KAPSIMANG KAPMA 4:9 - Kok Borok (Re-edited) Bible (BSI)

⁹ Ma chá yaui ma thwimani slái choba-o seng bai tanjagwi butharjakma se hamo, kheto panthorni mai-khul kwrwi wngwi ok khuiwi thwiwi tong bai kha.

KAPSIMANG KAPMA 4:9 Iomraidhean Croise

2 HABUGRA 25:3

Nokha tal brwini sal chuku-o Jerusalemni bisingo belai khe chacharara nang kha, hani bororokni bagwi aro mungsa chámung kwrwi kha.

LAM RWMA 16:3

sa lai kha, “Subraiyung chwngno Ijibo buthar kheno ham kha mun. Chwng aro kisa le achugwi muihanrok ma chá kha mun tei kubun chámungrokbo ok pungwi ma chá kha mun. Tamo khe nwng chwngno o hasing hapharo chá rw yaui ok khui rwui butharna bagwi tubu kha.”

JISAIA 22:2

Norokni kamiyung hohom-dodom tei tongthothok. Nini aroni butharjaknairok seng bai tanjagwi butharjak ya.

JIRIMIA 16:4

Bórok kirimasingcha bemuk manjagwi thwi anw. Aphuru bórokni bagwi swlwkma cháui khoroksabo kapnai tei phobnairokbo tong glak; bórok ha saka-o musuk khi hai khe klaiwi ma tong anw. Bórok seng bai tantharjagwi tei bok nangwi ma thwi bai anw, aphuru bórokni mang kwthwirok nokha-o birwi tongnai tokrokni tei bolongni yabrwirokni chámung wng anw.

ESEKIEL 24:23

Nini bokhorokno khorok rí sórjak tongnai tei yakungo yaklap tongnai, nwng bwkhabo kham glak tei kabo kap glak, tamni hwn ba nini sumsokni bagwi twrwk twrwk kwmaui thángnai tei khoroksa tei khoroksano ma sokrom lainai.

ESEKIEL 33:10

Aboni bagwino, o borokni sajla, Israilni bororokno sa di; nwng hai hwnwi sa di, tumungno chini samung cha yarok tei sumsokrok chini saka’-ono klainai hwn khe, chwng bórokni bagwi se lengrung nangjak hakhe chwng bahai khe thangnai?

ESEKIEL 4:16

Bo ano teibo hai hwnwi sa kha, “Borokni sajla, nai di, ang Jerusalemni chámungno mwthaknai, bórok kiri twtwi chámung ma chánai tei bwkha khamwi twi ma nungnai.

ESEKIEL 7:15

Laharrogo khe choba nang laijak, bisingo khe kulum kwsa tei asari nangjak, panthoro tongnairok khe seng bai ma thwinai tei kamiyung bisingo tongnairok khe asari tei kulum kwsa bai ma thwinai.

LEBI 26:39

Hakhe norokni bisingni tong rwknai borok bórok sak sakni sumsokrokni bagwi, bórokni ma-phani sumsokni bagwi bórokni kebengnai arini ha komorwi thángnai.

UÁINWINI SA PHIMA 28:51

Tei norok komor súk ya sak bórok norokni mal-matarokni bwsarokno tei norokni hapharni bwthái bwchlwirok cháui páinai; bórok norokno sokomorwi pái ya sak norokni bagwi bwthái bwchlwi, angur bwtwi eba thok, nini musukni bwsarokno eba norokni merani bwsarokno narwk glak.