KAPSIMANG KAPMA 5:19 - Kok Borok (Re-edited) Bible (BSI)

¹⁹ Tamo khe o Subraiyung, nwng mol brúmno tong phlai-o; nini achukthayungbo kusung kusung tong phlai tongo.

KAPSIMANG KAPMA 5:19 Iomraidhean Croise

LOBMUNG 10:16

Subraiyung se mol brúm brúmni bagwi Bubagra; Dopharok bórokni hani komornai.

LOBMUNG 102:12

Tamo khe, o Subraiyung nwng tong phlainai; nini mung piri-piri-o kusung kusung tongnai.

LOBMUNG 145:13

Nini ha le komor phlai ya kusung kusung nini ha tong tongo. Subraiyung bini bebak kók rwmarokno narwgo tei bini bebak snamjakrokno hamari rw-o.

LOBMUNG 146:10

Subraiyung mol brúmno bugra wngwi tongnai; o Siyon, nini Kaitor kusung kusung bugra tongnai. Subraiyungno lob di!

LOBMUNG 29:10

Subraiyung twi kotoro achugwi tongo; Subraiyung mol brúmni bagwi bugra wngwi achukjak.

LOBMUNG 45:6

O Kaitor nini achukthai mol brúmno tongo. Nini dagijaknai raidang le bujsói khlainai raidang se;

LOBMUNG 9:7

Tamo khe Subraiyung le mol brúmno bubagra wngwi tongnai; buj thumna bagwi bo bini achukthayungno tono.

LOBMUNG 90:2

Hatháirok wng ya sini, ha tei o swngcharno nwng snam ya kho sini, mol brúmni simi mol brúmo nwng se Kaitor.

LOBMUNG 93:2

yaphangni simi’-no nini achukthayung songchajak; mol brúmni simi’-no tongo.

DANIEL 2:44

O habugrarokni jora-o chuknohani Kaitor, sokomorwi man ya tei kubun bororok bai sekjak ya ha songchanai. Tamo khe tei kubun harokno bebak sokomor bainai tei abo khe mol brúm brúm bachaui tongnai.

DANIEL 7:14

Bini thani bebak phan, bórom tei chẃngsacha yapharjak kha, joto dophani, bosongni tei kókni bororok bono ma mon bainai. Bini phan mol brúm tongnai tei bini ha sokomorjak glak.

DANIEL 7:27

Ha tei phanrok, bebak hani slái kotor kuk khe kwplaisa Kaitorni borok kwtharrokni thani yapharjaknai, bórokni ha mol brúm chorwi tongnai tei bebak bugrarok bórok ma monnai tei kók ma khna bainai.

HABAKUK 1:12

O Subraiyung ani Kaitor, nwng mol brúm brúm tong phlainai Kwtharsa ya diba? Chwng thwi glak. O Subraiyung nwng bórokno buj thumna bagwi mari khlai kha; o Holongthai Kwrak, nwng chwngno sátogwi khoraina bagwi bórokno chong kha.

JOHON 1:38

Hakhe Jisu uphilwi bórokno rwktharma nugwi “Norok tamo rutuk” hwnwi sẃng kha. Bórok hai hwnwi sa kha, “Rabi, nwng buro tong?” (Rabi phrwngnaino hwnma se.)

UÁINWINI SA PHIMA 33:27

Mol brúmni Kaitor wng kha nini bomthai; bisingo khe pái phlai ya bini yakrok máng. Bo nini bwskangni arirokno rwkhlaiwi rohor bainai, tei bono ‘Sokomor súk di’ hwnwi sanai.

1 TIMOTHI 1:17

Mol brúm brúm tongnai Bugra bo mol brúm brúm bórijak thung, mol brúm brúm chẃngsacha wng thung, bo thwi phlai ya, bo nukjak ya, bo simi se Kaitor! Amen.

HIBRU 13:8

Jisu Khristo miyabo haino, tinibo haino, mol brúm brúmbo haino tongnai.

PHUNUKJAKMANI 1:4

Ang Johon Asia angkorni motha kaisnini thani omono swihoro Phaina hwnnai a Kaitor norokno khairok thung, khá kwchang rw thung, bo tabukbo tongo, agibo tongo. Bini achukthayungni bwskango tongnai phola kaisni tei Jisu Khristo norokno khairok thung, khá kwchang rw thung. Jisu Khristo wng kha Kaitorni bagwi kaham khe kók sanai, bo se puila mwthangwi tisajak granai, bo se swngcharni bugrarokni bokhorok. Bo chwngno hamjago, bini thẃi bai bo chwngno chini sumsokni yakni phiyók kha,

PHUNUKJAKMANI 1:8

“Angno Alpha, angno Omega, Yaphang tei Buchuk,” hwnwi Subrai Kwplaisa Kaitor sa-o, bo’-no phaina hwnnai a Kaitor, bo tabukbo tongo, agibo tongo.