MATHAI 2:5 - Kok Borok (Re-edited) Bible (BSI)

⁵ Hakhe “Judiani Betlehem tauno” hwnwi bórok sa kha. “Tamni hwn ba diyari hai hwnwi swi lang kha:

MATHAI 2:5 Iomraidhean Croise

YAPHANG 35:19

Hakhe Rahel thwi kha tei Ephratni lama-o phobjak kha (abono Betlehem hwno),

MATHAI 2:1

Herod habugra wngwi tong phuru Judia hani Betlehem tauno Jisu achai-o. Bo achai kheno salkabaini khoroknwi-khoroktham athukiri naiwi lekhanairok Jerusalemo phaiwi

MATHAI 2:4

Bo ochai okrarok bai Kerong phrwngnairok bebakno kwrẃngsa khe ringwi “Masia buro achaino?” hwnwi sẃng kha.

JOHON 7:42

Elembago sajak kha Masia Daudni bosongo, Daudni kamichang Betlehemo se achainai.”

JOSUA 19:15

Katat, Nahalal, Simron, Idala tei Betlehem: Bórokni kamirok bai khungchinwi kamiyungrok.

BUJ THUMNAIROK 17:7

A jora-o Judani Betlehem kami kotoro khoroksa Lebi sikla tongo.

RUTNI BIJAP 1:1

Bujthumnairok naikolwi tongma jora-o ha-o asari nang kha, aphuru Judiani Betlehemo tongnaisa bini hik tei bwsla khoroknwirokno tlangwi Moabo tongwina tháng kha.

RUTNI BIJAP 1:19

Hakhe bórok khorok nwi’-no Betlehemo thángwi sógwi kha. Tei bórok Betlehemo sógwi khe bebak kamiyungni bororok nainani phai lai kha; tei bórok hai hwnwi sa lai kha, “Omo a Noami ya diba?”

RUTNI BIJAP 2:4

Salsa khe Boas Betlehemni phaiwi sók phai kha, hakhe samung tangnairokno hai hwnwi sa kha, “Subraiyung norok bai tong thung,” hakhe bórok hai hwnwi sa phi kha “Subraiyung nono hamari rw thung.”

RUTNI BIJAP 4:11

Tẃiphangrok tei kubun bororok hai hwnwi sa kha, “Chwng mokol baithang nuk kha. Subraiyung nihikno, Rahel tei Lea hai khlai thung, bórok Jakobni bagwi bwsa kwbángma ba kha. Nwng Ephratha bosongni rang gwnang tei mung gwnang wng di.

1 SAMUEL 16:1

Subraiyung Samuelno hai hwnwi sa kha, “Nwng bwswk tei Solni bagwi khá khamwi tong sinai? Ang bono Israilni saka-o habugra tongma nor kha. Tabuk nwng bokorongo thok kupulung naui Betlehemo Jisaini thani tháng di, tamni hwn ba ang bini bwslasongni bisingo khoroksano habugra chong kha.”