Biblia Todo Logo
Bìoball air-loidhne

- Sanasan -




MATHAI 5:3 - Kok Borok (Re-edited) Bible (BSI)

3 “Kaitorni thani koiwi tongnairok bórok hamchajak; Kaitorni ha bórokni’-no!

Faic an caibideil Dèan lethbhreac




MATHAI 5:3
55 Iomraidhean Croise  

Omorok bebakno ani yak bai se snamjago, aboni bagwi omorok bebakno ani máng, hwnwi Subraiyung sa-o. Phiya ba, koinene tei bwkha khir khir tei ani kókno kirinai abo hai borokno se ang naitugo.


Kung chukmung borokno khiklainai, tamo khe koinene khe tongnai borok bo bórom khlaijaknai.


Subraiyung bwkha kwbairokni samo tongo, tei bwkha kwbairokno mwthango.


Kung chuknairok bai khe buini sekma manwi banta thwkmani slái koinene khe bigrarok bai pal tongma se ham kugo.


Jisu hai hwnwi sa kha, “Ang norokno o kók sa-o, o borok se Kaitor bai kaham hwnwi romjagwi nogo kiphil kha, a Pharisai ya. Tamni hwn khe kotor wngna sadinai borok bo kotoi snamjaknai, phiya kotoi wngna sadinai borok bo kotor snamjaknai.”


tumung ani bororok koinene khe ani mungwi ringwi suri khe tei ano naituk khe phiya bórok samung hamya khlaimarokno khibiui kiphilwi phai khe, hakhe ang chuknoha-o tongwi khnanai tei bórokni sumsokno nakarnai tei bórokni hano ham rwnai.


Bwkha kwbai bwkha bai yapharmarokno se Kaitor yachago; o Kaitor nwng bwkha kwbai khairoksusuk bwkharokno khibi glak.


Tamo khe kuchuk tei bochlongo tongnaisa, mol brúm brúmno tong nai, bini bumung wng kha, Kwthar bo o kók sa-o: “Ang kuchugo tei kwthar tongthai-o tongo tei bwkha kwbai, koinene bororok bai bo tongo tei koinene bororokni pholano thangcha rwnani bagwi tei bwkha kwbairokni bwkhano thangcha rwnani bagwi sa-o.


Ani khájani takhukrok, khna di. Kaitor o swngcharni kwrwirokno poito kwrak wngna bagwi, phiya bono hamjaknairokno rwna hwnwi kók rwmani a Ha-o tonna bagwi chong kha.


Subraiyung Kaitorni phola ano koboljak, tamni hwn khe sátokjakrokni thani kothoma kaham pírnani bagwi Subraiyung ano chong kha; Bo ano bwkha kwbairokni kwsarokno khaui rwna bagwi, khaui romwi tlangjakrokno phiyókjakma kók, tei alongo chopjak bororokni thani phiyókjakma kók sakhlaina hwnwi rohorjago;


bwskango koinene wng kha, nini rírokno sichigwi ani thani kaka-kokok wng kha, nwng omo hai wng kha hwnwi ang Subraiyung nini surimano khna kha.


O borok, bubo khe kaham abo bo nono phunuk kha; Subraiyung nono bujsói gwnang samung tangnani, khairokmungno hamjaknani tei koinene khlaiwi nini Kaitorni kók khnaui tongnano nai ya diba?


Tamo khe Jisu hai hwnwi sa kha, “Aboni slái Kaitorni kók khnaui abo hai khe tongnairok se hamchajak!”


Subraiyung lobjak thung! Subraiyungno kirinai borok bo hamchajak, bo bini dagimarokno tẃiwi belai khe khápang srangjago.


Borok hamyarokni kók bai tong ya bo hamchajak, bo sumsok gwnangrok bai him ya, eba buino hamya sanairok bai achuk ya;


aboni bagwi ang sakno ma lachi kha, hakhe hadlwi-o tei thapla bai khe bwkha kiphilo.”


Aphuru Jisu hai hwnwi sa kha, “O chuknoha bai swngcharni bugra Apha, ang nono hambai rw-o, tamni hwn khe nwng elem gwnang bai sinairokno khogwi tonmano siyarokno si rw kha.


“Subraini Phola ano koboljak, tamni hwn khe kwrwirokni thani Kothoma Kaham pírna bagwi bo ano chong kha. Khajakrok khengnani, nuk yarok nuk rwnani, kusupjakrokno phiyókna bagwi,


Jisu abono nugwi jolijak kha, hakhe bini sagrirokno hai hwnwi sa kha, “Chwrairokno ani thani rohor di, ta kasu di, omo tẃi bororokni bagwino Kaitorni ha.


“Norok khe bwswk talikha kaham gwja! Norokni mokol nuk kha, norokni khunju khna kha.


Aboni bagwino Subraiyung norokno khairoknani bagwi naisingwi tongo; tei aboni bagwi bo norokno khairokna muchungma bai sakno kuchuk khe tisaui tongo. Tamni hwn ba Subraiyung wng kha bujsói tẃinai Kaitor; bono naisingwi tongnairok hamchajak.


Jakobni Kaitor bai chubajaknai bororok hamchajak, Subraiyung bórokni Kaitor se bórokni khatungma,


Bo belai khe tekto man khe bwkha kiphilwi Subraiyung bini Kaitorni chubachu san kha.


Kwrwirokni bagwi uansuknai borok bono hamchajak; Subraiyung, digi-sigini salo bórokno phiyóknai.


bini yakung motom su di, wng ya khe bo jolinai se, wng ya khe norok lamao’-no komornai; kisa kheno bo jolinai se. Bini thani bwkha beranairok bórok hamchajak. Daud, bwsajla Absalomni aroni khárwi tháng phuru rwchapmani.


Bini bupha Manase hai khe Subraiyungni bwskango koinene wng li ya. Amon teibo kwbángma hamya khlai kuk kha.


Potalijagwi kwchanai borok bo hamchajak, tamni hwn ba bo potalijagwi kwcha khe Kaitor bono hamjaknairokno rwna hwnwi kók rwmani a langmani motokno man anw.


Jisu bono hai hwnwi sa kha, “Nwng ano nukma bagwi da poito khlai? Ano nuk yaui’-no poito khlainairok bórok hamchajak.”


Nogo kiphil phuru nokphang a selengno omo hai samung khlaijak nuk phai khe a seleng hamchanai.


O suarirokni Subraiyung, nini thani bwkha beraui tongnairok hamchajak. Kurani bwsarokni rwchapmung


Tei nwng o bebak lama kolokma láiwi phaimani kókno muitu narwk di, Subraiyung nini Kaitor norokno nokha bisi brwichi hasing haphar tẃi khe norokno amjogwi naina bagwi tei norokno koinene khlai rwna bagwi phiya norokni bwkhano saui manna bagwi bo omo hai khlai kha.


phiya gwnangsa takhuk Kaitor bai swklwkjak khe bobo khá srang thung. Tamni hwn ba gwnangsa sam bubar hai kraiwi thángnai.


Sajlasong, tabuk ani kókno khna di: ani lama tẃi himnairokno hamchajak.


Bini surima tei abono Kaitor khnamani, bini sumsok tei hamya samung khlaima, bo háyá kuchukrok tangmani tei Asera mwtaijwkni mangtangrok snammani tei bo bwkha kiphilmarokbo diyarirokni bijabo swijak tongo.


Rí súnairok bórok hamchajak, bórok rí súma bai a mwthangnai buphangni bwtháino cháui mannai, bórok duglam tẃi tauno habwibo mannai.


Aphuru a suari ano hai hwnwi sa kha, “O kókno swi di: Mera bwsani kái lai panda-o kobokjaknairok bórok hamchajak.” Suari hai hwnwibo sa kha, “O kókrok Kaitorni búkhúkni kók kubui.”


Aphuru bugra bini yagra bwkhakni bororokno hai hwnwi sanai, ‘Apha bai hamcha rwjaknairok, norok phai di! Swngchar snamjak phuruni simi norokni bagwi tiyar khlai tonmani a ha bantano na phai bai si di.


Subraiyungno kirinai borok hamchajak, bo bini lamarogo himo.


Ani bagwi khá udru mudru wng ya borok bono hamchajak!”


Ang norokno o kók sa-o, borok kwbángma salkabaini salthángbaini phaiwi Kaitorni ha-o Abraham, Isak tei Jakob bai baksa achugwi chá lai anw;


“Sumsok yakar di, Kaitorni ha sampha kha!” hwnwi pír phai kha.


Jisu hai hwnwi sa kha, “Chwrairokno ani thani rohor di, ta kasu di; omo tẃi bororokni bagwino Kaitorni ha.”


Apha ano bokhorok snamma hai angbo norokno snamnai, hwnwi ang kók rw kha.


Ani ha-o norok ang bai baksa chá lai anw nung lai anw, phiya achukthayungo achugwi Israilni bosong chiknwirokno buj thum anw.”


‘Ang mai gwnang, rang gwnang, ani biyal kwrwi,’ hwnwi nwng sa-o. Tamo khe nwng saui man ya nwng bwswk talikha hamya, bwswk khairok susuk! Nwng kwrwi, nwng sak lánga, nwng phula.


Lean sinn:

Sanasan


Sanasan