MATHAI 4:11 - Kok Borok (Re-edited) Bible (BSI)

¹¹ Aphuru Soitan bono yakarwi tháng kha, hakhe suarirok phaiwi Jisuno chuba phai kha.

MATHAI 4:11 Iomraidhean Croise

1 HABUGRA 19:6

Hakhe bo ayang-uyang naisik kha tei nuk kha bokhorok gana-o auan lepsa tei twini khuri tháisa berajak. Bo chá kha tei nung kha tei hai’-no hai roko phi kha.

MATHAI 26:53

Norok saui man ya da, ang Aphani thani san khe bo logi logi’-no suari sengkrakrok chiknwino rohor glak kha mun diba?

MATHAI 4:6

bono hai hwnwi sa kha, “Nwng Kaitorni Sajla khe ha-o bakhlai di; tamni hwn khe Elembago o kók tongo, “ ‘Kaitor bini suarirokno nini bagwi dagi anw; nini yakung holong nang ya tẃi khe bórok nono yak bai yachak sok anw.’ ”

MARK 1:13

Bo aro nokha sal brwichi ma tong kha, aphuru bo Soitan bai belokjak kha. Aro bolongni uak-tokrok tongo, hai phano suarirok bono chuba phai kha.

LUK SWIMANI KOTHOMA KAHAM 22:43

[Chuknohani suari khoroksa nukjagwi bono khá rak rwui klang kha.

LUK SWIMANI KOTHOMA KAHAM 22:53

Ang aswk sal brúm brúm noktharo norok bai máng se, norok aphuru ano yak tisa ya. Tabuk le norokni jora phai kha ba, mwnakmabo kwplai wngma jora.”

LUK SWIMANI KOTHOMA KAHAM 4:13

Podrepot khe belogwi wngjak li ya khe Soitan bono yakarwi klang gra kha.

JOHON 14:30

Ang norok bai tei kók kwbáng saui man lang glak kha, tamni hwn khe o swngcharni bugra phai-o. Bo ano mungsa phano khlai man ya,

1 TIMOTHI 3:16

Chini tongtharni bisingni kók bwswk kotor abo joto’-no ma gosi-o. Bo borok wngwi phai kha, bo Phola bai kaham hwnwi sijak kha, bo suarirok bai nukjak kha. Bini kók dopharokni bisingo pírjak kha, bo swngcharni bororok bai poito khlaijak kha, bo chuknoha-o tisaui tlangjak kha.

HIBRU 1:14

Hakhe suarirok le tamo sla? Bórok wng kha Kaitorni samung khlainai pholarok máng se, mwthangjaknairokno chubana bagwi bórok bo bai rohorjago.

HIBRU 1:6

Kaitor bini achai granaisa Sajlano o swngcharo rohorna phuru bo hai hwnwibo sa kha, “Kaitorni bebak suarirok bono ma suri bainai.”