KAPSIMANG KAPMA 5:6 - Kok Borok (Re-edited) Bible (BSI)

⁶ Chwng nangma chámungni bagwi Asiriya tei Ijipni yago rwjak kha.

KAPSIMANG KAPMA 5:6 Iomraidhean Croise

YAPHANG 24:2

Abraham bini nokni seleng kwcham kuk, bebakni barjano berjak a selengno hai hwnwi sa kha, “Nini yakno ani yaphago ton di,

2 HABUGRA 10:15

Jehu aroni lam rw phi kha, lama-o bo bai malaina phainai Rekabni bwsajla Jehonadab bai malai khe, hambai rw sogwi hai hwnwi sẃng kha, “Ang nwng bai bwkha baksa wngma hai nwngbo ang bai baksa bwkha baksa da tong?” Jehu hai hwnwi sa kha, “Abo hai wng khe nini yak phologwi rw di.” Hakhe bini yak phologwi rw kha, Jehu bini korai malkhung saka-o bono kasa rw kha.

JISAIA 57:9

Nwng thok tẃiwi Molekni thani tháng kha tei nini thok motomno báng rw kha; nwng hakchal ha-o sakni tẃitunrokno rohor kha tei morke jora rohor kha.

JIRIMIA 2:18

Tabuk norok Nil twimani twi nungna bagwi ha Ijibo thángwi tamo man kha ba? Eba Uphratisni twi nungna bagwi Asiriya-o thángwi norok tamo man kha?

JIRIMIA 2:36

Bahai khe nwng sak nang yaui nini uansukmano slái! Nwng Asiriya bai lachi rwjakma hai khe Ijip bai bo lachi rwjaknai.

JIRIMIA 50:15

Bono kitingwi chobani khorang khna rw di, bo sakno bedok kha; bini katimung thong báiwi klai bai kha tei bini chokdeualrok báikhrup bai kha. Tamni hwn khe omo wng kha, Subraiyungni yagul sumani: norokbo bono aboni yagul su di, bo khlaima tẃi’-no bono bo khlai di.

KAPSIMANG KAPMA 4:17

Ereng ereng chwng mokol logwi naisigwi tongwi mokol ruai kha; chwngno mwthangwi man ya abo tẃi dopharokno se chwng naisik lai máng tong kha.

ESEKIEL 17:18

Bo swmai tangwi kók kha laimano swbai kha. Bo yak bai swmai tangwi kók rw kha hai phano abo hai khe tang kha, bo tei yógwi se man glak.

HOSEA 12:1

Ephraim nokbarno se mwrwgo tei sapung salkabaini nokbarno riphrigo; bórok sal brúm brúm tatal tei ur patimung báng rw-o; bórok Asiriyasong bai kók kha lai-o tei Ijibo thok tlango.

HOSEA 5:13

Ephraim bo lummano saui man khe tei Juda bini kwsano si phuru khe Ephraim Asiriya-o habugra kotorni aro do lang kha. Tamo bo nini kwsarokno ham rwui man ya.

HOSEA 7:11

Ephraim khe pharuk hai, butua tei si ya; hakhe bórok Ijibo ring kha yang khe Asiriya-o thángo.

HOSEA 9:3

Bórok Subraiyungni ha-o tongwi máng ma tong glak; phiya Ephraim ha Ijibo kiphilwi ma thángnai tei Asiriya-o bórok kwthar ya chámungrok ma chánai.