KAPSIMANG KAPMA 4:7 - Kok Borok (Re-edited) Bible (BSI)

⁷ Bórokni tẃiphangrok kothor kwsapni slái phano kuphur, dutni slái’-bo kuphur; twiyung tolani holong hai bórokni chẃngmani, bwkhnai khe holong Saphir hai.

KAPSIMANG KAPMA 4:7 Iomraidhean Croise

JOBNI BIJAP 28:16

Abo rangchak kaham kuk bai eba morok oniks eba saphir bai suna kwrwi.

JOBNI BIJAP 28:18

Holong kaham eba moni kahamrokni kókbo sana nang ya; simung le muktarokni slái morok se.

LOBMUNG 144:12

Chini bwsa chwlarok chasloksa phuru buphang bwsa hai khe torsa thung, chini bwsa bwrwirok khe habugrani noyungni tankhurwi snamjak thongla hai wngnai.

LOBMUNG 51:7

Hisop bai ano súcha di, hakhe ang kwthar wngnai; ano sú di hakhe ang kothor kwsapni slái kuphur wngnai.

LAM RWMA 24:10

Bórok Israilni Kaitorno nuk kha; bini yakung yaphango holong kwkhrang saphir hai tei chuknoha chẃngma hai’-no kwchẃng.

RWCHAPMUNG 5:10

Ani khájani borok le sak kwchẃng tei sakur chakkhlaijak, khorok chisai-o se kaisa.

RWCHAPMUNG 5:15

Bini yaphungrok khe rangchak saka-o holong marbelni thongla bacha rwjak hai. Bo Lebanon hai tei saijak sidar buphang hai kuchuk kotor.

DANIEL 1:15

Nokha salchini ulo habugrani chámung kaham chánairokni slái bórok se bwsak kaham tei lotwtẃi wng kuk si-o.

LUK SWIMANI KOTHOMA KAHAM 1:15

tamni hwn ba Subraini mokolo bo kotor wng anw. Bo chuak-arak mungsa phano nung glak; bohok bisingni simi’-no bo Phola Kwthar bai kupulung anw.

BUJ THUMNAIROK 13:5

nai di, nwng sakderiya wngwi chwla bwsa khoroksa banai. Bini bokhrok ta sil di, tamni hwn ba bini achaima salni simi’-no bo Kaitorni thani Najarit wngnai; phiya bo Israilsongno Philistiasarokni yakni phiyókna chengnai.”

BUJ THUMNAIROK 13:7

Phiya ba bo ano bwsa chwla khoroksa mannai hwnwi sa kha, bo ano chuak tei arak tei selengmasingcha manwirok ta chá di hwnwi dagi lang kha, tamni hwn ba chwrai kwthang tong lang sak Kaitorni thani Najarit hwnwi mung pharjaknai.”

BUJ THUMNAIROK 16:17

Páithago khe bo bwrwino hai hwnwi kók kubui saui rw kha, “Ani bwkhnai uáisa phano siljak ya kho, tamni hwn ba ang amani ok bisingni simi’-no Kaitorni thani Najarit hwnwi yapharjak. Ani bwkhnai siljak khe ani phan nongkhorwi thángnai tei kubun borok hai phan kwrwi wngnai.”

1 SAMUEL 16:12

Hakhe Jisai bono na rw hor kha, bo belai chwla kaham, mokolbo naithokma goron gwnang. Subraiyung Samuelno, “Bacha di, bono thok phulwi chong chongthar chong di, omo se ang chongmani,” hwnwi sa kha.