MATHAI 4:3 - Kok Borok (Re-edited) Bible (BSI)

³ Soitan bini thani phaiwi bono hai hwnwi sa kha, “Nwng Kaitorni Sajla khe o holongrokno ruti wng di hwn di.”

MATHAI 4:3 Iomraidhean Croise

LAM RWMA 16:3

sa lai kha, “Subraiyung chwngno Ijibo buthar kheno ham kha mun. Chwng aro kisa le achugwi muihanrok ma chá kha mun tei kubun chámungrokbo ok pungwi ma chá kha mun. Tamo khe nwng chwngno o hasing hapharo chá rw yaui ok khui rwui butharna bagwi tubu kha.”

MATHAI 14:33

Rungo tongnai sagrirok Jisuno khulum lai kha. “Nwng kubui’-no Kaitorni Sajla!” hwnwi bórok hwn lai kha.

MATHAI 16:16

“Nwng Masia, Kaitor kwthangni Sajla,” hwnwi Simon Pitor sa kha.

MATHAI 26:63

Hai phano Jisu siring siring khe tong kha. Ochai bokhorok hai’-no hai bono hai hwnwi sẃng kha, “Kaitor kwthangni mungwi nwng chwngno swmai tangwi sa di: Nwng Kaitorni Sajla a Masia da?”

MATHAI 3:17

Aphuru chuknohani hai hwnwi sakhlaijak kha, “Omono ani khájani Sajla, ang bono’-no belai khe hamjago.”

MARK 1:1

Omono Kaitorni Sajla Jisu Khristoni Kothoma Kaham.

MARK 3:11

Mwtai hamya kolobjak bororok bono nuk kheno bini bwskango klaiwi “Nwng Kaitorni Sajla se!” hwnwi chirikhók lai kha.

MARK 5:7

Hakhe bo sotonwi hai hwnwi chirikhók kha, “O Kaitor Kotorni Sajla Jisu! Nwng ang bai tamo nangjak? Kaitorni mungwi ang nono duai rw ja-o, ano ta sátok jaba di!”

LUK SWIMANI KOTHOMA KAHAM 1:35

Suari hai hwnwi sa kha, “Phola Kwthar nono kobol phai anw, hakhe Kaitor Kotorni phan nono kobol phai anw; aboni bagwi a chwrai kwthar; bo Kaitorni Sajla hwnjak anw.

LUK SWIMANI KOTHOMA KAHAM 22:70

Bórok bebak’-no hai hwnwi sẃng kha, “Hakhe nwng da Kaitorni Sajla?” Jisu bórokni hai hwnwi sa kha, “Ang’-no bo hwnwi norok’-no saui tong kha bla.”

LUK SWIMANI KOTHOMA KAHAM 4:3

Aphuru Soitan bono hai hwnwi sa kha, “Nwng Kaitorni Sajla khe o holongno ruti wng di hwn di.”

LUK SWIMANI KOTHOMA KAHAM 4:41

Baksa baksani sakni mwtai hamyabo “Nwng Kaitorni Sajla Khristo se!” hwnwi chirikhógwi ongkhorwi tháng kha. Jisu bórokno “Kók ta sa di,” hwnwi damrok kha, tamni hwn khe bono Masia hwnwi bórok saui mano.

LUK SWIMANI KOTHOMA KAHAM 4:9

Aphuru Soitan bono Jerusalemo tlangwi noktharni bosok kuchugo bacha rwui hai hwnwi sa kha, “Nwng Kaitorni Sajla hwn khe oroni ha-o bakhlai di,

JOHON 1:34

Ang omono nuk kha, hakhe norokno o kók sa-o, omono Kaitorni Sajla.”

JOHON 1:49

Nathanial hai hwnwi sa kha, “Hodakra, nwng Kaitorni Sajla! Nwng Israilrokni bugra!”

JOHON 20:31

Jisu Masia phiya Kaitorni Sajla hwnwi norok poito khlaiwi omoni bising tẃi bini mungwi mwthangjak thung hwnwi se o kókrok swijago.

JOHON 9:35

Bórok a borokno rwkhlaiwi rohor kha hwnwi Jisu khna kha. Hakhe bo bono naitugwi hai hwnwi sẃng kha, “Nwng Kaitorni Sajlano poito da khlai?”

SAMUNG 9:20

Bo thumnokrogo thángwi Jisuni kók pír gra kha. “Jisu’-no Kaitorni Sajla,” hwnwi bo sa kha.

2 KORINTH 1:19

Sila bai Timothi tei ang khe norokni bisingo pírmani Kaitorni Sajla a Jisu Khristo wng kha “I’n” hwnwi “I’nhi” hwn ya. Bo wng kha Kaitor “I’n” hwnmani,

GALATIA 2:20

hakhe o kwthang tongnai ang abo ang ya, abo ani bisingo tongnai Khristo se. Tabuk ang thangwi tongmani abo Kaitorni Sajlano poito khlaiwi tongma bai se ang thangwi tongo, bo ano hamjagwi ani bagwi bo sakno rw kha.

1 THESALONIKI 3:5

Aboni bagwi’-no ang Timothino ma rohor kha. Ang tei kisa phano tongwi man súk li ya, Soitan norokno belokma bai chini bebak samung cha ya da wng langno hwnwi norokni poitono saui manna bagwi ang bono rohoro.

HIBRU 12:16

Esau hai kebo phano tongmung sitra tongnai eba Kaitorno suri ya ta wng bai di, bo bwsa okra wngwi se mai phaisani bagwi buphani aroni bini manthaino phalwi rw-o.

HIBRU 4:14

Hakhe phai di, chwng poito khlaimani abo kwrak khe rom lai anw. Tamni hwn ba katswi Kaitorni bwskango thángnai ochai bokhorok chwng man kha, abo wng kha ochai kotor Kaitorni Sajla Jisu.

HIBRU 7:3

Melkisedek buma buphani eba bini chuchusongni kothoma tháisabo kwrwi, bo achaimani eba thwimani kothoma tháisabo kwrwi. Bo wng kha Kaitorni Sajla hai, bo mol brúm brúmni ochai.

1 JOHON 3:8

Sumsok khlaiwi tongnai borok bo wng kha Soitanni bwsa; tamni hwn ba Soitan yaphangni simi’-no sumsok khlaiwi phai kha. Tamni hwn ba Kaitorni Sajla le o samungni bagwi se phai-o, Soitanni samungrokno sokomorna bagwi se bo phai-o.

PHUNUKJAKMANI 2:10

Nwng sátokjakna naiwi tongmano ta kiri di. Khna di, Soitan norokno amjokna bagwi norokni bere baksano alongo khiklai anw; norok nokha salchi jora tẃi se tekto man anw. Thw phano thwi thung nwng ano poito khlaiwi tong di, hakhe ang nono langmani motok rwnai.