MATHAI 2:7 - Kok Borok (Re-edited) Bible (BSI)

⁷ Herod salkabaini phainairokno tepsa khe ringwi a athukiri buphuru nukjak kha abono sẃngwi narwk kha.

MATHAI 2:7 Iomraidhean Croise

LOBMUNG 55:21

bini khukni kók gini sláibo kwsap, yang bwkha-o khe choba nangna se uansukjak; bini kóktháirok thokni sláibo mijiljak, tamo khe yang le bisingo khe sengrok se huijak.

LAM RWMA 1:10

Chwng bórokno siyan khe ma tẃi lainai, bórokno er ya khlai tonna nangnai, erwi teibo báng khe chobarok nang lai khe chini arirok bai kwtha laiwi chwng bai choba khlainai tei chini hani yógwi thángnai.”

LEKHAMUNG 24:17

Ang bono nugwi mano. Hwn ba tabuk ya kho Ang bono nai kha, hwn ba abo thinango. Kaisa athukiri Jakobni aroni phai anw; Israilni raidang kaisa bacha anw. Bo Moabni kwpalno sukhrup bainai, tei Setni bebak bwsarokno swbai baiwi mano.

MATHAI 2:1

Herod habugra wngwi tong phuru Judia hani Betlehem tauno Jisu achai-o. Bo achai kheno salkabaini khoroknwi-khoroktham athukiri naiwi lekhanairok Jerusalemo phaiwi

MATHAI 2:16

A salkabaini phainairok bono bandiui klang kha hwnwi saui man kheno Herod belai khe jolijak kha. A phainairok bai sajakma hai’-no a athukiri nukjakmani mol romwi bo Betlehemni tei gana-ginini bisiknwi tei bisiknwi pung ya bebak chwla bwsarokno buthar di hwnwi dagi kha.

MATHAI 2:8

Hakhe bo bórokno hai hwnwi saui Betlehemo rohor kha, “Tháng di, a chwraino kaham khe rutuk di. Norok bono nuk khe anobo sa phai di, hakhe angbo thángwi bono khulumui anw.”

SAMUNG 24:22

Philiks a Lamani kók kaham khe saui manjak, hakhe bo bórokno rohor graui hai hwnwi sa kha, “Sengkrak dagiphang Lusi sók phai khe ang norokni buj thum anw.”

PHUNUKJAKMANI 12:15

Aphuru a bwrwimano kochogwi tlangna tẃi khe a chibuk bini búkhúkni twi ongkhlaiwi a bwrwimani uklok uklok twi tor rw kha.

1 SAMUEL 18:21

Sol hai hwnwi uansuk kha, “Ang Mikail bai Daudno káinai tei bini khẃi bai khaui Philistiasarokni yago butharnai.” Aboni bagwi Sol tei uáisa Daudno, “Tabuk khe nwng ani chamari wngnai,” hwnwi sa kha.