KAPSIMANG KAPMA 4:6 - Kok Borok (Re-edited) Bible (BSI)

⁶ Borok khoroksa swk bai yak kosonjak yaui’-no achomsani bisingono sokomor yaui páijaknai a Sodomni slái se chini bororokni sumsok le báng kuk si-o.

KAPSIMANG KAPMA 4:6 Iomraidhean Croise

YAPHANG 19:24

Hakhe Subraiyung Sodom bai Gomorani saka-o nokhani gwndwk tei hórni uatwi ua rw kha;

YAPHANG 19:25

tei bo a kamiyungrokno tei bebak harungrokno sokomor kha, bebak borokrok bai baksa aroni ha-o achainai bebakno’-no sokomor bai kha.

JISAIA 24:2

Borok bánglarokbo hai’-no wngnai tei ochairokbo haino wngnai; selengbo haino nokphang nokphangjwkbo haino wngnai, painai haino phalnai bo wngnai, solok nanai haino solok rwnai bo wngnai; lakai nanai haino lakai rwnai bo wngnai.

JIRIMIA 20:16

Subraiyung khairok yaui kamiyungrok swbaima hai a bororokbo abo haino wng thung; bo phung ai khe kapmani khorang tei diboro khe birmanni khorang khna thung,

JIRIMIA 23:14

“Phiya Jerusalemni diyarirokni bisingo, ang teibo selengmasingcha samung hamya khlaima nuk kha: Bórok chwla-bwrwi uaijanai wngo tei tatal sa lai-o; khoroksa phano samung hamyani kiphilwi phai man ya tẃi khe samung hamya khlainairokno bórok phan rw-o; bórok bebakno ani thani Sodom hai tei aro tong bainairok khe Gomora hai wng bai kha.”

KAPSIMANG KAPMA 4:9

Ma chá yaui ma thwimani slái choba-o seng bai tanjagwi butharjakma se hamo, kheto panthorni mai-khul kwrwi wngwi ok khuiwi thwiwi tong bai kha.

DANIEL 8:25

Bo belai hus gwnang khe bandiui samung khlaimani bai bini samung chanai tei bo sak sakno kotor kuk hwnwi uansuknai. Bororokno sakno kirina kwrwi khom-khom hwnwi chongwi tong phuru bo borok kwbángmano sokomornai, phiya naikolphangrokno kebengwi bachanai. Páithago khe bo borokni yak nang yaui’-no sokomorjaknai.

DANIEL 9:12

Nwng samani haino chini saka tei tẃiphangrokni saka-o tei kubun harokni slái teibo kirimasingcha khe klai kha. O ha saka-o Jerusalemno sátokmani hai tei kaisabo khlaijak ya kho.

MATHAI 24:21

Tamni hwn khe swngchar snam phuruni simi tabuk jora abo hai digi-sigi uáisa phano wng ya kho, abo hai tei w bo wng glak kha.

LUK SWIMANI KOTHOMA KAHAM 10:12

Ang norokno o kók sa-o, Jerani Salo a taunni slái phano Sodomno Kaitor maya chá kuk anw.”

LUK SWIMANI KOTHOMA KAHAM 12:47

“Nokphangni muchungma saui manẃi suda tiyar khe tong ya khe eba bini muchungma hai khlai ya khe a seleng panjalwi swprakjaknai.