NEHEMIA 1:3 - Kok Borok (Re-edited) Bible (BSI)

³ Bórok ano hai hwnwi sa kha, “Yógwi tong rwknairok tabuk belai tekto tei lachima manẃi tong bai ja-o, Jerusalemni chokdeualrok swbaiwi khibijak kha tei aboni duglamrok hór bai sógwi sokomorjak kha.”

NEHEMIA 1:3 Iomraidhean Croise

1 HABUGRA 9:7

hakhe ang ani borok Israilrokno ang bórokno rwma hani nornai. Ang surijakna bagwi tangjakma tei ang kwthar khlaima-o noktharnobo ang yakarnai. Ha gwnangwini bororok Israilno mwnwi lainai tei muchung tẃi’-no thwng bainai.

2 HABUGRA 25:10

Bini bebak sengkrakrok Jerusalem gwnangwini chokdeual tongmarokno swbai bai kha.

2 BOSONG 36:19

Tei bórok Kaitorni nokno hór bai sókchaui, Jerusalemni chokdeualno swbaiwi, bebak noyungrokno bo hór bai sókchaui tei bebak manwi kahamrokno sokomor bai kha.

EJRA 2:1

Nebukadnejar bai ha Babilono romwi tlangjak bainairok tabuk kwbángma borok Jerusalem bai Judani sak sakni kamiyungo kiphilwi phai bai kha.

EJRA 5:8

Habugra saui man thung, chwng ha Juda amchoini kwplaisa Kaitorni nogo tháng lai kha, abo holong kotormarok bai tei buphang bai khe chokdeual thepajak, samungrok kaham khe khlai rwui snamjago tei samung belai do laiwi tongo,

NEHEMIA 11:3

Amchoini kolok-kotorrok Jerusalemo tong bai kha tei Judani kami kotorrogo khe, Israilrok, ochairok, Lebirok, noktharni selengrok, tei Solomonni selengrokni bosongrok sak sakni tongthai-o bórokni kami kotoro tong lai kha.

NEHEMIA 2:13

Ang horo’-no harung duglamni simi ongkhorwi chibukni twikhor bwkhak tei khi duglam jora tháng kha tei ang Jerusalem chokdeual swbaijak bai aboni duglamrok hór bai sógwi sokomorjakno kaham khe naichom kha.

NEHEMIA 2:17

Hakhe ang bórokno hai hwnwi sa kha, “Norok nai di, chwng bwswk tekto khe ma tong, tamni hwn ba Jerusalem baiwi klai tong kha tei aboni duglam bo sokomorjak kha, phai di chwng Jerusalemni chokdeual snam lai phir anw, hakhe tei omo hai khe tekto manẃi tongna nang glak.”

NEHEMIA 2:3

Ang habugrano hai hwnwi sa kha, “Habugra mol brúm brúm kwthang tong thung.” Chuchusong phobjakmani kamiyung báiwi klaiwi tei aboni duglamrok hór bai sógwi sokomorjak bai twtwi bahai ani mwkhang som ya wngnai?

NEHEMIA 7:6

O bororokno Babilonni habugra Nebukadnejar bai khaui tlangjakmani yagulo a amchoini kiphilwi sók phainairok bórok sak sakni kamiyung Jerusalem bai Juda-o kiphilwi sók phai kha.

ESTER 1:1

Ahasuarasni molo, Ahasuaras ha Barotni simi ha Ithiopiani, angkor sa-ra tei nwichi-sni hani habugra cháui tongo.

LOBMUNG 79:4

Nok arirokni thani chwng mwnwimung se wng si-o, chini yang ayang tongnairok bai mwnwiwi thesra se karijak si-o.

PHRWNGMUNG 25:28

Sak soiwi tongwi man ya bororok le katijaknai kwrwi chokdeual báijak kamiyung hai se.

JISAIA 43:28

Aboni bagwi ang nini ochairokno kwthar háyáni samung tang rw ya, tei Jakobno sokomornani bagwi tei Israilno lachimasingcha khlaina bagwi yaphar kha.

JISAIA 5:5

Hakhe tabuk ang ani angur bwlwngno tamo khlainai nono saui man rwnai. Ang aroni ubi dúmjak tongmano norwi páinai tei abórokno sókchaui khibinai. Ang aroni deual swbaiwi páinai tei káduljaknai.

JIRIMIA 24:9

Ang bórokno ha gwnangwini bwskango kirimasingcha, lachimasingcha khlainai tei ang riphrigwi rohorma ha-o bórokno selengmasingcha mwnwi kothok tei swraimung nangjaknai khlainai.

JIRIMIA 29:18

Ang choba, asari tei kirimasingcha bokrokno rwkthar rw anw tei hayungni bebak harokno bórokno kirimung khlai anw tei bórokno rwkhlai rohorma ha-o bui bai swraijaknai, uanajaknai, naislerjaknai tei mwnwijaknai khlai anw.

JIRIMIA 39:8

Kolodiasong habugrani noyung bai borok kosongrokni nokrokno hór phnangwi rw kha tei Jerusalemni chokdeualrokno bo swbaiwi rw kha.

JIRIMIA 42:18

“Tamni hwn khe, sengkrakrokni Subraiyung, Israilni Kaitor hai hwnwi sa-o; Jerusalemo tongnairokni saka-o ani jolima thamchi lukhlaimani hai norok Ijip ha-o tháng khe abo hai kheno ani thamchi norokni saka-o lukhlaijak anw. Norok naislerjak, bati nangjak tei buini mwnwimung borok wng bai anw. O hano nwng tei nuk glak.

JIRIMIA 5:10

“Bórokni angur bwlwng tẃi tháng di tei phereui rwi di, phiya ba pái súgwi ta sokomor di. Bini bedekrokno tankhraiwi rwi di, tamni hwn khe o bororok Subraiyungni ya.

JIRIMIA 52:14

Hakhe mwrwknai sengkrak bokhorok bai tongnai Kolodiani bebak sengkrakrok Jerusalemno kitingwi khopjak bebak chokdeualrokno swbai bai kha.

KAPSIMANG KAPMA 1:7

Jerusalem bini dukhu-birmanni salrogo bini swkang phuruni chẃngsachani kókrokno muitu manjago. Bini bororok digi-sigi-o klai phuru aro bono chubanai khoroksa phano kwrwi kha, bini kenarok bo báikhrubwi klaimano nugwi thesra kari lai-o.

KAPSIMANG KAPMA 2:9

Bini dugayungrok baiwi ha-o kwlwk kha; bo bini thonglarokno swbaiwi khibi kha; bini habugra tei bwsarok buini dophani bisingo khaui tlangjak kha; kerongrokbo kwrwi kha, bini diyarirok Subraiyung bai imang-mukthangbo phunukjak li ya.

KAPSIMANG KAPMA 3:61

“O Subraiyung bórok ano thesra kariui sa laimarokno tei ani hamya khlaina chapmarokno nwng khna kha.

KAPSIMANG KAPMA 5:1

O Subraiyung, chini saka-o bwswk tamo klai kha naiwi nai si di; chini lachimasingcharokno naiwi nai si di!

LEBI 26:31

Ang norokni hapharrokno swbainai tei nini háyárokno dera rwnai, hakhe norok báhai motom rwmani abono ang yachak glak.

LEBI 26:33

Ang norokno bosongrokni bisingo oroi-poroi khlainai tei ang sengkhokni sengno sokogwi naui nini utung-utung tongnai hakhe nini ha sokomorjaknai tei nini hapharrokbo bái báinai.