NEHEMIA 1:4 - Kok Borok (Re-edited) Bible (BSI)

⁴ Ang abórokno khna khe ang achugwi kap kha, tei sal kolokma ang khá khamwi tong kha tei ang chukhani Kaitorni bwskango chá ya-nung ya khe suri san kha.

NEHEMIA 1:4 Iomraidhean Croise

2 SAMUEL 12:16

Hakhe Daud chwraino ham rw ja di hwnwi Kaitorni thani suri san kha; Daud mungsa chá li ya tei bini nok bisingo thángwi hopung ha-o klaiwi tong kha.

2 HABUGRA 22:19

tamni hwn khe nwng ani bwskango bwkha kiphilwi Subraiyungni thani koinene wng kha tei ang o ha bai oro tongnairok digi-sigi wngwi swraimung nangnai hwnwi nwng khnaui nini rí sichigwi ani thani kapmano ang khna kha hwnwi Subraiyung sa-o.

2 BOSONG 6:13

Solomon pitolni háyá mukba kosong, mukba kebeng, muktham kuchuk khe nok kwcharo tangwi aro saka-o bacha kha, bebak Israil bororokni bwskango yáskú sungwi chuknoha bwkhak yakrok surcha kha.

EJRA 1:2

Parsiani habugra Sairas hai hwnwi sa-o: “Subraiyung chuknohani Kaitor, hayungni bebak bugrani hano ano yaphar kha tei ani thani Judani Jerusalemo bini bagwi nokthar tangnani barja bók kha.

EJRA 10:1

Kaitorni nok bwskango Ejra pwtapsa klaiwi kap twtwi nakar sanwi suri sanwi tong phuru Israilni kwbángma bororok chwlarok, bwrwirok, chwrairok phaiwi bebak’-no bono chorsa khe kiting lai phai kha. Tamni hwn khe lukurok muisubuk chaui kap lai kha.

EJRA 9:3

Abono ang khna khe khá khamwi ani kanmani rírokno sichigwi bwkhnai bai khochairok sachigwi bwkha hamya wngwi achuk kha.

EJRA 9:5

Sarikni yapharmani jora sók phai khe, ang ok bukcha tongmani bachaui ani rí kichikrokno kanjak khe ang yáskú sungwi ani Subraiyung Kaitorni thani yak phologwi

NEHEMIA 2:20

Hakhe ang bórokno hai hwnwi sa kha, “Chukhani chini Kaitor chwngno hamcha rwnai. Chwng bini selengrok bachaui samung tang sinai. Phiya ba Jerusalemo norokni mungsa banta kwrwi, aro norokni sanjaknai bo mungsabo kwrwi.”

NEHEMIA 2:4

Hakhe habugra ano, “Nwng tamo nai?” hwnwi sa kha. Ang chukhani Kaitorni thani suri san kha.

LOBMUNG 102:15

Dopharok Subraiyungni mungno kirinai, tei hani bugrarok nini chẃngsachano kirinai.

LOBMUNG 136:26

Chuknohani Kaitorno hambai rw di, tamni hwn ba bini pái phlai ya hamjakma mol brúm brúm tong phlai-o.

LOBMUNG 137:1

Siyonno muitu wng phuru khe chwng Babilonni twima rukungrogo achugwi kap lai-o.

DANIEL 10:2

A jora-o ang Daniel, hatibar tham jora khá khamwi tong kha.

DANIEL 2:18

hakhe Daniel tei bini palrok Babilonni kubun elem kwrwngrok bai baksa sokomorjak ya wngna tẃi khe bo bórokno Chuknohani Kaitorni thani khairokma mannani tei imangni kókno phunuk thung hwnwi suri sannani bagwi kobok kha.

DANIEL 9:3

Hakhe ang Subrai Kaitorni thani bwkha nangwi chá ya-nung yaui, rí soroi kanwi tei thapla phulwi koiwi suri san kha.

JONA 1:9

Jona hai hwnwi sa kha, “Ang Hibrusa se, ang Subraiyungno khulumnaisa se, hakung tei twijlangno snamnaisa chuknohani Kaitor bo se.”

JAPHANIA 3:18

tero tongthok tẃi khe.” Subraiyung hai hwnwi sa-o, “Ang nini komorna kirina tongmano pái rw kha, phiya nini lachimasingchano norwi pái kha.

RUMSONGNO POL SWIHORMANI 12:15

Tongthoknairok bai baksa norokbo tongthok di, kapnairok bai baksa norokbo kap di.