KAPSIMANG KAPMA 4:22 - Kok Borok (Re-edited) Bible (BSI)

²² O Siyonni sajwk, nwng nini sumsokni manthai majrano man bái kha, bo nono buini ha-o seleng khlaiwi ton glak kha; tamo khe o Idomni sajwk, bo nini cha yarokni majra berwi sátoknai tei nini sumsokno pháng-pháng khe phunuknai.

KAPSIMANG KAPMA 4:22 Iomraidhean Croise

LOBMUNG 137:7

O Subraiyung, Idomsarok Jerusalemno sokomor laima salni kókno muitu khlai di, bórok ahai hwn lai kha, “Sokomor súgwi pái di! sokomor súgwi pái di! Katswi bini yaphang suda phuichaui khibi lainai!”

JISAIA 40:2

Jerusalemni lukurokno kwchang kwchang khe kók sa di tei bórokni thani kókno sakhlai di, bórokni chobani jora pái súk kha, tei bórokni cha yarok nakarjak kha, sumsokrokbo nakarjak súk kha.

JISAIA 52:1

Sicha si di, sicha si di, o Siyon; nini phan socha si di; nini rí naithokrokno kan si di, o kwthar kamiyung Jerusalem; tamni hwn khe tabukni simi norokni bisingo sakur rajak ya tei borok kwthar yarok hap phai glak.

JISAIA 60:18

Ha-o tei uálai-suk lai khna glak; nini ari bisingo swbaimung sokomormani kókrok, nini ari bisingo tong glak; nini chokdeualno mwthangnai bumung phar anw; tei nini duglam kotorno khe lobjaknai hwnwi phar anw.

JIRIMIA 32:40

Ang bórok bai mol brúm brúm tong phlainai swmai tangnai, samung kaham khlaima bo mwthak glak tei ani aroni khárwi thángwi man ya tẃi khlai, bórokni bwkha-o ang kirima hap rwnai.

JIRIMIA 33:7

Ang Juda bai Israilni mwkhangno kiphilwi tubu anw tei swkangni hai khe bórokni hano snam phirwi tisa anw.

JIRIMIA 33:8

Ang bórok ano kebengwi bebak cha ya, sumsok khlaimarokno hu-ui rwnai. Ano kebengwi cha yarok khlaiwi sumsok khlaimarokno tei kók khna ya wngmarokno ang nakarwi rwnai.

JIRIMIA 49:10

Tamo khe ang Esauno sak bukcha khlai kha, bini huijakthairokno nukjak rwui rw kha, bo huijagwi man li ya. Bini bwsarok sokomorjak bai kha tei takhuksong tei nok arini bororok sokomorjak kha; bo tei kwrwi kha.

JIRIMIA 50:20

Subraiyung hai hwnwi sa-o, a sal bai a jora-o Israilo cha ya-chúk yarokno naitukjak anw, phiya ba mungsa phano man glak; tei Judani sumsokbo naitukjak anw, phiya ba mungsa phano man glak; tei Judani sumsokbo naitukjak anw, phiya mungsa phano man glak, tamo khe ang karwi klangma bororokno ang nakar anw.

KAPSIMANG KAPMA 4:21

Ha Ujo tongnai o Idomni sajwk, khápang srangwi tongthok di; tamo khe nonobo a khuri rwjaknai; nwng pheknai tei kanmung-chummung kwrwi srwng-srwng ma wngnai.

KAPSIMANG KAPMA 4:6

Borok khoroksa swk bai yak kosonjak yaui’-no achomsani bisingono sokomor yaui páijaknai a Sodomni slái se chini bororokni sumsok le báng kuk si-o.

ESEKIEL 37:28

Ani Noktharno bórokni bisingo mol brúm brúm, ton kha, ang se Subraiyung Israilno ani borok snamnani bagwi chong kha hwnwi dopharok saui mannai.”

ESEKIEL 6:12

Hakchalo tongnai bemuk hamya bai manjagwi thwinai, samo tongnai seng bai ma thwinai, kwthang tong rwknairok khe asari bai ma thwinai. Abo hai khe ani jolima bórokni saka-o klai rwnai.

OBADIA 1:10

Nini takhuk Jakobno butharwi sátok-pitok khlaima bagwi, nwng lachimung mannai, tei mol brúmni bagwi ma kwma langnai.

MALAKI 1:3

tei Esauno khe naisler kha; ang bini hachukni kamirokno bukcha khe ton kha tei bini ha manthairokno hasinglwngni siyalrokni tongthai snam kha.”

MALAKI 1:4

Tumungno Idomsong, “Chini kami kotorrok swbaijak phano chwng abono songcha phinai” hwnwi sa khe, Phankrak Subraiyung hai hwnwi sa phinai, “Bórokni ha borok hamyarokni ha hwnjak ya sak tei Subraiyung bai mol brúm brúm jolijagwi tongjaknai ha hwnwi hwnjak ya sak bórok songcha phano ang ahaino ahai swbai phinai.”