KAPSIMANG KAPMA 5:14 - Kok Borok (Re-edited) Bible (BSI)

¹⁴ Okra-chakrarok kamiyungni dugayungo achuk phai li ya, siklarokbo khnathok tammungrok tam li ya.

KAPSIMANG KAPMA 5:14 Iomraidhean Croise

JOBNI BIJAP 30:1

“Tamo khe tabuk ani slái chwrairok se ano thesra kari lai si-o, bórokni buphasong se ani mera mwrwknai sẃirok bai baksa se tongna chúk ya.

JOBNI BIJAP 30:31

Ani chongprengni khorang kapmung wngwi pái kha, ani sumui kabwi swlwknairok bai baksa se supjak si-o.

JIRIMIA 16:9

“Tamni hwn ba Kwplaisa Subraiyung Israilni Kaitor hai hwnwi sa-o: Ang bórokni hohom-dodom tongthokmani khorang tei chamari bai hamjwkni khorangno mwthagwi rw anw. Oroni bororok omono nukna bagwi kwthang tong anw.”

JIRIMIA 25:10

Ang bórokni aroni naithokrokni khorangrokno, tongthok cháthokni khorangno, chamari kwtalni khorang, hamjwk kwtalni khorang, rwsam-romoni khorang tei chatini pohorno swkwmaui rwnai.

JIRIMIA 7:34

Hakhe ang tongthok-cháthokni khorangno mwthaknai, hamjwk kwtalni khorang tei chamari kwtalni khorangrok o Judani kamiyungo tei Jerusalemni lamarokni mwthaknai, tamni hwn khe o ha bukcha wngnai.

KAPSIMANG KAPMA 1:19

“Ani hamjakmarokno ang ring kha tamo khe bórok ano bandi kha; kamiyungo ani ochairok tei tẃiphang okrarok phan khanani bagwi chámung rutuk lai phuru komor bái kha.

KAPSIMANG KAPMA 1:4

Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 2:10

Siyonni sajwkni okra chakrarok ha-o siring siring khe achuk kha; bórok khorogo hadlwi phulwi solani rí kano; Jerusalemni bwrwi siklarok bórokni bokhorok ha-o súkpáiwi tong lai-o.

ESEKIEL 26:13

Ang norok tongthogwi rwchap laimano mwthaknai, chongprengni khorangbo tei khna glak kha.

HOSEA 2:13

Bo Bal mwtairokno barogwi satrai sógwi tei sakno yasitem tei gwina-ganthirok kanwi naithok rwui ano pogwi bini hamjakma chwlarokni utung utung wngma bagwi ang bono sátoknai.

UÁINWINI SA PHIMA 16:18

“Subraiyung norokni Kaitor norokno bebak bosong thwgwi kamiyungrok rwnai, a kamiyung brúmni bagwi buj thumnairok tei naikolnairokno chong di tei bórok sói khe bororokno buj thum anw.”

PHUNUKJAKMANI 18:22

Chongpreng khorang, dangdu khorang, sumui khorang, totro khorang nini aro tei khna glak. Samung kwrwng khoroksa phano nini aro tei nuk glak; rwsam-romoni khorang nini aro tei khna glak.