MATHAI 4:1 - Kok Borok (Re-edited) Bible (BSI)

¹ Aphuru Phola Jisuno Soitan bai belok rwjakna hwnwi hasing panthoro tubu kha.

MATHAI 4:1 Iomraidhean Croise

YAPHANG 3:15

Ang, nwng bai bwrwino kena wng rwnai, nini bosong bai bini bosongbo kena wng lainai; bo nini bokhorok swbainai tei nwng khe bini yakorai-o suknai.”

1 HABUGRA 18:12

Ang oroni kutul khe’-no Subraiyungni phola nono tlangwi tháng khe le? Hakhe, ang Ahabno nono oro se hwnwi saui, bo nono oro nuk phai ya hwn khe, bo ano butharnai. Muitu narwk di ang chwraini simi’-no khá bai Subraiyungno surinai borok.

2 HABUGRA 2:16

Tei bórok bono hai hwnwi sa lai kha, “Oro chwng phan gwnang khorok bachi nini seleng tongo; nini bugrano naituknani bórokno rohor ja di; Subraiyungni phola se bono ba tisaui tlangwi hathái-o eba harungrogo khiklai rwui khna.” Hakhe bo, “I’nhi, bórokno ta rohor di,” hwnwi sa kha.

ESEKIEL 11:1

Kaitorni Phola ano tisaui tlangwi salka bwkhago naharjak Subraiyungni noktharni salkani duglamo tubu kha, aro borok khorok nwichiba tongo, bórokni bisingo Ajurni bwsla Jasania tei Benaiani bwsla Pelatia dophani khoroknwi ojamarokbo tongo.

ESEKIEL 11:24

Imang-mukthang khe Kaitorni Phola ano tisaui tlangwi ha Babilono tubu kha. Hakhe ang imang nukmani páiwi tháng kha.

ESEKIEL 3:12

Hakhe Kaitorni Phola ano kuchugo tisa khe ani uklogo khorang kotor khe hai hwnwi samano khna kha, “Bini tongthai kuchugo Subraiyungni chẃngsacha lobjak thung.”

ESEKIEL 3:14

Hakhe Kaitorni Phola ani thani phaiwi ano tisaui tlang kha, ani bwkha hamya twtwi ma tháng kha. Phiya ang Subraiyungni phankrak phanno romwi man kha.

ESEKIEL 40:2

Imang-mukthango Kaitor ano Israil ha-o tlangwi kaisa hathái hachuk saka-o tonwi rwi kha. Ang aro salgrabai-o kamiyung hai khe nuk kha.

ESEKIEL 43:5

Subraiyungni phola ano tisaui tlangwi bisingni khotolo tubu kha tei nokthar bisingo Subraiyungni chẃngsacha bai kupulung wng kha.

ESEKIEL 8:3

Bo yak pholokma hai khe, bwkhnai-o romwi ano tlang kha. Kaitorni Phola ano ha bai chuknohani kwcharo tisaui tlangwi phunuk kha tei Jerusalemo tubu kha. Bo ano noktharni bisingo salsibai bwkhak naharjak duglam tẃi tlang kha, aro mwtaini mangtang tongo, abórok’-no Kaitorno joli rwnairok.

JOHON 14:30

Ang norok bai tei kók kwbáng saui man lang glak kha, tamni hwn khe o swngcharni bugra phai-o. Bo ano mungsa phano khlai man ya,

SAMUNG 8:39

Bórok twini kasa lai phuru Subraini Phola Philipno tlangwi tháng kha. A tangphang bono tei nuk li ya, tamo khe jai kheno tongthokjagwi bini lama rom khua.

RUMSONGNO POL SWIHORMANI 8:14

Kaitorni Pholani kók khnaui tongnairok bórok Kaitorni bwsa.

HIBRU 2:18

Hakhe bo tabuk belokjaknairokno chubaui mano, tamni hwn khe bobo belokjagwi sátokjagwi phai kha.

JAKOB 1:14

Tamo khe khoroksa swk sakni hamya muchungma bai sotonjagwi khẃi-o kwcha khe a borok belokjago.