KAPSIMANG KAPMA 5:17 - Kok Borok (Re-edited) Bible (BSI)

¹⁷ Omoni bagwi chini bwkhabo thwi kha, chini mokolbo nuktha li ya,

KAPSIMANG KAPMA 5:17 Iomraidhean Croise

JOBNI BIJAP 17:7

Bwkha nang te nang te ani mokol nuktha li ya tei sak ramwi chemai súk kha.

LOBMUNG 31:9

O Subraiyung, ano khairok ja di tamni hwn ba ang dukhu klai tong kha; ani bwkha hamya wngmani bagwi ani mokol bena-bena wng kha tei bwsakrok ram kha.

LOBMUNG 38:8

Ang belai phan kwrwi kha tei báikhrup súk kha; ani bwkha yokmani bagwi ang kengai-o.

LOBMUNG 6:7

Bwkha hilikma bai ani mokol nukmabo mirimiri se wng si-o; ano kebengnai arirokni bagwi se abo hai wng si-o.

LOBMUNG 69:3

Ang kap máng kap máng lengpro kha, ani totra ranpra kha. Ani Kaitorno naising te naising te ani mokol nuk tha ya wng kha.

JISAIA 1:5

Norok tei tamni bujagwi tong sinai? Tamni bagwi norok kebeng máng tongnai? Norokni bokhorok gwnangwi kwsa máng tei bwkharok bebak hamya máng.

JISAIA 38:14

Monoknai hai, eba twini takhumsa hai khe khorang khlai tongmani, tokthu hai kengaiwi pungwi tongmani. Saka naisa te naisa te ani mokol ruai súk kha, o Subraiyung, ang sátokjak kha; Nwng ani mwrwknai wng ja di!

JIRIMIA 46:5

Ang tamo omono nuk lang? Bórok kirima cháui uklok uslu kha. Bórokni choba kwrwngrok mechenjak bai kha; doui khár bai kha; Bórok uphilwi nahar lang li ya, ayang uyang bebakno kirimasingcha! hwnwi Subraiyung sa-o.

JIRIMIA 8:18

Ani tongthokma kwrwi kha. Ani bwkha khamjak se.

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

KAPSIMANG KAPMA 1:22

“Nwng bórokni bebak cha yarokno nuk si thung; hakhe ano ani sumsokrokni bagwi ano khlai tẃi khe bóroknobo khlai si thung; tamni hwn ba ani kengaima báng laha tei ani bwkhabo lengpro súk kha.”

KAPSIMANG KAPMA 2:11

Ani mokolrok bai kabwi simi se ma tong si-o; ani bisingobo ayuk-muyuk khe tekto nang kha; ani bororok komorma bagwi tei absa kwlwirok kamiyungni lamarogo klaiwi lengwi tongma bagwi ani bwkha se ha-o klai thángma hai wng si-o.

ESEKIEL 21:15

Hakhe ang bórokni bwkha gele rwnani bagwi tei thutai rwnani bagwi bórokni dugar mathe’-no sengni buchukno surjak. O sengno jilik jilik wngna bagwi huljak. Omo tannani bagwi tiyar khe yago najak.

ESEKIEL 21:7

Bórok nono “Tamni ma kengai hwnwi sẃng khe?” Norok hai hwnwi sa di, “Tamni hwn khe ang khnamani hai’-no wngna nai tong kha. A jora sók phai khe bebak bororokni bwkha kiriui gelenai tei bebakni yak’-no bel bainai. Bebak bororokno kirima chanai; bebakni yáskúno belwi twi hai wngnai. Bórok bokhorok kitingnai tei bórokni yáskú ma kwlwi bainai. Nai di, abo phai tongo tei abo wng sinai’-no,” hwnwi Subraiyung Kaitor sa-o.

LEBI 26:36

Hakhe norokni bisingni kwthang tong rwknairokno khe ang norokni kebengnai arirokni o bwkha swbaimung rohornai tei buphang bwlái klaima khorang bai’-no kiriui ma khárnai; hakhe bororok seng kirijagwi khár tẃi khe bórok khárnai khoroksa phano bórokno riphrikna nang glak, hai phano bórok klai bainai.

MIKA 6:13

Aboni bagwino ang nono swpraknani tei sokomorna cheng kha, tamni hwn ba nwng sumsok khlai kha.

UÁINWINI SA PHIMA 28:65

Phiya norok a dopharokni bisingo kisa phano tongthokma man glak tei norokni yakungni yapha tolani bagwi lenglathai tong glak. Phiya Subraiyung aro norokno bwkha kwlwi rwnai, mokol siyari wngnai tei bwkha kwbai wngnai.