KAPSIMANG KAPMA 5:2 - Kok Borok (Re-edited) Bible (BSI)

² Chini man bantarok borok sini yarokni se wng si-o, chini nok-hukrok khe phatarsarokni wng kha.

KAPSIMANG KAPMA 5:2 Iomraidhean Croise

LOBMUNG 109:11

Bini tong kwrwi tẃi sekpronairok bórokni segwi na bai thung; borok sini yarok bórokni samungni bwtháino ma chá thung.

JISAIA 1:7

Norokni ha ahaino bukcha khe klaijak, norokni kamiyungrok hór bai sókchajak; norokni bwskango’-no norokni hano buini hani bororok monogwi pái kha; abo phatarsarok bai sekprojagwi bukcha khlaijak kha.

JISAIA 5:17

Hakhe mera bwsarok sakni sula-o mwrwgwi chá rwjakna nangma tẃi’-no chá rwjaknai, bupham gwnang tei mera bwsarok gwnangrokni khibijak sula-o mwrwgwi chá rwjak anw.

JISAIA 63:18

Nini kwthar bororok kwthar háyáno manmani jora kisa si kho; chini arirok nini háyáno yakung bai kádul bai kha.

JIRIMIA 17:4

Nini baithangni tongmungni jarwi ang rwmani hukumuno nwng kwmajaknai tei ang nono norok sini ya kena arirokni seleng ang snamnai, tamni hwn ba ani thamchi hór hai, abo kham phlai máng tongnai.

JIRIMIA 6:12

Bórokni nokrokno buini yapha-o yapharjaknai, bórokni hapharrok tei bihiksongrokno bebakno ani yakno o ha-o tongnairokni saka-o phologwi rw khe bebakno buini wng bainai, hwnwi Subraiyung sa-o.

ESEKIEL 7:21

Ang bórokno buini hani bororokni yago choba-o segwi tlangjak manwi hai khe ha sakani borok hamya kukrokni yago yapharnai tei bórok abono dera rwnai.

ESEKIEL 7:24

Ang jotoni slái dopha hamyarokno tubu-ui bórokni ha-o achuk rwnai. Ang bórokni kung chukmanirokno rwnai tei bórokni kwthar háyárokno dera rwnai.

HOSEA 8:7

Tamni hwn ba bórok nokbar bwchlwino saro tei bangkundrino khe bwthái ranai, a bwchlwini bumuk kwrwi, abo bwthái thái glak; abo thái-thui phano, phatarsarok se abono monok bainai.

HOSEA 8:8

Israil monokjak bai kha; tabuk khe kubun bosongrokni bisingo samung chúk ya twk hai wng kha.

JAPHANIA 1:13

Bórokni rang-rírok segwi najaknai tei bórokni nokrokbo swbaijaknai. Bórok nok kaham-kaham tangwibo aro ma tong glak; angur buphang kái phano aroni bwtwi ma nung glak.”