KAPSIMANG KAPMA 5:1 - Kok Borok (Re-edited) Bible (BSI)

¹ O Subraiyung, chini saka-o bwswk tamo klai kha naiwi nai si di; chini lachimasingcharokno naiwi nai si di!

KAPSIMANG KAPMA 5:1 Iomraidhean Croise

NEHEMIA 1:3

Bórok ano hai hwnwi sa kha, “Yógwi tong rwknairok tabuk belai tekto tei lachima manẃi tong bai ja-o, Jerusalemni chokdeualrok swbaiwi khibijak kha tei aboni duglamrok hór bai sógwi sokomorjak kha.”

NEHEMIA 1:8

Nini seleng Musino dagimarokno muitu khlai di, “Norok sói khe tong ya wng khe, ang norokno dopharokni bisingo piring-poroi khlainai.

NEHEMIA 4:4

O chini Kaitor, khna ja di, chwng belai khe mwkhang sókjak kha, chwngno thesra khlaima bórokni bokhorok saka-o klai phi thung, bórokni tong kwrwi sekjak baiwi buini ha-o khaui tlangjak thung.

JOBNI BIJAP 10:9

Muitu narwk di, nwng ano harpek bai se tago; hakhe nwng ano hadlwi khlai phinai hai de?

JOBNI BIJAP 7:7

“Muitu narwk di, ani langma khe hama se; ang tei mokol bai tongthok nuk glak.

LOBMUNG 119:153

Ani dukhuno nai di tei ano mwthang ja di, tamni hwn ba ang nini kerongno pok ya.

LOBMUNG 74:18

Omono muitu narwk di, o Subraiyung kebengnai arirok bwswk se hamya sa lai tei tongmung sitra tongnairok nini mungwi hamya sa kha.

LOBMUNG 79:12

O Subraiyung, chini noksa-nok arirok nono mwnwi laimani aboni yagulno nwng bórok khlaimani slái tei uáisni kwbáng khe bórokno kiphilwi su di!

LOBMUNG 79:4

Nok arirokni thani chwng mwnwimung se wng si-o, chini yang ayang tongnairok bai mwnwiwi thesra se karijak si-o.

JISAIA 62:6

O Jerusalem ang nini chokdeual saka o mwrwknai sengkrakno tonwi rw kha, bórok sapung hopung siring siring tong glak. Norok Subraiyungno muitu khlainairok tei lengla ya,

JIRIMIA 15:15

O Subraiyung, nwng le saui mano; ani kókno muitu narwk ja di tei ano nai ja di, ano sátoknairokno nwng yagul su ja di, nwng bórokno khá logwi tongo hwnwi bórokni yago ano ta komor rw ja di. Uansugwi nai ja di ang nini bagwi bwswk se lachimasingcha khlaijakmano soi kha.

JIRIMIA 51:51

Chwng belai lachimasingcha khe lachi rwjak kha; chwng mwkhang man liya, tamni hwn ba phatarsarok chini Subraiyungni noktharo phai kha.

KAPSIMANG KAPMA 1:11

Bini joto bwsarok kengaiwi chámung naituk lai-o; bórok chámung cháui phan khanani bagwi bórokni manwi kahamrokno phal lai-o. O Subraiyung nai di, ang bwswk se chúk ya wng kha.

KAPSIMANG KAPMA 1:20

“O Subraiyung ang bwswk se bwkha báijak nai di; ani bwkha bisingo tekto nang kha ani tei tongkhrai kwrwi kha tamni hwn ba ang belai khe kók khna li ya ba. Lama-o khe seng butharo; nok bisingo khebo thwina simi.

KAPSIMANG KAPMA 1:9

Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

KAPSIMANG KAPMA 2:15

Lama tẃi láinairok bebakno nono naisigwi yapha tam lai-o; bórok Jerusalemni sajwkno nugwi thesra kariui mwnwi lai-o tei bokhorok jangriui sa lai-o, “Omo de a katswi naithok tei hayungni tongthok kuk kamiyung hwnwi hwnjaknai?”

KAPSIMANG KAPMA 2:20

O Subraiyung, naisik di, uansugwi nai si di! Nwng ba omo sabono khlai kha? Buma ba tamo bórokni ogo achainai chwraino da chá sinai? Diyari tei ochai ba tamo nok kwtharo da butharjaksinani?

KAPSIMANG KAPMA 3:19

Ani dukhu kostono tei nok kwrwi wngmano naiwi nai khe abo le katswi bokhlo hai kwkha!

KAPSIMANG KAPMA 3:50

Subraiyung chukha saka-o tongwi nai khlai ya sak.

KAPSIMANG KAPMA 3:61

“O Subraiyung bórok ano thesra kariui sa laimarokno tei ani hamya khlaina chapmarokno nwng khna kha.

HABAKUK 3:2

O Subraiyung, ang nini kókno khna kha, nini samungni kókno khnaui ang kirima chá kha. Chini jora-o thangcha rw phi di; chini o jora-obo abono saui man rw di; belai khe thamchi tung phurubo khairoknano ta pok ja di.

LUK SWIMANI KOTHOMA KAHAM 23:42

Hakhe bo Jisuno hai hwnwi sa kha, “O Jisu, nwng bugra wngwi phai phuru ano ta pok ja di.”