KAPSIMANG KAPMA 5:22 - Kok Borok (Re-edited) Bible (BSI)

²² Nwng chwngno khibi súgwi da pái sinai? Nwng chwngno aswk kheno de jolijak lang?

KAPSIMANG KAPMA 5:22 Iomraidhean Croise

LOBMUNG 44:9

Nwng chwngno khibi kha, lachi rw kha, tei chini sengkrakrok bai nwng tháng li ya.

LOBMUNG 53:5

Bórok aro kiriui ma tongnai, abo hai uáisa phano kirimasingcha wng ya kho. Tamoni hwn ba Kaitor borok hamyarokni bekrengrokno saharnai; bórok lachimasingcha-o klainai, tamni hwn ba bórok Kaitorno khibi kha.

LOBMUNG 74:1

O Kaitor nwng chwngno tamo wngwi khibi súk lang? Tamoni nini sulani mwrwkma merarokni bagwi nini jolima hoku ongkhor?

LOBMUNG 79:5

O Subraiyung tei bwswk? Nwngba joli máng de tong sinai? Nwng risi nangwi thamchi tungma tei bwswk hór hai khe chẃng sinai?

JISAIA 64:9

O Subraiyung belai ta joli ja di; tei mol brúm brúm cha ya-chúk yarokno muitu ta khlai ja di. Naisigwi nai di, uansuk phi di, chwng bebakno nini bororok máng se.

JIRIMIA 14:19

Nwng Judano yakarwi da rw súk lang? Nwng Siyonno bwkha bai khe da naisler si? Nwng tamni bagwi ba chwngno ham phlai ya tẃi kheba swprak lang? Chwng tong kwchangno khatungwi tongmani, hai phano chini hamkrai se wng li ya; hamnani khatungmani abo se sundrumung se man si-o.

JIRIMIA 6:30

“Bórok khibijak rukphai hwnjago, tamni hwn ba Subraiyung bórokno khibi kha.”

JIRIMIA 7:29

Bwkhnai rasu di tei abono khibiui rw di: Hathái bukcha-o thángwi khá khamwi di, Subraiyung norokno khibi kha tei tabukni pirini bosongno Subraiyung joliui khibiui rw kha.

ESEKIEL 24:13

Jerusalem, nini samung hamya bai nwng dera kha, ang nono kwthar khlainani naiwibo nono kwthar khlai man glak, ani jolima nini saka-o klai rw ya sak nwng kwthar se wng glak kha.”

ESEKIEL 37:11

Hakhe Kaitor ano hai hwnwi sa kha, “Borokni bwsa, Israil bororok o bekrengrok hai se. Nai di, bórok sa lai-o bórokni bekrengrok ranwi tháng kha tei thangwi mannani chong li ya tei bwskango bo mungsa kwrwi kha.

HOSEA 1:6

Bo tei uáisa sakderiya wngwi bwsa bwrwi khoroksa bá kha. Subraiyung Hoseano sa kha, bono Lo-ruhama hwnwi phar di, tamni hwn ba ang bórokno tei khairok glak tei Israil bosongrokno nakar glak.