MATHAI 10:3 - Kok Borok (Re-edited) Bible (BSI)

³ Philip tei Bartholomai, Thoma tei teks romnai Mathai; Alphaini bwsla Jakob tei Thadai;

MATHAI 10:3 Iomraidhean Croise

MATHAI 18:17

Tumungno bo bórokno kók suda na ya khe hakhe mothano khupro-ui sa di. Mothani kók suda na ya khe hakhe bono buini borok hai eba teks romnai hai hwnwi rom si di.”

MATHAI 27:56

Bórokni bere Magdalani Mariam, Jakob bai Josepni buma Mariam tei Sebedaini bihik.

MATHAI 9:9

Jisu aroni kutulwi tháng kha, hakhe him te him te Mathai hwnwi teks romnai khoroksano bini tangnogo achugwi tongma nugwi kha. “Ani logi phai di,” hwnwi Jisu bono sa kha. Hakhe Mathai bachaui bini logi tháng kha.

MARK 15:40

Bwrwirok khoroknwi khoroktham hakchalo bachaui naharwi tong lai-o. Bórokni bisingo Magdalani Mariam, Jakob kusu bai Josini buma Mariam, phiya Salomi tongo.

MARK 2:14

Himwi tong phuru bo Alphaini bwsla Lebi hwnwi teks romnai khoroksano bini tangnogo achugwi tongjak nuhur kha. “Ani logi phai di,” hwnwi Jisu bono sa kha. Hakhe Lebi bachaui bini logi tháng kha.

MARK 3:18

Andria, Philip, Bartholomai, Mathai, Thoma, Alphaini bwsla Jakob, Thadai, Kanansa Simon,

LUK SWIMANI KOTHOMA KAHAM 18:10

“Borok khoroknwi suri sanna hwnwi noktharo thángmani; khoroksa khe Pharisai, tei khoroksa khe teks romnai.

LUK SWIMANI KOTHOMA KAHAM 18:11

A Pharisai bachaui khá bising bising hai hwnwi suri san kha, ‘O Kaitor, ang bui hai khámainai ya, tatal ya, lupcha ya, aboni bagwi ang nono hambai rw-o; ang u teks romnai hai buya ang nono hambai rw-o.

LUK SWIMANI KOTHOMA KAHAM 18:13

Phiya a teks romnai khe kisa hakchalo bacha kha, bo nokhasa naisana suda naisa rak li ya, khaklap simi bu-ui hai hwnwi saui tong ja si-o, ‘O Kaitor ang sumsok gwnang borok, nwng ano khairok jaba di.’ ”

LUK SWIMANI KOTHOMA KAHAM 19:2

Aro Sakai hwnwi teks romnai bokhorok khoroksa tongo, bo rang gwnang.

LUK SWIMANI KOTHOMA KAHAM 5:27

Aboni ulo Jisu ongkhorwi tháng kha, aphuru Lebi hwnwi teks romnai khoroksano bini tangnogo achugwi tongma nuhur kha. “Ani logi phai di,” hwnwi Jisu bono ring kha.

JOHON 1:48

“Nwng ano bahai khe sini sla?” hwnwi Nathanial bono sẃng kha. Jisu hai hwnwi sa kha, “Philip nono ring ya sini khwichang buphang tola tong phuru ang nono nuhur kha.”

JOHON 11:16

Thoma (bono Apherbo hwno) bini logisongrokno hai hwnwi sa kha, “Hwm tho, chwngbo thángwi bo’ bai baksa butharjak anw.”

JOHON 14:22

Juda (omo Judas Iskariot ya) hai hwnwi sa kha, “Subrai, nwng bahai khe chwng bai simi nukjagwi ba, swngchar bai nukjak ya wngnai?”

JOHON 14:5

Thoma bono hai hwnwi sa kha, “Subrai, nwng buro thángnai chwng saui man ya; bahai khe aroni lamano chwng saui mannai?”

JOHON 14:9

Jisu hai hwnwi sa kha, “Aswk sal kwbángma ang ba norok bai máng’-no bla, ahai phano da nwng ano sini li ya, Philip? Ano nuknai borok bo Aphano nuk kha. Hakhe nwng bahai khe ‘Nwphano chwngno phunuk di,’ hwnwi sa de?

JOHON 21:2

Simon Pitor, Thoma (bono Apherbo hwno) Galilini Kanani Nathanial, Sebedaini bwsarok phiya Jisuni tei sagri khoroknwibo thansa khe tong laimani.

SAMUNG 1:13

Bórok Jerusalemo habwi tongma khotolo kasaui tháng lai kha. Bórok wng kha: Pitor, Johon, Jakob, Andria, Philip tei Thoma, Bartholomai tei Mathai, Alphaini bwsla Jakob, Kanansa Simon tei Jakobni bwsla Juda.

SAMUNG 12:17

Bórokno siring siring wngna bagwi bo yak tail khlai kha, hakhe Kaitor bahai khe bono alongni tikhlai tubu kha abo saui khna rw kha. Bo hai hwnwi sa kha, “Jakob bai tei takhukrokno o kókno sa di.” Hakhe bo kutulwi kwrẃngsa-o tháng kha.

SAMUNG 15:13

Pol bai Barnaba kók saui pái khe Jakob hai hwnwi sacha kha, “Takhukrok, ani kók khna bai di!

SAMUNG 21:18

Teini salo Jakobno naina hwnwi Pol chwng bai baksa tháng kha; aphuru mothani bebak okrarokbo tong bai-o.

GALATIA 1:19

Subraini takhuk Jakobno karwi ang aphuru tei khoroksa chonghorno phano nuk buya.

GALATIA 2:9

Kaitor khairogwi ano o samung ber kha hwnwi kisa bokhorok hai Jakob, Pitor tei Johonsong saui man kha; abo baino bórok ang bai tei Barnaba bai yak bai yak rom phai kha. Chwng buini bororokni thani samung khlainai, bórok khe Judairokni bisingo samung khlainai, chalai kaisani borok ba chwng bebakno abo soi lai kha.

JAKOB 1:1

Ang Jakob omono swihoro, ang Kaitor bai Subrai Jisu Khristoni seleng. Ang swngchar gwnangwi pisar piring wngwi tongnai bebak Kaitorni bororokno khápang rohoro.

JUDA 1:1

Ang Jisu Khristoni seleng, Jakobni takhuk Juda omono swihoro. Ang Kaitor bai ringjaknairokno omono swihoro, bórok Apha Kaitor bai hamjago, Jisu Khristo bai narwgwi tonjago.