MATHAI 4:8 - Kok Borok (Re-edited) Bible (BSI)

⁸ Hakhe Soitan bono hathái kuchukma kaisa-o tlangwi swngcharni aswk ha bai jolma jolsarokno phunugui

MATHAI 4:8 Iomraidhean Croise

ESTER 1:4

Hakhe bo habugra wngwi jolma-jolsa wngmarokno, suar tei bóromrokno sal kwbángma phunuk kha, nokha sal sa-ra tei charchi sal jora bo abo hai khlai kha.

ESTER 5:11

Tei Haman bórokni thani bini rang-rí chẃngsachani tei bwsa kwbángmani kók tei bugra bahai khe bono samungo kotor rw kha tei bubo hai khe bono samungni tẃiphang bai bugrani bebak selengrokni slái kaham kuk achukthai rw kha, abórok bebak bórokno saui khna rw kha.

DANIEL 4:30

habugra hai hwnwi sa kha, “Babilon bwswk kotor, abo ang ani phan bai habugrani tongthai tei ani chẃngsachani bagwi tangmani.”

LEKHAMUNG 23:3

Hakhe Balam Balakno hai hwnwi sa kha, “Oro nini sógwi yapharmani samo bachaui tong di, ang tháng grana, Subraiyung ang bai nukjakna phano tongo, bo ano phunukmarokno ang nono sa phainai.” Hakhe bo saichung hachuk bochlongo kasaui tháng kha.

MATHAI 16:26

Thwi tháng kha hwn khe bebak swngcharno manẃi ba a borok tamo manma klai? Thwiwi tháng khe borok tei tamo khe thang phinai?

MATHAI 4:5

Aphuru Soitan Jisuno Taun Kwtharo tlangwi noktharni bosok kuchugo bacha rwui

JOHON 5:20

Tamni hwn khe Bupha Sajlano hamjago, hakhe bo khlaimarokno bebak bono phunugo; bo bono omorokni slái phano samung kotorrok phunuk anw, hakhe norok uanajak bai anw.

1 PITOR 1:24

Elembago hai hwnwi sama hai, “Bebak bororokno sam hai, bórok kotor wngmani abo sam bubar hai. Sam thwi-o, bubar kwrai-o,

PHUNUKJAKMANI 11:15

Aphuru khorokdokni ulni a suari bini totro tam kha, hakhe chuknoha-o sotonwi hai hwnwi sajak kha, “Chini Subrai bai bini Masia tabuk o swngcharni bugra chá rwjak kha, hakhe bo mol brúm brúm bugra wngwi tongnai.”