MATHAI 2:6 - Kok Borok (Re-edited) Bible (BSI)

⁶ “ ‘O ha Judani Betlehem, nwng ha Judani tei bokhorokrokni slái kisa phano kechen ya; nini bising tẃi bokhorok khoroksa phai anw, bo ani borok Israilrokno chabwi tẃi anw.’ ”

MATHAI 2:6 Iomraidhean Croise

YAPHANG 49:10

Judani yakni habugrani a raidang kwma glak, tei bini yakung ká thaini bujni raidang kwma glak, aboni bubagra (Silo) phai ya sak; dopharok bini kók khnaui tongnai.

2 SAMUEL 5:2

Agi-o Sol bugra cháui tong phurubo, nwng Israilrokno tẃidul kha Subraiyung nono hai hwnwi sa kha, ‘Nwng ani Israil bororokni mwrwknai tei nwng bórokni bubagra wngnai.’ ”

1 BOSONG 2:51

Salma, Betlehemni bupha tei Hareph Betgaderni bupha.

1 BOSONG 5:2

Judaini bosong takhukrokni bisingo okra kuk tei bokhorok wng phano okrani manthai Josep se man si-o),

EJRA 2:21

Betlehemni bororok khorok - 123

JISAIA 40:11

Bo mera mwrwknairok hai khe mwrwgwi chá rwnai, bo bini yago merarokno thumwi tubunai, bo mera bwsarokno bini yaktwk bai bamsaui tẃinai, tei bwsa gwnangrokno kwchang kwchang khe tẃinai;

MIKA 5:2

Tamo khe o Iphrathani Betlehem, Judani bosongni bisingo kami kotoi kuk kaisa, nini bisingni ani bagwi khoroksa Israilno tẃithernai khoroksa phainai, bini bosong yaphang khe kwcham mol brúm brúmni simi’-no tongo.

LEKHAMUNG 24:19

Jakobni khoroksa bugra phai anw, kamiyungo kwthang tongnairok sokomorjak bainai!”

MATHAI 2:1

Herod habugra wngwi tong phuru Judia hani Betlehem tauno Jisu achai-o. Bo achai kheno salkabaini khoroknwi-khoroktham athukiri naiwi lekhanairok Jerusalemo phaiwi

MATHAI 28:18

Jisu bórokni thani phaiwi bórokno hai hwnwi sa kha, “Chuknoha bai swngcharni bebak phan ani yago yapharjak kha.

JOHON 21:16

Jisu hai’-no hai bono hai hwnwi sa kha, “Johonni bwsla Simon, nwng ano ha da hamjak?” “I’n, Subrai, ang nono hamjakmani nwng saui mano,” hwnwi bo sa kha. Jisu bono hai hwnwi sa kha, “Ani merarokno nai di.”

JOHON 7:42

Elembago sajak kha Masia Daudni bosongo, Daudni kamichang Betlehemo se achainai.”

EPIS 1:22

Kaitor bebakno Khristoni yakung yaphango tubu kha, hakhe bebakni bokhorok snamwi mothano rw kha.

KOLOSAI 1:18

Bo wng kha bini bwsak mothani bokhorok; bo se bwsakno mwthangnai, bo simi se bebakni bokhorok wngwi manna tẃi khe bo se puila kwthwini mwthangwi tisajaknai.

HIBRU 7:14

Bo Juda bosongni achaimani, abo kaham khe saui man bai-o; phiya Musi ochairokni kók sa phuru a bosongni kók sa lang li ya.

PHUNUKJAKMANI 11:15

Aphuru khorokdokni ulni a suari bini totro tam kha, hakhe chuknoha-o sotonwi hai hwnwi sajak kha, “Chini Subrai bai bini Masia tabuk o swngcharni bugra chá rwjak kha, hakhe bo mol brúm brúm bugra wngwi tongnai.”

PHUNUKJAKMANI 7:17

Tamni hwn khe achukthayung kwcharo tongnai a Mera Bwsa bo se bórokno mwrwgwi twimuk kwthang bwkhak tlangnai. Kaitor se bórokni mokolni joto muktwi hu-ui rwnai.”