KAPSIMANG KAPMA 5:7 - Kok Borok (Re-edited) Bible (BSI)

⁷ Chini chuchusong sumsok khlai kha; bórok kwrwi kha, chwng khe bórokni cha yarokno ruju-ui ma tong kha.

KAPSIMANG KAPMA 5:7 Iomraidhean Croise

YAPHANG 42:13

Bórok hai hwnwi sa kha, “Chwng nini selengrok bebagwi takhuk chinwi ká-o, Kanan ha-o tongnai borok khoroksani’-no bwsa. Takhuk khoroksa khe thwi kha tei kusu kuk khe tabuk aphani aro.”

YAPHANG 42:36

Aphuru khe bórokni bupha Jakob bórokno hai hwnwi sa kha, “Norok ani bwsarokno kwma rw bai kha: Josep kwrwi kha; Simionbo kwrwi kha; hakhe norok tabuk Benjaminnobo tlangna nai tong-u kha; ang’-no manjaknai le wng si-o!”

JOBNI BIJAP 7:21

Tamo nwng ani sumsokno nakar ya wng tei ani samung cha yarokno ruju ya wng? Tabuk khe ang ha-o se tháng sinai laha; nwng ano naituk phano ang tei tong glak kha.”

JOBNI BIJAP 7:8

Ano nuknairok tei nuk phi glak kha; nwng ano nugwi tong twtwi’-no ang páiwi thángnai.

LAM RWMA 20:5

Norok abórokno ta khulum di phiya tabo ta mon di; tamni hwn ba ang norokni Subraiyung Kaitor wng kha risi gwnang Kaitor ano khibinai buphasongni cha yani bagwi bwsarokno kusungtham tei kusung brwi majra rw-o.

JIRIMIA 14:20

O Subraiyung chwng cha ya khlaimano tei chini chuchusongni hamyano chwng gosi-o, chwng nono kebengwi sumsok khlai kha.

JIRIMIA 16:11

Aphuru khe nwng bórokno sa di: Abo khe nini chuchusong ano yakarwi kubun mwtairokni thani thángwi bórokno monwi khulumui kha tei ano yakar kha tei ani kerongrokno rákhok li ya wngma bagwi;

JIRIMIA 16:12

tei norok norokni chuchusongni slái’-bo teibo sitra khe tong kuk kha, norok ani kók khna yaui sak sakni bwkhani hamya muchung tẃi khe him lai kha.

JIRIMIA 31:15

Rama-o kapsimang tei khá nangwi kapmani khorang khna kha, Rahel bini bwsarokni bagwi kabwi tongo, bwsarok thwi tháng baima bagwi bo khá methep rwjakna nai li ya.

JIRIMIA 31:29

Aphuru bororok tei hai hwnwi sa lai glak; “Buma bupha song khe ba angur kwkhwi chá lai kha, hakhe bwsarok khe ba bua khwijak kha.”

ESEKIEL 16:58

Nini belai samung hamya khlaimani bagwi tei ang naislerma samungno khlaima bagwi se nwng o majra mano, hwnwi Subraiyung sa-o.

ESEKIEL 18:2

“Israil hano tẃiwi ‘Buma-buphasong khe ba angur kwkhwi chá kha, yang bwsarokni khe ba bua khwi kha!’ hwnwi phrwngmung kók sa sajakmani abo tamo hwnma klai?

SAKARIA 1:5

norokni nuchusong buko? Diyarirok mol brúm brúm de kwthang tong ba?

LEKHAMUNG 14:18

‘Subraiyung khe doui joli ya, hamjakma kwbáng, cha ya bai deramano nakarnai, hwn ba bo sumsok khlainairokno khe buphasongni sumsokni bagwi bwsarokni thani-o kusungtham kusungbrwi jora majra man rwnai.’