MATHAI 4:2 - Kok Borok (Re-edited) Bible (BSI)

² Nokha sal brwichi hor brwichi chá yaui tong khe Jisu ok khuijak kha.

MATHAI 4:2 Iomraidhean Croise

1 HABUGRA 19:8

Hakhe bo bacha kha tei chá kha nung kha; tei a chámungno cháui bo nokha sal brwichi hor-sal himwi Kaitorni hathái Horeb jora tháng kha.

LAM RWMA 24:18

Musi chumui bisingo habwi tháng kha tei hathái kuchugo kasaui kha. Musi aro nokha sal brwichi tei horbrwichi tongwi kha.

LAM RWMA 34:28

Musi mungsa chá ya-nung yaui Subraiyung bai nokha sal brwichi tei horbrwichi tongwi kha; hakhe bo a swmaini kókno a holongthai-o a dagimung kaichirokno swi kha.

MATHAI 21:18

Teini phungo aisirisiri Jisu tauno kiphilwi phai phuru ok khuijak kha.

MATHAI 25:35

Ang ok khui phuru norok ano chá rw kha; ang twi kang phuru norok ano khan kha; ano sini ya phano norok ano nogo kasa rw kha;

MATHAI 25:42

Ang ok khuiwi tong phuru norok ano chá rw li ya, twi kangwi tong phuru norok ano khan li ya;

MARK 11:12

Teini salo bórok Bethaniani kiphilwi phai phuru Jisu ok khuijak kha.

LUK SWIMANI KOTHOMA KAHAM 4:2

aro bo nokha sal brwichi Soitan bai belokjak kha. Aswk sal bo mungsa phano chá li ya; abo lái kheno bo ok khuijak kha.

JOHON 4:6

Jakobni twikhor aro’-no, hakhe Jisu himmani lengjagwi a twikhor gana-o achuk kha. Aphuru dibor jora.

UÁINWINI SA PHIMA 18:18

Ang bórokni bagwi bórokni takhukrokni bisingnino nwng hai khoroksa diyari snam anw; tei bini búkhúgo ani kóktháirok rw anw tei ang dagimarokno bo bórokno sa anw.

UÁINWINI SA PHIMA 9:18

Hakhe ang haino hai Subraiyungni bwskango botok khe nokha sal brwichi hor brwichi klaiwi tong kha; ang chábo chá li ya twibo nung li ya tamni hwn khe norok Subraiyungni mokol bai chajak ya wngmani samungno tangwi bono joli rw kha.

UÁINWINI SA PHIMA 9:25

“Hakhe ang a nokha sal brwichi hor brwichi Subraiyungni bwskango botok khe klaiwi tongmani khe ang saui man kha, bo norokno sokomorna hwnwi bwkha chapjak.

UÁINWINI SA PHIMA 9:9

Hakhe ang Subraiyung bai rwjak raida swijak holong belep lep nwino naharna bagwi hachugo kasaui tháng phuru, nokha sal brwichi tei hor brwichi ang hachugo tongbu kha, aphuru ang mungsa chámungbo chá buya, twi bo nung buya.