MATHAI 4:7 - Kok Borok (Re-edited) Bible (BSI)

⁷ Jisu bono hai hwnwi sa kha, “Elembago o kókbo tongo, ‘Nini Kaitor Subraino nwng ta potali di,’ ”

MATHAI 4:7 Iomraidhean Croise

LOBMUNG 106:14

Hasinglwngo bórok belai khe chána muchungjak lai kha, tei a haphar kwrano bórok Kaitorno amjok lai kha;

LOBMUNG 78:18

Bórok kháni muchung tẃi chámung san laiwi Kaitorno chánai lai kha.

LOBMUNG 78:41

Bórok Kaitorno amjogwi nai lai nai lai-o, tei Israilni kwtharsano dukhu phnang kha.

LOBMUNG 78:56

Hai phano bórok kuchuk kuk Kaitorno amjok lai kha, tei bono kebengwi bacha lai kha. Bórok bini dagimungno mokol kai li ya,

LOBMUNG 95:9

bórok ani samungrok nuk phano aphuru nuchusong ano amjok kha, tei potali kha, ani samungrok nai lai kha.

LAM RWMA 17:2

Hakhe bororok Musino cha ya nuk lai kha tei hai hwnwi hwn lai kha, “Chwngno nungna bagwi twi rw di.” Hakhe Musi bórokno hai hwnwi sa kha, norok ani tamo cha ya nuk lai kha ba? Norok tamo Subraiyungno amjokna nai lai?

LAM RWMA 17:7

Hakhe bo abono Masa tei Meriba hwnwi mung phar kha, tamni hwn ba Israilni bwsarok Subraiyungno, “Subraiyung chini bisingo to de tong kwrwi?” hwnwi amjogwi nai lai kha tei kók báng lai kha.

JISAIA 8:20

Kerong tei raida-o phrwngna bagwi tumungno bórok o kókno sa ya hwn khe, bórokni thani pohor kwrwi.

MALAKI 3:15

Chwng tabuk kung chuknairokno se hamchajak khe nugo; samung hamya khlainairok cha sama simi ya, tamo khe bórok Kaitorno potaliui nai phuru khe yógwi thángo.”

LEKHAMUNG 14:22

haini bagwi khoroksa swk ani chẃngsachano Ijip ha-o tei hasing panthoro soidomni samung khlaimarokno nuk bainairok hai phano ano uáichi chánaiwi nainairok tei ani kókno khna yarokno,

MATHAI 21:16

“Bórok tamo sa laiwi tong abono nwng khw da khna kha?” hwnwi bórok Jisuno sẃng kha. Jisu hai hwnwi sa kha, “I’n, khna-o. Norok uáisa phano elembakni o kók pori ya kho diba? ‘Nwng chwrai khonairokno Kaitorno kaham khe lobna phrwng kha.’ ”

MATHAI 21:42

Jisu bórokno hai hwnwi sa kha, “Elembago samani o kókno norok uáisa phano pori ya kho diba? “ ‘Nok tangnairok samung nang ya hwnwi khibi rwmani holongthai abo’-no wng phai kha nok busuni holongthai Subrai khlai kha o samungno chwngbo uana kha nugwi abono!’ ”

MATHAI 4:10

Hakhe Jisu hai hwnwi sa kha, “Tháng di Soitan! Elembago o kók tongo, ‘Nini Kaitor Subraino simi se suriui khulum di.’ ”

MATHAI 4:4

Jisu hai hwnwi sa kha, “Elembago o kók tongo, ‘Borok ruti bai simi thangwi man ya, Kaitorni búkhúkni bebak kók bai se thangnai.’ ”

LUK SWIMANI KOTHOMA KAHAM 4:12

Jisu bono hai hwnwi sa kha, “Elembago o kók tongo, ‘Nini Kaitor Subraino nwng ta potali di.’ ”

SAMUNG 15:10

Hakhe ba a poito khlainairokni phikungo poja boksaui tamo wngwi norok tabuk Kaitorno potalina nai? O poja chini chuchusongbo balwi man ya, chwngbo man ya.

SAMUNG 5:9

Hakhe Pitor bono hai hwnwi sa kha, “Tamo wngwi norok hwisaknwi’-no Subraini Pholano bandinani kók chap lai kha de? Nahar di, nwsaino phobnairok duglamo bachajak. Bórok nonobo tlangnai.”

1 KORINTH 10:9

Bórokni bere baksa Kaitorno potaliui naima hai chwng Kaitorno potaliui naithai kwrwi, hai wngwi bórok chibuk bai sugui butharjak bai kha.

UÁINWINI SA PHIMA 6:16

“Norok Masa-o khlaima hai Subraiyung norokni Kaitorno ta amjok di.

HIBRU 3:9

Aro nokha bisi brwichi jora ang tamo khlai kha abo nugwi phai phano norokni chuchusong ano potaliui nai lai kha hwnwi Kaitor sa-o.