MATHAI 22:3 - Kok Borok (Re-edited) Bible (BSI)

³ Bo bini selengrokno kobokjaknairokno sauina bagwi rohor kha, tamo khe bórok phaina nai li ya.

MATHAI 22:3 Iomraidhean Croise

LOBMUNG 68:11

Subraiyung dagi-o; abono sakhlainai kwbángmarok hai hwnwi sa kha:

JISAIA 30:15

Tamni hwn khe Subraiyung Kaitor Israilrokni a kwthar hai hwnwi sa kha, “Kiphilwi phaiwi kwchang kwchang khe tong khe, norok mwthangjaknai; tei siring siring khe poito khlai tongmano norokni phan wngnai,” hai phano norok soi glak,

JIRIMIA 25:4

Subraiyung bini bebak diyari selengrokno norokni thani rohor máng tong phano bini kókno norok khna li ya tei khnana bagwi khunju bo kái li ya,

JIRIMIA 35:15

Ang ani bebak seleng diyarirokno norokni thani rohor máng tong kha. Bórok hai hwnwi sa kha, “Norok sak sakni lam hamyarokno khibi di tei norok kubun mwtairokno monna bagwi bórokno ta rwkthar di. Hakhe se norokno tei norokni chuchusongno rwmani a ha-o norok tongwi mannai.” Phiya norok ani kókno khunju-o kan li ya tei bórom bo khlai li ya.

HOSEA 11:2

Ang bórokno ring rwrwk, bórok khe ang bai chalwi tháng rw rwk; bórok mwtai Balni thani ratharwi yapharwi tong kha, tei takjak mwtairokno satrai sógwi tong kha.

HOSEA 11:7

Ani bororok ano yakarwi thángna uphiljak. Bórok kuchuk khe bórom khlaijaknai hwnwi le sa lai-o, aile bono kuchuk khlaiwi bo se bóri lai ya.

JAPHANIA 1:7

Subraiyungni bwskango siring siring wng di! tamni hwn ba Subraiyungni sal sampha kha; Subraiyung ratharwi yapharna panda songcha kha, bo aboni bagwi aro kobokjaknairokno kwthar khlai kha.

MATHAI 21:34

Angurni jora phuru bini banta angur na rw horna hwnwi bo bini selengrokno a munirokni thani rohor kha.

MATHAI 23:37

“O Jerusalem, Jerusalem, diyarirokno nwng butharo, nini thani Kaitor bai rohorjaknairokno holong khitaro! Tokma bini bwkrang tola toksarokno koroui tonma hai ang bwswk se nini borokno yak kwbagwi tonna nai kha; nwng abo hai khlai rw li ya.

MATHAI 3:2

“Sumsok yakar di, Kaitorni ha sampha kha!” hwnwi pír phai kha.

MATHAI 9:15

Jisu hai hwnwi sa kha “Káijaknaisa logi tong twtwi kái lai panda-o phainairok mogwi tong anw hwnwi da norok khá ka? I’nhi, ahai ya! Tamo khe omo tẃi sal phai anw, káijaknaisa bórok bai swkagwi tlangjak anw, aphuru khe bórok chá yaui ma tong anw.

LUK SWIMANI KOTHOMA KAHAM 13:34

“O Jerusalem, Jerusalem! Diyarirokno nwng butharo, nini thani Kaitor bai rohorjaknairokno holong khitaro. Tokma bini bwkrang tola-o toksarokno koroui tonma hai ang bwswk se nini borokno yak kwbagwi tonna nai kha; nwng abo hai khlai rw li ya.

LUK SWIMANI KOTHOMA KAHAM 15:28

Hakhe bwsla okra belai jolijagwi nogo hapna soi li ya. Aboni bagwino bupha phaiwi bono nogo hap di hwnwi koi kha.

LUK SWIMANI KOTHOMA KAHAM 19:27

Tabuk, ano bugra hwnwi gosina nai ya ani kena arirokno oro tubu-ui ani bwskango rathar phai di!’ ”

JOHON 5:40

phiya mwthangjakna bagwi norok ani oro phaina nai ya.

SAMUNG 13:45

Judairok aswk bororokno nugwi jai kheno músú kha, hakhe Pol samano hamya hwnwi bono lachi rw kha.

RUMSONGNO POL SWIHORMANI 10:21

Tamo khe Israilrokni kók bo hai hwnwi sa-o, “Kók khna yarok bai thentarokni bagwi sapung’-no ani yak surchajak.”

HIBRU 12:25

Hakhe hus wng bai di, kók sanai Kaitorni kókno khna ya ta wng bai di. O swngcharo Kaitorni kók sanai a borokni kókno khna yarok bórok yók li ya. Hakhe nai di, chuknohani kók sakhlainai a Kaitorni kókno khna ya hwn khe chwng tei bwswk se yók ya wngno!

HIBRU 9:15

Aboni bagwi’-no Khristoni bising tẃi swmai kwtal tangjak gra-o, hakhe Kaitor bai ringjaknairok Kaitor rwna hwnwi kók rwmani a pái phlai ya manwi kahamrokno mannai. Omo wngwi mano, tamni hwn khe bororok swkangni swmaini yago tong phuru samung hamya khlaimani yakni bórokno phiyókna hwnwi borok khoroksa thwi kha.

PHUNUKJAKMANI 22:17

Phola bai Hamjwk kwtal “Phai di!” hwnwi sa-o. O kók khnanairok joto’-no “Phai di!” hwnwi ma sanai. O twi kangnai borok, phai di. O twi nungna muchungnai borok, mwthangnai twino ahai’-no nung phai di.

1 SAMUEL 9:13

Kamiyungo hap khe’-no bo chánani bagwi kuchuk jidolo thángmani swkang bono nuknai, bo aro sógwi ya sak bororok chánani cheng lai glak, tamni hwn ba bo se swkang yapharmungrokno hamari rwnani nango, tabuk norok tháng khe malainai.”