MATHAI 2:4 - Kok Borok (Re-edited) Bible (BSI)

⁴ Bo ochai okrarok bai Kerong phrwngnairok bebakno kwrẃngsa khe ringwi “Masia buro achaino?” hwnwi sẃng kha.

MATHAI 2:4 Iomraidhean Croise

2 BOSONG 34:13

Baksa Lebirok khe barja tẃinairok tei podrepot samung tangnairokno chubanairok, baksa Lebirok khe swinairok, tang okrarok tei duglam mwrwknairok.

2 BOSONG 34:15

Hakhe Hilkia swinai Saphanno hai hwnwi sa kha, “Ang Subraiyungni nok bisingo kerong bijap man kha.” Tei Hilkia bijapno Saphanno yaphar kha.

2 BOSONG 36:14

Bebak ochai bokhorokrok tei bororok Kaitorni thani sói khe tong bai li ya, kubun dopharok hai selengmasingcha samung khlaiwi, Kaitor Jerusalemo lobjakmani Subraiyungni nokno sitra rw bai kha.

EJRA 10:5

Hakhe Ejra bachaui ochai bokhorok Lebirok tei bebak Israilrokno, Sekania sama tẃi’-no khlainai hwnwi swmai tang rw bai kha.

EJRA 7:6

O Ejra’-no Babilonni thángo. Bo wng kha swi kwrwng tei Israilni Kaitor Subraiyung rwmani Musini kerongno belai kaham khe si-o; Subraiyung bini Kaitorni yak tongmani bagwi bo naimani manwirokno habugra bono ma rw kha.

NEHEMIA 12:7

Salu, Amok, Hilkia tei Jedaia. Omorok wng kha Jesuani molo ochai bokhorokrok.

LOBMUNG 2:2

Hani habugrarok bacha lai-o, naikolphangrok kókbiti khol lai-o, Subraiyungno kebengwi, tei bo bai chongthar chongjakno kebengwi hwn lai-o;

JIRIMIA 8:8

Norok bahai khe, “Chwng sinairok máng tei Subraiyungni Kerong chini thani tongo,” hwnwi sa lai? Nai di, swinairokni tatal swikong omono tatal khlaiwi swi kha.

MALAKI 2:7

Tamni hwn ba ochairok khe Kaitorni sói phrwngmungno phrwngthai, phiya lukurok khe bini thani phrwngmung manna bagwi tháng thai, tamni hwn ba bo wng kha Phankrak Subraiyungni tẃitun.

MATHAI 13:52

Hakhe bo hai hwnwi sa kha, “Kók khe hai, Kaitorni hani sagri wngnai joto Kerong phrwngnai bo manwi kwtal bai kwchamno gulani tikhlainai nokphang hai se.”

MATHAI 2:3

O kókno khna kheno habugra Herod uanajak kha, Jerusalemni joto borokbo uanajak kha.

MATHAI 2:5

Hakhe “Judiani Betlehem tauno” hwnwi bórok sa kha. “Tamni hwn ba diyari hai hwnwi swi lang kha:

MATHAI 21:15

Bono uanamasingcha samung khlaima nugwi, phiya “Daudni Bwslano lob di!” hwnwi chwrairokno noktharo chirikhók laima khnaui ochai okrarok tei Kerong phrwngnairok jolijak lai kha.

MATHAI 21:23

Jisu noktharo kiphilwi phai kha; bo aro phrwngwi tong phuru ochai okrarok bai okra chakrarok bini thani phaiwi hai hwnwi sẃng phai kha, “Nwng bu phan bai omo tẃirokno khlai? Nono sabo o phan rw kha?”

MATHAI 26:3

Aphuru ochai okrarok Judai okra chakrarok bai ochai bokhorok Kaiaphani nogo kuthum lai kha,

MATHAI 26:47

Jisu kók saui tong phuru Judas aro sók phai kha, sagri chiknwirokni bere bo’-bo khoroksa. Bini logi borok kwbángma seng bai tokphung tẃi laijak, bórok ochai okrarok tei Judai okra chakrarok bai rohorjakmani.

MATHAI 27:1

Phung aisirisiri bebak ochai okrarok tei Judai okra chakrarok Jisuno butharna hwnwi kók chap lai kha.

MATHAI 7:29

Bo bórokni Kerong phrwngnairok hai phrwng ya, suar gwnang khe se phrwngo.

MARK 8:31

Aphuru Jisu bini sagrirokno hai hwnwi phrwng kha, “Borokni Sajla panjalwi’-no sátokjakna nangnai, okra chakrarok, ochai okrarok tei Kerong phrwngnairok bai norjakna nangnai. Bo butharjaknai, hai phano salthamni ulo thangwi bachanai.”

LUK SWIMANI KOTHOMA KAHAM 20:19

Kerong phrwngnairok bai ochai okrarok Jisuno arono romna nai lai kha, tamni hwn khe bo o rwngthoma bai bórokno kók khitarwi hwno hwnwi saui man kha; tamo khe bórok lukuno kiriui tong gra kha.

LUK SWIMANI KOTHOMA KAHAM 23:10

Ochai okrarok bai Kerong phrwngnairok jabirwi bachaui teibo kwrak khe bono majra ber lai kha.

JOHON 18:3

Hakhe Judas sengkrakrokno phiya ochai okrarok tei Pharisairok bai rohorjaknai noktharni sebukrokno tlangwi a bari-o tháng kha. Bórok da-seng tẃi laijak, chati-holarok tẃi laijak.

JOHON 3:10

Jisu hai hwnwi sa kha, “Nwng Israilni hodakra wngwi suda omono si ya diba?

JOHON 7:32

Jisuno tẃi lukurok serek-serek khe sa laimani Pharisairok khna kha. Hakhe bórok bai ochai okrarok Jisuno romna hwnwi sebukrokno rohor kha.

JOHON 8:3

Aphuru Kerong phrwngnairok bai Pharisairok uaijaui tongma jora manjaknai bwrwi khoroksano tubu-ui bebakni bwskango bacha rw phai kha.

SAMUNG 23:9

Chirikhók laima torsa wng rwrwgo, hakhe Pharisai bisingni Kerong phrwngnai khoroknwi khoroktham bachaui hai hwnwi jai khe’-no kók kasu-ui sa kha, “Chwng o borokni majra mungsa phano nuk ya. Mwtai eba khe suari se bo bai kók sa trwng na!”

SAMUNG 4:5

Teini salo Judai bokhorokrok, okra chakrarok tei Kerong phrwngnairok Jerusalemo kuthum lai kha.

SAMUNG 6:12

Omo hai khe bórok lukurokno, okra chakrarokno tei Kerong phrwngnairokno tunglok rwui rw kha. Bórok Stipanni aro phaiwi bono rom kha, hakhe Kaunsilni bwskango tlang kha.