MATHAI 4:10 - Kok Borok (Re-edited) Bible (BSI)

¹⁰ Hakhe Jisu hai hwnwi sa kha, “Tháng di Soitan! Elembago o kók tongo, ‘Nini Kaitor Subraino simi se suriui khulum di.’ ”

MATHAI 4:10 Iomraidhean Croise

1 BOSONG 21:1

Soitan Israilno kebengwi bacha kha, hakhe bo Daudni bwkha-o Israilno lekhanani bagwi chong kha.

JOBNI BIJAP 1:12

Subraiyung Soitanno hai hwnwi sa kha, “Do akon, bini tong kwrwi bebakno nini yago rwjak kha; nwng bono simi yak rwui man glak!” Hakhe Soitan Subraiyungni aroni thángwi pái kha.

JOBNI BIJAP 1:6

Salsa chuknoha-o tongnairok Subraiyung bai malaimani salo, Subraiyung bai malainani phai lai kha. Soitanbo aro bórok bai baksa tongo.

JOBNI BIJAP 2:1

Chuknoha-o tongnairok salsa haino hai Subraiyung bai malaina bagwi phai phi u kha tei Soitanbo bórok bai baksa aro phai kha.

LOBMUNG 109:6

Bono kebengwi borok hamyano chong di; bono bernaisa bini yagra-o bachaui tong thung.

LAM RWMA 23:25

Ang norokni Subraiyung Kaitorno mon di, ang norokno mai, twi rwui hamari rwnai tei norokni kulum kwsarokno naui páinai.

JISAIA 30:22

hakhe norok norokni takjak rukphai bai khopjak mwtairokno tei rangchak gele rwui khopjak mwtai mangrokno dera rwui rw di. Nwng abórokno manwi sitrarok hai khe khitarwi rw bai di; tei bórokno, “Khár di, khár di!” hwnwi sa di.

MATHAI 16:23

Jisu uphilwi Pitorno hai hwnwi hwn kha, “Tháng di Soitan! Nwng ani lama kebengnai se; tamni hwn ba nwng uansukmarok abo borokni uansukma se, Kaitorni uansukma ya.”

MARK 1:13

Bo aro nokha sal brwichi ma tong kha, aphuru bo Soitan bai belokjak kha. Aro bolongni uak-tokrok tongo, hai phano suarirok bono chuba phai kha.

LUK SWIMANI KOTHOMA KAHAM 10:18

Jisu hai hwnwi sa kha, “Ang Soitanno nokha philikma hai khe nokha sakani klaima nuk kha.

LUK SWIMANI KOTHOMA KAHAM 11:18

Abo hai’-no Soitanni ha-o bórok kiching bórok uálaiwi kak lai khe bini ha bahai khe tongnai? Belsebul rwmani phan bai se ang mwtai hamya rwkhlai-o hwnwi norok sa-o.

LUK SWIMANI KOTHOMA KAHAM 13:16

O bwrwima bo Abrahamni bwsajwkno bla. Soitan bono nokha bisi chichar kolobwi tong kha. Hai khe Sabat salo bono Soitanni yakni phiyókmani chajak li ya diba?”

LUK SWIMANI KOTHOMA KAHAM 22:3

Aphuru Judasni bisingo Soitan hap phai kha; a Judasno Iskariotbo hwno, bo’-bo sagri chiknwirokni bere khoroksa.

LUK SWIMANI KOTHOMA KAHAM 22:31

Hakhe Subrai hai hwnwi sa kha, “Simon, Simon, khna di! Gisti mai chogwi gundak swkakma hai norokno chokna hwnwi Soitan san kha,

LUK SWIMANI KOTHOMA KAHAM 4:8

Jisu hai hwnwi sa kha, “Soitan, oroni uslu lang di, elembago o kók tongo, ‘Nini Kaitor Subraino simi se suriui khulum di.’ ”

JOHON 13:27

Judas a rutino nama logi’-no Soitan bini bisingo hap phai kha. Hakhe Jisu bono hai hwnwi sa kha, “Do di, nini khlainano khlaiwi pái di.”

SAMUNG 26:18

Bórok ano poito khlaima bai sumsok nakarjagwi Kaitorno chongjak bororokni bisingo khopjakna tẃi khe nwng bórokni mokol ma kiyok rwnai, mwnakni pohoro phiya Soitanni yakni Kaitorni yago ma tubunai.’ ”

SAMUNG 5:3

Pitor bono hai hwnwi sa kha, “O Anania, tamo wngwi nwng Soitanno nini bwkha-o hap rwui kheto phalma rangni baksa narwgwi Phola Kwtharno kók tatal sa phai kha de?

1 KORINTH 7:5

Hwisaknwi ta kak lai di, tamo khe hwisaknwi sa laiwi soi lai khe suri sanna bagwi kisa kak laiwi tongwi mano. Abo pái khe norok sak soiwi man ya wngwi Soitan bai belokjak ya tẃi khe haino hai thansa wng phi di.

2 KORINTH 11:14

Abo uanamasingcha samung ya. Soitanbo pohorni suari hai khe sakno mul philwi mano.

2 KORINTH 12:7

Tamo khe ang aswk uanamasingcha nukmani bai belai kung chuk ya tẃi khe ani sago chor pa rwjak kha. Abo Soitan bai rohorjaknai borok hai, ang kung chugui man ya tẃi khe abo ano bu-ui tongo.

UÁINWINI SA PHIMA 10:20

Nwng Subraiyung nini Kaitorno kiriui tong di tei bono monwi tong di. Tei bono kwrak khe romwi tong di, bini bumung bai simi se swmai tang di.

JAKOB 4:7

Hakhe norok Kaitorni thani bom di. Soitanno kebeng di, hakhe bo norokni aroni khárnai.

JOSUA 24:14

Hakhe tabuk, “Subraiyungno kiri di, sói khe kók narwgwi bono mon di, norokni chuchusong twima ayang naro tei Ijibo khulummani mwtairokno khibiui rohorwi, Subraiyungno simi se mon di.

1 PITOR 5:9

Norok poito kwrak khe bono kebeng di; tamni hwn ba norok saui mano swngchar gwnangwi norokni Khristan takhukrok norok hai kheno sátokjagwi tongo.

1 SAMUEL 7:3

Hakhe Samuel Israilni bebak bororokno hai hwnwi sa kha, “Norok Subraiyungni thani bebak khá nangwi kiphil khe Astartes mwtairok tei bebak buini hani mwtairokno khibiui rohor bai di, norokni bwkha Subraiyungni thani ton di, Bono simi mon di, hakhe bo norokno Philistiasarokni yakni phiyóknai.”