MATHAI 4:6 - Kok Borok (Re-edited) Bible (BSI)

⁶ bono hai hwnwi sa kha, “Nwng Kaitorni Sajla khe ha-o bakhlai di; tamni hwn khe Elembago o kók tongo, “ ‘Kaitor bini suarirokno nini bagwi dagi anw; nini yakung holong nang ya tẃi khe bórok nono yak bai yachak sok anw.’ ”

MATHAI 4:6 Iomraidhean Croise

JOBNI BIJAP 1:10

Nwng bono hamyani yakni kati rwui máng tongo, bini núkhungno tei bini bebak tong kwrwirokno nwng mwrwgwi tongo. Nwng bini bebak samungrogobo hamari rw kha tei ha saka-o bini mal-matarokbo er kha.

JOBNI BIJAP 5:23

Nwng chuaima harok holongthai kwrwi wngnai, tei bolongni yabrwirokbo nono choprok glak.

LOBMUNG 34:20

Bo bini bebak bekrengrokno kaham khe narwgo; abo kongsa phano bái glak.

LOBMUNG 34:7

Subraiyungni suarirok bono kirinairokno kitingwi tongo, tei bórokno phiyógo.

MATHAI 4:4

Jisu hai hwnwi sa kha, “Elembago o kók tongo, ‘Borok ruti bai simi thangwi man ya, Kaitorni búkhúkni bebak kók bai se thangnai.’ ”

2 KORINTH 11:14

Abo uanamasingcha samung ya. Soitanbo pohorni suari hai khe sakno mul philwi mano.

HIBRU 1:14

Hakhe suarirok le tamo sla? Bórok wng kha Kaitorni samung khlainai pholarok máng se, mwthangjaknairokno chubana bagwi bórok bo bai rohorjago.