KAPSIMANG KAPMA 4:4 - Kok Borok (Re-edited) Bible (BSI)

⁴ Absa kwlwirok bwslai ransajagwi kanswka-o kwphaui thángjak bái kha; chwrairok chámung san lai-o, tamo khe khoroksa phano bórokno chámung rwnai se kwrwi.

KAPSIMANG KAPMA 4:4 Iomraidhean Croise

2 HABUGRA 18:27

Tamo khe Rabsake bórokno hai hwnwi sa kha; “Ani bugra ba a kókrokno nini bugrano tei nono sanani bagwi da rohor lang tei norok bai baksa swraimung nangjak a deualo achuk laijakrok norok bai baksa sak sakni khi chánani tei sẃtwi nungnani bagwi achugwi tongnairokni thanibo rohor ya diba?”

2 HABUGRA 25:3

Nokha tal brwini sal chuku-o Jerusalemni bisingo belai khe chacharara nang kha, hani bororokni bagwi aro mungsa chámung kwrwi kha.

LOBMUNG 137:6

Tumung ang nono muitu khlai ya hwn khe, Jerusalemno tẃi simi’-no ani tongthokmung hwnwi khatungjak ya khe, hakhe ani bwslai kanswka-o raksaui kwchaui tháng thung.

LOBMUNG 22:15

ani búkhúk harpek hai ransaui tháng kha, ani bwslai kanswka-o swrabwi tháng kha; nwng ano kwthwini hadlwi-o mokhol kha.

JISAIA 5:13

Ani bororok khá siyani bagwi buini ha-o romwi tlangjak bai kha; bórokni bórom gwnangrok ok khuiwi ma thwinai tei borok bánglarok kangwi ma thwi bainai.

JIRIMIA 14:3

Bini bórom gwnangrok bórokni selengrokno twi tubu rwna rohoro; bórok twi tonmani gana phaiwi aro bórok man phai ya, bórok bórokni twi tilokrok bukcha khe ma kiphilo. Bórok lachijagwi tei bwkha báijagwi bórokni khorogo rí khaklubo,

KAPSIMANG KAPMA 1:11

Bini joto bwsarok kengaiwi chámung naituk lai-o; bórok chámung cháui phan khanani bagwi bórokni manwi kahamrokno phal lai-o. O Subraiyung nai di, ang bwswk se chúk ya wng kha.

LUK SWIMANI KOTHOMA KAHAM 10:11

‘Norok hus wng thung hwnwi chini yakungo norokni taunni hadlwi nangmano suda chwng hu-ui klango. Hai phano o kókno si di, Kaitorni ha norokni gana sók phai kha!’

UÁINWINI SA PHIMA 28:48

Phiya Subraiyung norokno kebengwi norokni arirokno rohor anw, norok bórokno ma monnai. Norok ok khuinai, twi kangnai tei rí kwrwi wngnai, bebakni’-no biyal ma wngnai. Tei bórok norokno sokomor súk ya sakno norokni gwdna-o sorni horbak bal rwui tonnai.

UÁINWINI SA PHIMA 32:24

Bórok ok khuima bai rampra bainai; kutung tei kirimasingcha khe sokomormung bórokno kobolnai: ang bórokno kebengwi uátharnairokno rohornai; hadlwi-o malnai bis gwnang chibukrokno rohornai: