MATHAI 8:3 - Kok Borok (Re-edited) Bible (BSI)

³ Jisu yak phologwi bono tangwi “Ham di, ang nai-o,” hwnwi sa kha. Hai kheno doropsa bini biyadi ham kha.

MATHAI 8:3 Iomraidhean Croise

YAPHANG 1:3

Hakhe Kaitor “Pohor wng di” hwnwi sa kha, hakhe pohor wng kha.

2 HABUGRA 5:11

Tamo khe Naman belai jolijagwi hai hwnwi saui kiphilwi tháng kha, “Bo nongkhorwi phaiwi se bini Subraiyung Kaitorni thani suri san anw tei ani hamya-o yak tangwi biyadi ham rw anw hwnwi se ang chongmani!

2 HABUGRA 5:14

Hakhe Naman Elisa samani hai’-no nongkhorwi thángwi Jordan twima-o uáisni twi lobwi kha tei bini bahan chwraini hai’-no chwraini hai wng phi kha tei sap-sutra wng kha.

LOBMUNG 33:9

Bo khúk bai sa kha tei ahai’-no wng kha; tei bo sa kheno wngwi bacha kha.

LAM RWMA 4:7

Hakhe Kaitor hai hwnwi sa phi kha, “Nini yakno khaklabo ton phi di.” Bo haino hai khaklabo yak ton phi khua, yak khaklapni nor kheno nuk kha, a yak haino hai hamwi tei kubun bahanrok haino wng phi kha.

MATHAI 12:13

Hakhe bo a borokno “Yak pholok di,” hwnwi sa kha. Bo yak pholok kheno tei kongsa yak hai’-no a yakbo ham phi kha.

MARK 1:41

Jisu khairokjagwi yak phologwi bono tang kha. “Ham di, ang nai-o,” hwnwi bo sa kha.

MARK 4:39

Jisu bachaui nokbarno hai hwnwi damrok kha, “Siringcha wng di!” Hakhe bo twi aphalrokno hai hwnwi sa kha, “Thak si di!” Nokbar thak kha, hakhe kwchang kwchang wng kha.

MARK 5:41

Bo chwraini yak romwi bono hai hwnwi sa kha, “Talitha kum.” (Abo “O bwrwima, ang sa-o bacha di,” hwnwi hwnma se.)

MARK 7:34

Hakhe Jisu nokhasa naisaui hama kolok rohorwi a borokno hai hwnwi sa kha, “Ephata”, omo “Phiyokjak di,” hwnma se.

MARK 9:25

Jisu nai ba bororok jabirwi phai rwrwgo, hakhe bo a mwtai hamyano hai hwnwi damrok kha, “O nathong bai bobani mwtai hamya, ang nono dagi-o, o chwraini bisingni ongkhorwi phai di. Bini bisingo nwng tei ta hap si di!”

LUK SWIMANI KOTHOMA KAHAM 4:27

Elisa diyarini molobo Israilo biyadi chájakrok kwbángma se, hai phano abórokni bisingo khoroksa phano ham rwjak ya, Siriyani Namanno simi se ham rwjak si-o.”

LUK SWIMANI KOTHOMA KAHAM 5:13

Jisu yak phologwi bono tangwi “Ham di, ang nai-o,” hwnwi sa kha. Logi logi’-no a borokni biyadi kwmaui tháng kha.

LUK SWIMANI KOTHOMA KAHAM 7:14

Bo gana thángwi tolai tangwi kha, hakhe kwthwi balnairokbo bathak kha. “O chwlasa, ang sa-o bacha di!” hwnwi Jisu sa kha.

JOHON 11:43

O kók sa baiwi bo hai hwnwi chirikhók kha, “O Lasar, ongkhorwi phai di!”

JOHON 15:24

Khoroksa phano khlai ya kho abo tẃi samungno ang bórokni bisingo khlai ya wngma te bórok sumsok khlaima klai glak kha mun. Tabuk ang samung khlaimarokno bórok nuk kha ba ang bai Aphano naislerjak kha.

JOHON 5:21

Bupha kwthwirokno mwthangwi tisama hai Sajlabo ahai’-no bo khá kama borokno mwthango.