjakma bai swmai tangmano narwknai.

UÁINWINI SA PHIMA 7:21

Aboni bagwi nwng a bororokno ta kiri di. Subraiyung Kaitor norok bai tongo. Bo wng kha kotor tei kirimasingcha Kaitor.

UÁINWINI SA PHIMA 7:9

Aboni bagwi nwng saui man di, nini Kaitor Subraiyung simi se Kaitor; bo wng kha kók narwknai Kaitor, bo bono hamjaknairokno tei bini dagimarokno khnanairok bai kusungsai jora kók narwgo.