MARK 3:2 - Kok Borok (Re-edited) Bible (BSI)

² Aro baksa borok Jisu samung cha ya khlai khe bono majra berna naiwi tongo. Abo bai Sabat salo bo khoroksa swkno ha da ham rw no hwnwi bórok bono oiran khe naichom lai tong lai kha.

MARK 3:2 Iomraidhean Croise

LOBMUNG 37:32

Borok hamya, borok kahamno mokol kaiwi tongo, tei bono butharna lama naitugo.

JIRIMIA 20:10

Ang kwbángma bororokno serek-serek khe, “Babaibrwi bwkhak kirimasingcha! bono khibi si di! Phai di chwng bono khibi lai sinai!” Ani khásukni kiching song ang thutaimano naisigwi tongo tei “Bo bandijaknai’-no, hakhe aphuru chwng bono mechenwi mannai tei aphuru khe bono yagul sunai,” hwnwi sa laimano khna-o.

DANIEL 6:4

Hakhe tei achukphangrok tei tẃiphangrok Danielno habugrani thani hamya sa laiwi majra bernani lama rutuk lai kha. Tamo khe bórok mungsa lama rutugwi man lai li ya. Tamni hwn ba bo belai khe kók narwgwi sói khe samung khlai-o, bini thani mungsa derajak-korójakrok nukjak li ya.

MATHAI 12:10

Aro yak hoichajak borok khoroksa tongo. Aro baksa borok Jisu samung cha ya khlai khe bono majra berna naiwi tongo. Hakhe bórok bono hai hwnwi sẃng kha, “Sabat salo ham rwmani abo Kerong swbaima da klai?”

MARK 3:3

Jisu a yak hoichajakno “Bwskango phai di,” hwnwi sa kha.

LUK SWIMANI KOTHOMA KAHAM 14:1

Salsa Sabat salo Jisu Pharisairokni bere bokhorok khoroksani nogo mai chána hwnwi tháng kha; hakhe bororok Jisuno naichomwi tong lai kha.

LUK SWIMANI KOTHOMA KAHAM 20:20

Aboni bagwino bórok bwlam naitugwi tong lai kha. Bórok Jisuno khẃi-o kwcha rwna hwnwi borok khoroknwi khorokthamno rang tuksonwi borok kaham hai khe Jisuno kók sẃng phenek di hwnwi rohor kha. Hakhe bórok bo bujni bagwi gobornorni yago yapharwi man anw.

LUK SWIMANI KOTHOMA KAHAM 6:7

Kerong phrwngnairok bai Pharisairok Jisuno majra berna lama naitugwi Sabat salo khoroksa swkno ha da ham rwno hwnwi bórok bono oiran khe naichom laiwi tong lai kha.

JOHON 8:6

Bórok Jisuno khẃi-o ká rwui bono majra berwi manna tẃi khe omono sama se. Hakhe Jisu bomsonwi yasi bai khe ha-o rik kha.

JOHON 9:16

Pharisairokni bere baksa hai hwnwi sa lai kha, “O samung khlainai borok abo Kaitorni aroni wngwi man ya. Bo Sabat salno rákhok ya.” Baksa ba hai hwnwi sa lai kha, “Sumsok gwnang borok bahai khe omo hai soidomni samung khlaiwi man sla?” Hakhe bórok chapjagwi man lai li ya.