KAPSIMANG KAPMA 4:8 - Kok Borok (Re-edited) Bible (BSI)

⁸ Tabuk khe bórokni bumkhang khormaini slái se som si-o; bórok lamarogo siniui man li ya. Bórokni bukurrok rampraui bekreng bai se swrabwi tháng si-o; abo buphang hai khe se ranwi raksa si-o.

KAPSIMANG KAPMA 4:8 Iomraidhean Croise

JOBNI BIJAP 19:20

Ani bahan hoi súgwi bukur bai bekreng se swrap si-o, ani langma le cho tw tẃi wngwi tong kha.

JOBNI BIJAP 2:12

Hakchalo tong twtwi bórok bono sini hór lai li ya, bórok khorang sotonwi chirigwi kap lai kha; bórok rírok chir laiwi tei khorogo hadlwi sar lai kha.

JOBNI BIJAP 30:30

Ani bukur somchaui lór bái kha, tei ani bekrengrok tungphlaui khampro kha.

JOBNI BIJAP 33:21

Bini sakrok pái súk kha, nukna se tuk si-o; tei bórokni bekrengrok salsa sijak ya tongmani, tabuk khe abo khungrang-grang khe se nukjak si-o.

LOBMUNG 102:11

Ani langma le sanjani sampili hai wng kha; ang samrok hai ransaui tháng kha.

LOBMUNG 119:83

Ang hoku nangjak angur bwtwi tonjaknai bukurni sola hai wng kha, hai phano ang nini tongmungrokno pogwi tháng ya.

LOBMUNG 32:4

Tamoni hwn ba hor-sal nini yak ani saka-o hiligwi tongmani; ani phan sachlang jorani tungphlama bai ransa tẃi khe ransa kha. Sela

LOBMUNG 38:3

Nwng jolima bagwi ani sak hamwi man li ya; ani sumsokni bagwi ani bekrengbo hamchaui man li ya.

JISAIA 52:14

Kwbángmano bono mwlang cha lainai bini sakduk bui bai sol ya tei bororokno sol ya, bini sakduk borokni sajlarokno kosol wng ya.

KAPSIMANG KAPMA 5:10

Chini bukur thapa hai khe tung kha, khampro rwnai asari nangwi abo hai wng kha.

JOEL 2:6

Bórokno bebakno kirijago, bebakno ma borsa-o.

NAHUM 2:10

Komor kha, pái laha, bukcha wng kha! Bwkha bái kha kwlwibraui yáskú bai yáskú tokjak kha, oklep kwlwibra kha, mwkhang somwi tháng kha.

LUK SWIMANI KOTHOMA KAHAM 10:11

‘Norok hus wng thung hwnwi chini yakungo norokni taunni hadlwi nangmano suda chwng hu-ui klango. Hai phano o kókno si di, Kaitorni ha norokni gana sók phai kha!’