MATHAI 4:9 - Kok Borok (Re-edited) Bible (BSI)

⁹ hai hwnwi sa kha, “Nwng ano yáskú sungwi khulum khe omorok bebakno’-no ang nono rw bainai.”

MATHAI 4:9 Iomraidhean Croise

LOBMUNG 72:11

Bebak habugrarok bini bwskango botok khe ma klai thung, bebak dopharok bono ma mon thung.

PHRWNGMUNG 8:15

Ani bai se habugrarok bugra chá-o, tei tẃiphangrok sói khe buj thumo;

DANIEL 4:32

Nwng bororokni bisingni rwkhlaiwi rohorjaknai tei nini tongthai bolongni yabrwirok bai baksa wngnai, nokha bisisni nwng musuk chwla hai khe jabrarok ma chánai. Hakhe nwng kuchukni Kaitor bebak borokni saka-o yak tongo tei bo muchungmani borokni yago, yapharwi mano hwnwi nwng saui mannai.”

MATHAI 26:15

Bo hai hwnwi sa kha, “Ang Jisuno norokni yago yapharwi rohor khe norok ano tamo rwnai?” Bórok rukphaini rang khok kwthamchi lekhaui bono yapharwi rw kha.

MATHAI 4:10

Hakhe Jisu hai hwnwi sa kha, “Tháng di Soitan! Elembago o kók tongo, ‘Nini Kaitor Subraino simi se suriui khulum di.’ ”

JOHON 12:31

O swngcharni buj thumnani jora tabuk sók phai kha, tabuk o swngcharni bugra rwkhlaiwi rohorjak anw.

JOHON 13:3

Bupha bini yago bebak phan rw bai kha, bo Kaitorni aroni phaimani, tabuk Kaitorni arono tháng phinai hwnwi Jisu saui man kha.

JOHON 14:30

Ang norok bai tei kók kwbáng saui man lang glak kha, tamni hwn khe o swngcharni bugra phai-o. Bo ano mungsa phano khlai man ya,

JOHON 16:11

bujno tẃi bórokni uansukma cha ya, tamni hwn khe o swngcharni bugra buj thumjak kha.

2 KORINTH 4:4

Bórok poito khlai ya, tamni hwn ba o swngcharni mwtai hamya bai bórokni bwkha kobolwi tonjak kha. A mwtai hamya bórokni mokolno nuk ya khlaima bai bórok Kaitorno kosol Khristoni chẃngsachani Kothoma Kaham rwnai pohorno nuk li ya.

1 TIMOTHI 3:6

Bo Khristan kwtal ya wngthai, wng ya khe bo kung chugui borok tornai, hakhe bo Soitan hai khe majra berjaknai.

PHUNUKJAKMANI 19:10

Ang bono khulumna bagwi bini yakung yaphango pwtapsa klai kha, hakhe bo ano hai hwnwi sa kha, “Ano ta khulum di. Ang nwng bai baksa’-no seleng se. Ang Jisu si rwmano kwrak khe poito khlaiwi tongnai nini takhukrok bai baksa seleng se. Kaitorno se khulum di.” Jisu si rwmani abono tẃiwi diyarirok kók sa-o.

PHUNUKJAKMANI 19:16

Bini rí-o tei bini yakungo omo tẃi mung swijak: “Bugrarokni Bugra, bokhorokrokni Bokhorok.”